လက်နက်ကြီး လက်နက်ငယ်မျိုးစုံ ၁၂လက် ထက်မနည်းရရှိ
လက်နက်ကြီး လက်နက်ငယ်မျိုးစုံ ၁၂လက် ထက်မနည်းရရှိစစ်ကောင်စီစခန်းကို တစ်လခွဲနီးပါး ရိက္ခာဖြတ်တောက်ပိတ်ဆို့ပြီး သိမ်းပိုက်နိုင်ခဲ့ခြင်းဖြစ်ဟု ဖော်ပြ
ကရင်အမျိုးသားအစည်းအရုံး(KNU) တပ်မဟာ (၆)နယ်မြေ ကော့ကရိတ်မြို့နယ်ရှိ စစ်ကောင်စီ ၏ ကြိတ်တပ်စခန်းကို ယမန်နေ့ က တိုက်ခိုက်သိမ်းပိုက်ခဲ့ရာ စစ်ကောင်စီတပ်ဖွဲ့ဝင် ၇ဦး သေဆုံးပြီး ဒဏ်ရာဖြင့် အရှင်ဖမ်းမိသူ နှစ်ဦးရှိသည်ဟု KNUက သတင်းထုတ်ပြန်သည်။
အဆိုပါ တပ်စခန်းကို စက်တင်ဘာ ၂၀ရက် မွန်းလွဲပိုင်းက KNU လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း (၁၈) နှင့် ဒေါနစစ်ကြောင်း -SOG ပူးပေါင်းတပ်ဖွဲ့တို့ တိုက်ခိုက်သိမ်းပိုက်ခဲ့ခြင်းဖြစ်သည်။ စခန်းသိမ်းတိုက်ပွဲကို မွန်းလွဲ ၂နာရီ ၂မိနစ်တွင် စတင်ခဲ့ပြီး ၁၇မိနစ်အကြာ ၂နာရီ ၁၉မိနစ်တွင် ခမရ- ၅၅၇ စခန်း ကြိတ်စခန်းတစ်ခုလုံးကို သိမ်းပိုက်နိုင်ခဲ့သည်ဟု ထုတ်ပြန်သည်။
အဆိုပါ ကြိတ်စခန်းကို သြဂုတ် ၈ရက်မှစ၍ ပိတ်ဆို့ကာရိက္ခာဖြတ်ပြီး တစ်လခွဲနီးပါးအကြာတွင် စခန်းသိမ်းတိုက်ခိုက်ခဲ့ခြင်းဖြစ်သည်ဟု ဆိုသည်။
သိမ်းဆည်းရမိခဲ့သည့် လက်နက်များတွင် RPGနှင့် စိန်ပြောင်းအပါအဝင် လက်နက်မျိုးစုံ ၁၂လက်ထက်မနည်းတွေ့ရပြီး ကျည်နှင့်ခဲယမ်းအများအပြားရရှိခဲ့ကြောင်း ထုတ်ပြန်သည်။
Public Service Announcement
