စစ်ကိုင်းမြို့ရှိ ဘော်ဂါကျောက်ဝိုင်းအား ဖောက်ခွဲရေးပြုလုပ်မည်ဟု PDFခေါင်းဆောင်တစ်ဦး အမည် အလွဲသုံးစားပြု ပစ်စာပို့သွားခြင်းမှာ လုံးဝမလုပ်ကြောင်း စစ်ကိုင်းခရိုင်တပ်ရင်း (၁)တပ်ရင်းမှူး ဗိုလ်ယက္ခက ပြောသည်။
ယနေ့ (သြဂုတ် ၂၂ ရက်) ရက်စွဲဖြင့် စစ်ကိုင်းခရိုင်တပ်ရင်း (၁)တပ်ရင်းမှူး ဗိုလ်ယက္ခအမည်ကို အလွဲသုံးစားပြုလုပ်ပြီး ဘော်ဂါကျောက်ဝိုင်းနှင့် အမှတ် (၈၄)သစ်စက်တို့အား ဖောက်ခွဲရေးပြုလုပ်မည်ဆိုသော ပစ်စာများ ပစ်သွားကြောင်း ဗိုလ်ယက္ခက အသိပေးသည်။
မိမိသည် ပြည်သူ့ကာကွယ်ရေးတပ်မတော်သားတစ်ယောက်ဖြစ်သဖြင့် ပြည်သူလူထုအား အဓိကပစ်မှတ်ထားပြီး ဖောက်ခွဲရေးများပြုလုပ် မည်မဟုတ်ကြောင်း၊ မိမိတို့သည် စစ်ရေးနှင့်စစ်ဆင်ရေးများကိုလည်း ကြိုတင်အသိပေးစာပို့ကာ ပြုလုပ်မည်မဟုတ်ကြောင်း ဗိုလ်ယက္ခက ပြောသည်။
Public Service Announcement
မိမိတို့ပစ်မှတ်ထားသော အကြမ်းဖက်စစ်ကောင် စီတပ်များနှင့် စစ်ကောင်စီထောက်တိုင်များကိုသာ ပြုလုပ်သွားမည်ဖြစ်ကြောင်း၊ ပြည်သူများရှိသော စျေးများ၊ စာသင်ကျောင်းများ၊ ဆေးရုံများ၊ ဘာသာရေးအဆောက်အအုံများကို လုံးဝတိုက်ခိုက်သွားမည်မဟုတ်ကြောင်း ဗိုလ်ယက္ခက အသိပေးသည်။
