တန့်ဆည်တွင် စစ်ကောင်စီတပ်နှင့်တိုက်ပွဲ ပြည်သူ့ရဲဘော်တစ်ဦးကျဆုံး

စစ်ကိုင်းတိုင်း၊ တန့်ဆည်မြို့တွင် စစ်ကောင်စီတပ်နှင့် ဒေသကာကွယ်ရေးတပ်ဖွဲ့များ တိုက်ပွဲဖြစ်ပွားရာ ပြည်သူ့ရဲဘော်တစ်ဦး ကျဆုံးခဲ့​ကြောင်း သတင်းရရှိသည်။

စက်တင်ဘာ ၂၂ရက်က တန့်ဆည်မြို့နယ်၊ နဘက်ငယ်ကျေးရွာအထွက် ပေကုန်းရွာအ၀င်၌ စစ်ကောင်စီတပ်နှင့် ဒေသကာကွယ်ရေးအဖွဲ့များတိုက်ပွဲဖြစ်ပွားခဲ့သည်။

အဆိုပါတိုက်ပွဲတွင် ရွှေဘိုခရိုင်၊ တပ်ရင်း (၁၆) Taze Revolution Force – TRFအဖွဲ့ဝင် ပြည်သူ့ရဲဘော်တစ်ဦး ကျဆုံးခဲ့ရကြောင်း ဒေသတွင်းသတင်းရင်းမြစ် များက ပြောသည်။

ကျဆုံးခဲ့ရသောရဲဘော်နှင့်ပတ်သက်၍ ဒေသတွင်းကာကွယ်ရေးအဖွဲ့များက ထုတ်ပြန်ခြင်းမရှိသေးပေ။

Public Service Announcement

တန့်ဆည်မြို့နယ်တွင် စစ်ကောင်စီတပ်နှင့် ဒေသတွင်းပြည်သူ့ကာကွယ်ရေးအဖွဲ့များ တိုက်ပွဲများဖြစ်ပွားနေပြီး နယ်ခံတစ်သောင်းကျော် ထွက်ပြေးတိမ်းရှောင်နေရကြောင်း ဒေသခံများက ပြောသည်။

တန့်ဆည်​မြို့နယ် သစ္စေးကုန်းရွာမီးရှို့သွားသောစစ်ကောင်စီတပ်နှင့် ပျူအင်အား ၈၀ခန့်သည် သဲစား(ရ)ရွာ၊ တဆယ်ကျဲရွာ၊ အင်တောသာကျေးရွာတို့ကို ယနေ့(စက်တင်ဘာ၂၄ ရက်)နံနက်ပိုင်း၌ ၀င်ရောက်မီးရှို့ဖျတ်ဆီးနေကြောင်း၊လက်နက်ကြီး၊ လက်နက်ငယ် ပစ်ခတ်သံများလည်း မကြာခဏကြားနေရကြောင်း ဒေသခံများက ပြောသည်။