ရန်ကုန်မြို့ အင်းယားကန်ပေါင် (၆)မိုင်ခွဲရှိ အကြမ်းဖက်စစ်ခေါင်းဆောင် မင်းအောင်လှိုင် နေအိမ်ကို ရှယ်ယာစနစ်ဖြင့် ရောင်းချရာတွင် အမေရိကန်ဒေါ်လာ ၂သန်းဖိုးရှယ်ယာရောင်းချထားပြီးဖြစ်ကြောင်း NUG၏ ရှယ်ယာရောင်းချရေးအဖွဲ့ (EOD)က ယနေ့ထုတ်ပြန်သည်။
ကန်ဒေါ်လာ ၇သန်းသတ်မှတ်ထားသည့် စစ်ခေါင်းဆောင်မင်းအောင်လှိုင်၏ ဒုတိယမြောက်နေအိမ်ဖြစ်သည့် Inya View (၆) မိုင်ခွဲ စီမံကိန်းကို ဒေါ်လာ ၇သန်းဖြင့် ဩဂုတ် ၅ ရက်က စတင်ရောင်းချခဲ့ခြင်းဖြစ်သည်။
“၂ ပတ်စွန်းစွန်းမှာတင် ဒေါ်လာ ၂သန်းဖိုးရောင်းရတယ်ဆိုတာ တွေးကြည့်ရင် အားရှိစရာကြီးပါ။ EOD Share တွေဝယ်ကြတယ်ဆိုတာ ဂုဏ်သိက္ခာအရလည်း တန်ဖိုးရှိတယ်။ ငွေကြေးအရလည်း မြတ်ဦးမယ်။ ဆွေစဉ်မျိုးဆက် လိပ်ပြာလုံ၊ သိက္ခာရှိစေမယ့် ရင်းနှီးမြှပ်နှံမှုကြီးပါ”ဟု ရှယ်ယာရောင်းချရေးအဖွဲ့ (EOD)က ဆိုသည်။
စစ်ခေါင်းဆောင် မင်းအောင်လှိုင် အဓမ္မသိမ်းယူထားသည့် ရန်ကုန်မြို့အင်ယားလမ်း ခြံအမှတ် (၁၄)ကို NUGက ဒေါ်လာ ၁၀သန်းသတ်မှတ်ကာ ရှယ်ယာစနစ်ဖြင့်ရောင်းချပြီးနောက် ဒုတိယစီမံကိန်းအဖြစ် (၆) မိုင်ခွဲရှိနေအိမ်ကို ယခုလို ရောင်းချနေခြင်းဖြစ်သည်။
Public Service Announcement
ရန်ကုန်မြို့တွင် စစ်ခေါင်းဆောင်မင်းအောင်လှိုင် အမည်ဖြင့် အဓမ္မသိမ်းယူထားသည့် နေနေမ်လေးလုံးရှိပြီး စစ်အုပ်စုက သိမ်းယူထားသည့် မြေကွက်ပေါင်း ၆၀ ကျော်အထိရှိသည်ဟု NUG၊စီမံကိန်း၊ဘဏ္ဍာရေးနှင့် ရင်းနှီးမြှပ်နှံမှုဝန်ကြီး ဦးတင်ထွန်းနိုင်က ပြောထားသည်။
