Connect with us

Hi, what are you looking for?

LuduNwayOo

သတင်း

လာမည့်အာဆီယံထိပ်သီးညီလာခံတွင် မင်းအောင်လှိုင်ကို ဖိတ်ကြားမည်မဟုတ်ကြောင်း အလှည့် ကျဥက္ကဌ ကမ္ဘောဒီးယား ကြေညာ

အလှည့်ကျဥက္ကဌကမ္ဘောဒီးယားသည် မြန်မာနိုင်ငံမှ နိုင်ငံရေးနှင့်မသက်ဆိုင်သောကိုယ်စားလှယ်ကိုသာ တက်ရောက်ရန် ဖိတ်ကြားမည်ဟု ဆိုသည်။

ကိုးကား၊ဓာတ်ပုံ - phnompenhpost
ကိုးကား၊ဓာတ်ပုံ - phnompenhpost

လာမည့် အာဆီယံထိပ်သီးခေါင်းဆောင်များညီလာခံတွင် မြန်မာအာဏာသိမ်းစစ်ခေါင်းဆောင်မင်းအောင်လှိုင်ကို ဖိတ်ကြားမည်မဟုတ်ကြောင်း အလှည့်ကျဥက္ကဌ ကမ္ဘောဒီးယားက ကြေညာလိုက်သည်။

လာမည့်နိုဝင်ဘာတွင် ဖနွမ်းပင်၌ အကြိမ် (၄၀)နှင့် (၄၁)ကြိမ်မြောက် အာဆီယံထိပ်သီးညီလာခံနှင့် ဆက်စပ်အစည်းအဝေးများကို ကျင်းပပြုလုပ်မည်ဖြစ်ပြီး စစ်ကောင်စီခေါင်းဆောင် မင်းအောင်လှိုင်ကို ယင်းအစည်းအဝေးများသို့ တက်ရောက်ခွင့်ပြုမည်မဟုတ်ကြောင်း ကမ္ဘောဒီးယားနိုင်ငံခြားရေးနှင့်အပြည်ပြည်ဆိုင်ရာပူးပေါင်းဆောင်ရွက်ရေး၀န်ကြီးဌာန ပြောရေးဆိုခွင့်ရှိသူ Chum Sunry က ပြောသည်။

အလှည့်ကျဥက္ကဌကမ္ဘောဒီးယားသည် မြန်မာနိုင်ငံမှ နိုင်ငံရေးနှင့်မသက်ဆိုင်သောကိုယ်စားလှယ်ကိုသာ တက်ရောက်ရန် ဖိတ်ကြားမည်ဟု ဆိုသည်။

“မြန်မာနိုင်ငံကလွဲလို့ အာဆီယံအဖွဲ့ဝင်နိုင်ငံအားလုံးဆီ အစည်းအဝေးဖိတ်စာတွေ ကျွန်တော်တို့ ပို့ထားပြီးပါပြီ။ အာဆီယံအတွင်းရေးမှူးချုပ်ရုံး၊ အာဆီယံရဲ့ဆွေးနွေးဖက်နိုင်ငံတွေ၊ ဒေသတွင်းနဲ့ နိုင်ငံတကာ အဖွဲ့အစည်းတွေဆီလည်း ပို့ထားပြီးပါပြီ။ မြန်မာကိုတော့ နိုင်ငံရေးနဲ့မသက်ဆိုင်တဲ့ကိုယ်စားလှယ်ကိုသာ စေလွှတ်ဖို့ ကျွန်တော်တို့အကြံပြုထားပါတယ်” ဟု Chum Sunry က ပြောသည်။

ပြီးခဲ့သည့် ၂၀၂၁ ဧပြီတွင် အာဆီယံခေါင်းဆောင်များချမှတ်ခဲ့သော ဘုံဆုံးဖြတ်ချက် ၅ ရပ်ကို မင်းအောင်လှိုင်ခေါင်းဆောင်သာ အကြမ်းဖက်စစ်ကောင်စီက လိုက်နာ အကောင်အထည် ဖော်ခြင်းမရှိသဖြင့် ယင်းနောက်ပိုင်းကျင်းပသော အာဆီယံထိပ်သီးညီလာခံများသို့ အာဆီယံက မင်းအောင်လှိုင်ကို တက်ရောက်ခွင့်မပေးတော့ပေ။

ကိုးကား၊ဓာတ်ပုံ – phnompenhpost

You May Also Like

သတင်း

အာဆီယံကာကွယ်ရေးဝန်ကြီးတွေနဲ့ အမေရိကန် ၊ တရုတ် ၊အိန္ဒိယ နိုင်ငံတို့ တွေ့ဆုံပွဲကို နိုဝင်ဘာ ၂၁ ရက်ကနေ နိုဝင်ဘာ ၂၃ ရက်အထိ ကျင်းပနေတာပါ။

သတင်း

မြန်မာနိုင်ငံ ဒီမိုကရေစီလမ်းကြောင်းပေါ်နှင့် ပုံမှန်အခြေအနေသို့ ပြန်လည်ရောက်ရှိရေး အထောက်အကူပြုရန် ကြိုးပမ်းမှုများအတွက် ရည်ရွယ်ကာ အာဆီယံအထူးကိုယ်စားလှယ်တစ်ဦး၏ တတိယအကြိမ်ခရီးစဥ်ကို စီစဥ်ရခြင်းဖြစ်ကြောင်း ကြေညာချက်၌ ဖော်ပြသည်၊

သတင်း

သန်နာသွန်ဂျွမ်ဂရွန်ဂရူရန်ကစ်က မြန်မာနိုင်ငံက စစ်တပ် အာဏာသိမ်းမှုဟာ ၂၀၁၄ တုန်းက ထိုင်းမှာ ဖြစ်ပွားခဲ့တဲ့ စစ်တပ် အာဏာသိမ်းမှုရဲ့ လွှမ်းမိုးမှုတွေ ပါဝင်နေတယ်လို့ ပြောပါတယ်။ အဲဒီတုန်းက ထိုင်းစစ်တပ် အကြီးအကဲအဖြစ် တာဝန်ယူခဲ့သူ ပယာရွတ်သ်က အာဏာသိမ်းမှုကို ဦးဆောင်ခဲ့တာပါ။

သတင်း

မနေ့က နိုဝင်ဘာလ ၁၁ ရက်မှာ ကျင်းပပြီးစီးသွားတဲ့ အာဆီယံ ထိပ်သီးအစည်းအဝေးအပြီး မြန်မာ့အရေးအတွက် အချက် ၁၅ ချက်ပါတဲ့ ကြေညာချက်ကို သီးသန့်ထုတ်ပြန်ခဲ့ပါတယ်။