စစ်ကိုင်းတံတား၌ ပစ်ခတ်မှုဖြစ် နှစ်ဖက်ထိခိုက်မှုရှိဟုဆို

စစ်ကိုင်းတံတား(ရတနာပုံတံတား)တွင် ယနေ့နံနက်ပိုင်းက PDFရဲဘော်အချို့နှင့် စစ်​ကောင်စီတပ်စစ်ဆေးရေးဂိတ် အပြန်အလှန်ပစ်ခတ်မှုဖြစ်ပွားခဲ့ပြီး နှစ်ဖက်ထိခိုက်ကျဆုံးမှုရှိကြောင်း ဒေသတွင်းသတင်းရင်းမြစ်များကပြောသည်။

မန္တလေးတိုင်းနှင့် စစ်ကိုင်းတိုင်း၊ စစ်ကိုင်းမြို့အား ဆက်သွယ်ထားသော ရတနာပုံတံတား၌ ယနေ့(သြဂုတ်လ ၁၇ ရက်)နံနက် ၈ နာရီခွဲဝန်းကျင်က ပစ်ခတ်သံများကြားရပြီး မည်သည့်ယာဥ်မှ ဖြတ်သန်းခွင့်မပြုတော့ကြောင်း ဒေသခံများက ပြောသည်။

“​သေနတ်သံတွေကြားရတယ်ပြောတယ်။ ကားတွေလည်းရပ်ထားရတယ်။ ပြန်လှည့်ရတာတွေလ​ည်းရှိတယ်။”ဟု စစ်ကိုင်းဒေသခံတစ်ဦးက ပြောသည်။

​ဒေသတွင်း​တော်လှန်​ရေး သတင်းများ​ဖော်ပြ​ပေး​နေ​သောSpring Diary စာမျက်နှာက ထိုဖြစ်စဥ်အ​ပေါ် “ရတနာပုံ စစ်ကိုင်းတံတားထိပ်ဖြစ်စဉ်မှာExpress တစ်စီးပေါ်ပါလာတဲ့ PDF ကောင်လေး ၃ ယောက်နဲ့ စကစကင်းအဖွဲ့ အပြန်အလှန်ပစ်ကြရာ PDF ကောင်လေး ၃ ယောက်လုံးကျသွားပြီး စခ ၂ ကောင် အရေးပေါ်ကားနဲ့ သယ်သွားပါတယ်။ အခု တံတားကိုပိတ်ထားပါတယ်။”ဟု ဖော်ပြသည်။

Public Service Announcement

ပစ်ခတ်မှုအတွင်းထိ့ခိုက်ကျဆုံးမှုအ​ခြေအ​နေအ​သေးစိပ်ကို လူထု​နွေဦးကသီးခြားအတည်ပြုနိုင်​သေးခြင်းမရှိ​သေးပါ။