မြင်းခြံမြို့နယ် ဆီမီးခုံနယ်မှာ စစ်ကောင်စီတပ်ဖွဲ့ဝင်တွေနဲ့ ပျုစောထီးတွေ ဆက်တိုက်သတ်ဖြတ်ခံနေရတဲ့အတွက် စစ်ကောင်စီတပ်က ကျေးရွာတွေထဲကို ဝင်မွှေကာ ရှာဖွေဖမ်းဆီးတာတွေ လုပ်နေပါတယ်။
ဗိုလ်ကြီး အဆင့်ရှိသူတစ်ဦးအပါအဝင် စစ်ကောင်စီလက်အောက်ခံ ကိုးဦး နှစ်ရက်အတွင်း သတ်ဖြတ်ခံရပြီးနောက် စစ်အုပ်စုက ရွာတွေကို ပိုက်စိတ်တိုက်ရှာဖွေတာလုပ်လာတာပါ။
ဆီမီးခုံနယ်က ကန်နီ၊ပင်လယ်၊ငါ့နန်း၊ဖောင်းကတော၊ဖရင်း၊ဖက်ပင် စတဲ့ရွာတွေက ဒေသခံတွေကို ဖမ်းဆီးတာတွေရှိနေသလို ရွာထဲရမ်းကားသောင်းကြမ်းနေတယ်လို့ ဒေသခံများကပြောပါတယ်။
“သူတို့လူသတ်ခံရတော့ ရွာတွေမှာ မသင်္ကာတဲ့လူထင်ရင် ဖမ်းသွားတယ်ပြောတယ်”လို့ ကန်နီ ကျောက်တိုင်ရွာမှာနေထိုင်သူအမျိုးသားတစ်ဦးပြောပါတယ်။
Public Service Announcement
စက်တင်ဘာလ ၁၀ ရက် ကဆီမီးခုံမြို့ နယ်အတွင်း ဗိုလ်ကြီးတစ်ဦးနဲ့ နောက်လိုက်တစ်ဦး ပစ်ခတ်ရှင်းလင်းခံခဲ့ရပါတယ်။
စက်တင်ဘာ ၁၂ ရက်ကလည်း ဖောင်းကတော ရွာက စစ်ကောင်စီခန့်ရပ်ကျေးအုပ်ချုပ်ရေးမှူးနဲ့ ပျုစောထီးအဖွဲ့ဝင် သုံးဦးပစ်ခတ်သတ်ဖြတ်ခံလိုက်ရတယ်လို့သိရပါတယ်။
