'/%3E%3C/svg%3E){kind=small}
ဧရာဝတီတိုင်း၊ ရေကြည်မြို့နယ် အဝေးပြေးလမ်းပိုင်းတစ်နေရာတွင် စစ်ကောင်စီခန့်အုပ်ချုပ်ရေးမှူးတစ်ဦး ပစ်သတ်ရှင်းလင်းခံလိုက်ရသည်။
ရေကြည်မြို့နယ်၊ ဇရပ်လှကျေးရွာ အုပ်ချုပ်ရေးမှူး ဦးတာဘူးသည် ရေကြည် – ငါးသိုင်းချောင်းလမ်းတစ်နေရာတွင် သေနတ်ဖြင့် ပစ်ခတ်ခံရပြီး သေဆုံးသွားကြောင်း ဒေသခံများက ပြောသည်။
” ဦးတာဘူးက ကျွန်တော်တို့ဒေသ စစ်အာဏာရှင်တော်လှန်ရေးအတွက် အန္တရာယ်ရှိတဲ့သူ။ ဒီလူက စစ်ကောင်စီနဲ့ အတော်ပင်း(အလွန်ရင်းနီး)တဲ့သူ။ အခု ဆိုင်ကယ်မောင်းနေချိန် ပစ်သတ်ခံလိုက်ရတာ”ဟု ရေကြည်မြို့ခံတစ်ဦးက ပြောသည်။
ဦးတာဘူးပစ်သတ်ခံရသည့်ဖြစ်စဥ်သည် ယမန်နေ့(စက်တင်ဘာ ၁၄ရက်) ညနေ ၃နာရီခန့်က ဖြစ်ခဲ့ပြီး ယခုအခါ စစ်ကောင်စီတပ်က ပုသိမ် – ရေကြည် – ဟင်္သာတ လမ်းပိုင်းတစ်လျှောက် စစ်ဆေးမှုများ တင်ကျပ်ထားသည်ဟု သတင်းရရှိသည်။
Public Service Announcement
ဦးတာဘူးအား သုတ်သင်ရှင်းလင်းသည့်အဖွဲ့ကို မသိရသေးပေ။ ဧရာဝတီတိုင်းအတွင်း စစ်ကောင်စီနှင့် စစ်ကောင်စီထောက်တိုင်များအား တိုက်ခိုက်မှုမှန်သမျှမှာ နန်းထိုက်အောင်စစ်ဆင်ရေးအဖြစ် လှုပ်ရှားခြင်းဟု တော်လှန်ရေးအင်အားစုများက ပြောသည်။
