ပြင်ဦးလွင်မြို့ မြို့ရှောင်လမ်းတွင် (၂၂) ဘီးယာဉ်နှင့် Light Truck ယာဉ်တိုက်မှုဖြစ်ခဲ့ရာ လူ ၉ဦးသေဆုံးပြီး ၅ ဦးဒဏ်ရာရရှိခဲ့ကြောင်း ယင်းနေရာသို့ သွားရောက်ကူညီပေးခဲ့သည့် သန္တိသုခအခမဲ့ လူမှုကူညီရေးအသင်းက အသိပေးထားသည်။
ဩဂုတ် ၂၈ ရက် ည ၇ နာရီခွဲခန့်တွင် ပြင်ဦးလွင် မြို့ရှောင်လမ်းရှိ ထင်းရူးတောအနီး၌ ဘိလပ်မြေများတင်ဆောင်လာသည့် (၂၂)ဘီးကား နှင့် ခရီးသည်များ တင်ဆောင်လာသည့် Light Truck ယာဉ်တိုက်မှုဖြစ်ခဲ့ခြင်းဖြစ်သည်။
ယာဉ်တိုက်မှုကြောင့် Light Truck ပေါ်လိုက်ပါလာသူ ၁၄ ဦးအနက် ၉ ဦးသေဆုံးကာ ၅ ဦးဒဏ်ရာရရှိခဲ့သောကြောင့် ပြင်ဦးလွင်ဆေးရုံသို့ ပို့ဆောင်ပေးခဲ့ကြောင်း သန္တိသုခအခမဲ့ လူမှုကူညီရေးအသင်း၏ဖေ့စ်ဘွတ်ခ်၌ ဖော်ပြထားသည်။
“ကျန်လူနာ ၅ဦးအနက် ၂ဉီးအား မန္တလေးဆေးရုံကြီးသို့လွှဲပြောင်း” ဟု ယင်းအသင်းမှ တာဝန်ရှိသူတစ်ဦးက ပြောသည်။
Public Service Announcement
