က​လေးမြို့ရှိ ပြောက်ကျားစခန်းစီးနင်းခံရပြီး အနီးရှိ လယ်သမားနှစ်ဦးကို စစ်ကောင်စီ သတ်ဖြတ်သွား

က​လေးမြို့နယ်အတွင်းရှိ ​‌ပြောက်ကျားတပ်ဖွဲ့(UG)စခန်းတစ်ခုကို အင်အား ၅၀ပါသည့် စစ်​ကောင်စီ တပ်က ဝင်​ရောက်စီးနင်းရာ ရိုင်ဖယ်တစ်လက် အပါအဝင်ပစ္စည်းအချို့ ဆုံးရှုံးခဲ့​ကြောင်း PDF က​လေး တပ်ရင်း (၂)က သတင်းထုတ်ပြန်သည်။

စစ်​ကောင်စီတပ်စစ်​ကြောင်းသည်‌ ပြောက်ကျားစခန်းတစ်ခုကို ယ​နေ့ နံနက် ၆နာရီခန့်တွင် ဝင်​ရောက်စီးနင်းခဲ့ခြင်းဖြစ်ပြီး ​ပြောက်ကျားရဲ​ဘော်များ ​ဘေးကင်းစွာလွတ်​မြောက်ခဲ့သည်ဟု အသိပေးထားသည်။

စစ်​ကောင်စီတပ်စစ်​ကြောင်းသည် စခန်းအနီး လယ်လုပ်​နေသည့် ရွာသား နှစ်ဦးကို အ​ကြောင်းမဲ့ ပစ်သတ်သွားသည်ဟု PDF က​လေးက ထုတ်ပြန်သည်။

ထို့အပြင်​ ကလေးမြို့နယ်ရှိ လေးအိမ်စု​ကျေးရွာမှ နေအိမ်နှစ်လုံးကိုလည်း စစ်​ကောင်စီတပ်က မီးရှို့ဖျက်ဆီး​သွားသည်ဟု ဖော်ပြထားသည်။

Public Service Announcement

“ကျွန်တော်တို့ ကလေးPDF ကလေးမြို့နယ်(ပ.က.ဖ)နဲ့ UG တို့ပြန်ထိုးစစ်ဆင်ဖို့ သွားတော့ စခတွေက ပြန်ဆုတ်သွားပါပြီ။ သူ့တို့က အင်အားနည်းလို့ အမြန်ဆုတ်သွားလို့ထင်ပါတယ်”ဟု PDF ကလေးမှ ရဲဘော်တစ်ဦးက ပြောသည်။

အဆိုပါစစ်​ကြောင်းကို က​လေးမြို့နယ်(ပကဖ)နှင့် ​ပြောက်ကျားရဲ​ဘော်များက ထိုးစစ်ဆင်ရန် ​လေးအိမ်စုရွာကို ချဥ်းကပ်ခဲ့သော်လည်း စစ်​ကောင်စီတပ်များက လက်ပံခုံ​ကျေးရွာမှတဆင့် က​လေးမြို့ (ဒကစ)တပ်တွင်းသို့ ဆုတ်ခွာသွား သည်ဟု PDFက ဆိုသည်။ထိုသို့အလျင်အမြန် ဆုတ်ခွာ သွား​သော​ကြောင့် တိုက်ပွဲမဖြစ်ခဲ့ဟုလည်း အသိပေးသည်။

PDFများကို ကူညီသလို ​ပြောက်ကျားရဲ​ဘော်များကိုလည်း ကူညီ​ပေးကြရန် လည်း PDF က​လေးက ​ပြည်သူလူထုကို တောင်းဆိုထားသည်။