စစ်ကိုင်းတိုင်းအတွင်းရှိ စစ်ကိုင်း၊ မုံရွာနှင့် ရွှေဘို ခရိုင်များရှိ လမ်းပိုင်းများတွင် ပြည်သူများသတိပြုသွားလာရမည့်အချက်များအား ဒေသတွင်း PDFအဖွဲ့များက အသိပေးကြေညာသည်။
ယနေ့ (သြဂုတ် ၂၂ရက်)မှ စက်တင်ဘာ ၁ ရက်အထိ ရွှေဘို-ဆိပ်ခွန်-မူးကမ်းကြီး-နောင်ကြီးအိုင်လမ်းတစ်လျှောက်အား ည ၇နာရီမှ နောက်တစ်နေ့ နံနက် ၅ နာရီအတွင်း ဖြတ်သန်းသွားလာခြင်းမပြုကြရန် ရွှေဘိုခရိုင် အခြေစိုက် C&T SHWEBO အဖွဲ့က အသိပေးသည်။
မဖြစ်မနေ ဖြတ်သန်းသွားလာရမည်ဆိုပါက သက်ဆိုင်ရာအဖွဲ့အစည်းများအား သတင်းပို့၊ ချိတ်ဆက်၍ သွားလာကြရန် C&T SHWEBOအဖွဲ့က ပြည်သူများအား အသိပေးထားသည်။
သတိပေးထုတ်ပြန်ချက်များအား မလိုက်နာဘဲ မောင်းနှင်လာသောယဉ်များ၊ ယာဉ်မောင်းများ အန္တရာယ်တစ်စုံတစ်ရာတွေ့ရှိပါက တာဝန်ယူမည် မဟုတ်ကြောင်း C&T SHWEBOအဖွဲ့က သတိပေးသည်။
Public Service Announcement
အလားတူ မုံရွာ-မြင်းမူ-မန္တလေး လမ်းပိုင်းအသုံးပြု၍ ခရီးသွားကြမည့် ပြည်သူများအနေဖြင့် စစ်ကောင်စီနှင့်ပက်သက်သော အာကာသယာဉ် အား လုံးဝအသုံးပြုခြင်းမပြုလုပ်ကြရန် မြင်းမူအခြေစိုက် Knight Commanders(MMU) PDF အဖွဲ့က ထုတ်ပြန်သည်။
အဆိုပါ စစ်ကောင်စီထောက်တိုင်ယာဥ်လိုင်းသည် လမ်းကြောင်းပေါ်တွင် ပေါက်ကွဲမှုများဖြစ်ပေါ် နိုင်ပါသဖြင့် သတိပေးချက်ကို လိုက်နာပေးကြရန် ထပ်မံ သတိပေးထားသည်။
သြဂုတ် ၁၉ရက် နံနက်က စစ်ကိုင်းတံတားအနောက်ဘက်ခြမ်းတွင် အာကာယာဥ်လိုင်းပေါ်လိုက်ပါလာသူအချို့နှင့် အကြမ်းဖက်စစ်ကောင်စီတပ်တို့ အပြန်အလှန်ပစ်ခတ်မှုဖြစ်ပွားရာ လေးဦးသေဆုံးခဲ့ပြီး ၈ ဦးဒဏ်ရာရရှိခဲ့သည်။ သေဆုံးသူလေးဦးအနက် PDF ရဲဘော်နှစ်ဦးလည်း ပါဝင်သည်ဟု သိရသည်။
