အာဏာသိမ်းစစ်ကောင်စီဟာ NLD ပါတီကို အလုံးစုံဖျက်ဆီးဖို့ အားထုတ်နေတယ်လို့ ဒီနေ့မှာကျရောက် တဲ့ ပါတီသက်တမ်း ၃၄ နှစ်မြောက် နေ့ မှာ ထုတ်ပြန်ကြေညာပါတယ်။
စစ်တပ်ဟာ အာဏာသိမ်းပြီးနောက် ပါတီထိပ်ပိုင်းခေါင်းဆောင်တွေကို ဖမ်းထားတာ ၊ပါတီဝင်တွေနဲ့ လွှတ်တောက်ကိုယ်စားလှယ်တွေကိုလိုက်လံဖမ်းဆီးတာ ၊ နေအိမ်တွေနဲ့ ပိုင်ဆိုင်မှုတွေကိုချိတ်ပိတ်တာတွေအပြင် ဖမ်းမိသူတွေကို စစ်ကြောရေးမှာ ညှင်းပန်းနှိပ်စက် သတ်ဖြတ်တာတွေလုပ်ခဲ့တယ်လို့ NLD ကဆိုပါတယ်။
ဒါအပြင်ပါတီရုံးတွေကို ကျုးကျော်ဝင်ရောက်ပြီး ပါတီပိုင်ပစ္စည်းတွေကို သိမ်းဆည်းတာ ၊မီးရှို့ဖျက်ဆီးတာ ဆက်တိုက်လုပ်ဆောင်ကာ ပါတီကို အလုံးစုံဖျက်ဆီးဖို့ စစ်ကောင်စီက အားထုတ်နေတယ်လို့ NLD အသိပေးပါတယ်။
ကိုယ်ကျိုးစီးပွားကိုသာ ဦးထိပ်ထားတဲ့ စစ်ခေါင်းဆောင်တွေဟာ စစ်တပ်လွှမ်းမိုးတဲ့ နိုင်ငံရေးစနစ်ကို ဆက်လက်ထိမ်းသိမ်းထားဖို့ နိုင်ငံတော်အာဏာကို အဓမ္မလုယူကာ တိုင်းရင်းပြည်သူလူထုအပေါ် ရာဇဝတ်မှုတွေ ကျုးလွန်နေတယ်လို့ NLD ရဲ့ကြေညာချက်ထဲမှာဖော်ပြထားပါတယ်။
Public Service Announcement
စစ်တပ်အာဏာသိမ်းတဲ့ ၂၀၂၁ခုနှစ် ဖေဖော်ဝါရီလ ၁ ရက်က နေ ၂၀၂၂ ခုနှစ် မေလ ၅ ရက်အထိစာရင်းတွေအရNLD ပါတီဝင် ၉၀၀ ကျော် ဖမ်းဆီးခံခဲ့ရပါတယ်။
ဒီလို ဖမ်းခံရသူတွေထဲစစ်ကြောရေးကာလ ညှင်းပန်းနှိပ်စက်မှုနဲ့ အကျဉ်းထောင်တွင်းကျန်းမာရေးစောင့်ရှောက်မှုမပေးလို့သေဆုံးခဲ့ရတဲ့ပါတီဝင်ဦးရေဟာ ၁၈ ဦးထိရှိခဲ့ပါတယ်။
