Connect with us

Hi, what are you looking for?

LuduNwayOo

သတင်း

စီးပွားရေးပညာရှင် ရှောင်တာနဲလ်အပေါ် ထောင်ဒဏ် ချမှတ်ခြင်းကို သြစတြေးလျနိုင်ငံခြားရေးဝန်ကြီး ပယ်ချ၊ ချက်ချင်းပြန်လွှတ်ပေးရန် တောင်းဆို

ပါမောက္ခရှောင်တာနဲလ်သည် NLD အစိုးရလက်ထက်တွင် ဒေါ်အောင်ဆန်းစုကြည်၏ စီးပွားရေးအကြံပေးပုဂ္ဂိုလ်အဖြစ်ထမ်းဆောင်ခဲ့ပြီး စစ်တပ်အာဏာသိမ်းပြီးနောက် ဖေဖော်ဝါရီလဆန်းတွင် ဖမ်းဆီးခံခဲ့ရသည်။

ဓာတ်ပုံ - ရှောင်တာနဲလ်/ဖေ့စ်ဘွတ်ခ်
ဓာတ်ပုံ - ရှောင်တာနဲလ်/ဖေ့စ်ဘွတ်ခ်

▪️မြန်မာနိုင်ငံအတွက် ရှောင်တာနဲလ်လုပ်ဆောင်ပေးခဲ့သည်များကိုငဲ့ညှာကာ အိမ်ပြန်ခွင့်ပေးရန် ဇနီးဖြစ်သူ တောင်းဆို

သြစတြေးလျစီးပွားရေးပညာရှင်ရှောင်တာနဲလ်ကို စစ်ကောင်စီလက်အောက်ခံတရားရုံးက ထောင်ဒဏ် ၃ နှစ်ချမှတ်ခြင်းအပေါ် သြစတြေးလျနိုင်ငံခြားရေးဝန်ကြီးက ပယ်ချလိုက်ပြီး ချက်ချင်းပြန်လွှတ်ပေးရန်တောင်းဆိုလိုက်သည်။

မြန်မာနိုင်ငံဆိုင်ရာ သြစတြေးလျသံရုံးတာ၀န်ခံနှင့် တာ၀န်ရှိသူများက တရားခွင်တက်ရောက်ခွင့်ရရှိရန် ကြိုးပမ်းခဲ့သော်လည်း စစ်ကောင်စီလက်အောက်ခံတရားရုံးက တက်ရောက်ခွင့် မပေးခဲ့ပေ။

သြစတြေးလျအစိုးရသည် စစ်ကောင်စီက စီးပွားရေး ပညာရှင်ရှောင်တာနဲလ်ကို မတရားသဖြင့် ထိန်းသိမ်းထားသည့် ၁၈ လကျော်ကာလတလျှောက် ၎င်းအပေါ် စွဲဆိုထားသည့်အမှုမှန်သမျှကို အစဥ်တစိုက် ပယ်ချခဲ့ကြောင်လည်း ထုတ်ပြန်သည်။

ပါမောက္ခရှောင်တာနဲလ် သြစတြေးလျရှိ ၎င်း၏ မိသားစုထံ ပြန်မရောက်မချင်း အခွင့်အရေးတိုင်းကို ဆက်လက်ကြိုးပမ်းဆောင်ရွက်မည်ဖြစ်ပြီး ၎င်းအပေါ် ဒေသတွင်းအပါအဝင် နိုင်ငံတကာအသိုင်းအဝန်း၏ ခိုင်မာသည့် အားပေးထောက်ခံမှုများကို အသိအမှတ်ပြုကြောင်း ဖော်ပြသည်။

မစ္စတာရှောင်တာနဲလ်သည် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုအတွက် အားသွန်ခွန်စိုက်၊ မမောမပန်းအလုပ်လုပ်ပေးခဲ့ပြီး မြန်မာနိုင်ငံကို နှစ်ပေါင်း ၂၀ ကျော် ထောက်ခံအားပေးသူထဲမှ တစ်ဦးဖြစ်ကြောင်း ရှောင်တာနဲလ်၏ ဇနီးဖြစ်သူ Ha Vu က ထုတ်ပြန် သည်။

မြန်မာနိုင်ငံအတွက် ရှောင်တာနဲလ်လုပ်ဆောင်ပေးခဲ့သည်များကို ငဲ့ညှာကာ ၎င်းအား သြစတြေးလျသို့ ပြန်ခွင့်ပေးရန်လည်း Ha Vu တောင်းဆိုသည်။

ပါမောက္ခရှောင်တာနဲလ်သည် NLD အစိုးရလက်ထက်တွင် ဒေါ်အောင်ဆန်းစုကြည်၏ စီးပွားရေးအကြံပေးပုဂ္ဂိုလ်အဖြစ်ထမ်းဆောင်ခဲ့ပြီး စစ်တပ်အာဏာသိမ်းပြီးနောက် ဖေဖော်ဝါရီလဆန်းတွင် ဖမ်းဆီးခံခဲ့ရသည်။

အာဏာသိမ်းစစ်ကောင်စီသည် မစ္စတာရှောင်တာနဲလ်ကို နိုင်ငံတော်လျှို့ဝှက်ချက်အက်ဥပဒေ၊ လူဝင်မှုကြီးကြပ်ရေးဥပဒေပုဒ်မများဖြင့် စွဲဆိုထားပြီး ယနေ့အမိန့်ချမှတ်ရာတွင် နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊ စီမံကိန်းနှင့် ဘဏ္ဍာရေးဝန်ကြီး ဦးစိုးဝင်း၊ ဝန်ကြီးဟောင်းဦးကျော်ဝင်း၊ ဒုတိယဝန်ကြီး ဦးဆက်အောင်တို့နှင့်အတူ ထောင်ဒဏ် ၃ နှစ်ချမှတ်ခဲ့ ခြင်းဖြစ်သည်။

You May Also Like

သတင်း

သူ့မိတ်ဆွေ အသတ်ခံရတဲ့ ကိစ္စနဲ့ ပတ်သက်လို့ အကြောင်းအရာတချို့ ပြန်လည်သိရှိနိုင်အောင်ကူညီပေးခဲ့တဲ့ မြန်မာနိုင်ငံက လူပုဂ္ဂိုလ် တချို့ကို ကျေးဇူးတင်တယ်လို့လည်း တာနဲလ်က Facebookပေါ်မှာ ရေးသားထားပါတယ်။

ဆောင်းပါး

၂၀၂၁ ခုနှစ်၊ ဖေဖော်ဝါရီ ၆ ရက် မနက်ပိုင်းမှာ ဩစတြေးလျ စီးပွားရေး ပရော်ဖက်ဆာ ရှောင်တာနဲလ်ဟာ ရန်ကုန်မြို့က သူတည်းခိုနေတဲ့ ဟိုတယ်ဝန်ထမ်း တစ်ဦးဆီက ကျောချမ်းစရာ သတိပေးမှု တစ်ခုကို ကြားခဲ့ရပါတယ်။

သတင်း

ခန္တီးမြို့မှ မအေးသီရိဆိုသော အသက်(၂၇)နှစ်အရွယ်အမျိုးသမီးကို နိုဝင်ဘာ ၂၂ရက်က ထောင် ၁၀နှစ်ချမှတ်လိုက်ခြင်းဖြစ်သည်။

သတင်း

ဒီနေ့ နေ့လယ်ပိုင်း ANZ ဘဏ်ရဲ့ ထုတ်ပြန်ချက်အရ မြန်မာနိုင်ငံမှာ လည်ပတ်နေတဲ့ လုပ်ငန်းတွေကို လာမယ့်နှစ် အစောပိုင်းရပ်နားမယ်လို့သိရပါတယ်။