ပစ်ခတ်မှုကြောင့် ကလေးငယ် ၂၄ ဦးအပါအဝင် ၃၆ ဦးသေဆုံးခဲ့ရ
ထိုင်းနိုင်ငံ က မူကြိုကျောင်းကို ဝင်ရောက်ပစ်ခတ်ခဲ့တဲ့ ထိုင်းရဲအရာရှိဟောင်းဟာ ဇနီးနဲ့ ကလေးကိုပါ ပစ်သတ်ပြီး ကိုယ့်ကိုယ်ကို အဆုံးစီရင်သွားတယ်လို့ ထိုင်းမီဒီယာတွေက ဖော်ပြပါတယ်။
နိုင်ငံအရှေ့မြောက်ပိုင်း၊နွန်ဘူရာလမ်ဖူဒေသမှာရှိတဲ့ မူကြိုကျောင်းကို ထိုင်းရဲအရာရှိဟောင်း ၁ ဦး ဒီနေ့ ဝင်ရောက်ပစ်ခတ်ရာ ကလေး ငယ်တွေအပါအဝင် ၃၆ ဦး သေဆုံးသွားပါတယ်။
ပစ်ခတ်ခံရမှုကြောင့် သေဆုံးသူ စာရင်းဟာ ထပ်တိုးနေပြီး လက်ရှိအချိန်ထိ သေဆုံးသူ ၃၆ ဦးရှိလာပြီဖြစ်ကာ ကလေးငယ် ၂၄ ဦးပါဝင်တယ်လို့သိရပါတယ်။
ဒါအပြင် ဒဏ်ရာရထားသူ ၁၂ ဦး ရှိပြီး ခရိုင်ဆေးရုံမှာ ကုသမှုပေးနေရပါတယ်။
Public Service Announcement
ဒီပစ်ခတ်မှုကိုကျုးလွန်ခဲ့တဲ့သေနတ်သမားဟာ အသက် ၃၄ နှစ်အရွယ် ထိုင်းရဲအရာရှိဟောင်းဖြစ်ပြီး မူးယစ်ဆေးဝါးအမှုမှာ ပါဝင်ပတ်သက်တဲ့အတွက် ရာထူးကနေ ထုတ်ခံထားရသူဖြစ်တယ်လို့ထိုင်းမီဒီယာတွေက ရေးသားကြပါတယ်။
သေနတ်သမားရဲအရာရှိဟောင်းဟာ နေအိမ်မှာ ကိုယ့်ကိုယ်ကို အဆုံးမစီရင်မီ ဇနီးနဲ့ကလေးကို ပစ်သတ်သွားပါတယ်။
