Connect with us

Hi, what are you looking for?

LuduNwayOo

သတင်း

နတ်တလင်းနှင့် တောင်ငူ၌ ယနေ့ တိုက်ပွဲသုံးကြိမ် ဖြစ်ပြီး စစ်ကောင်စီတပ် ၁၂ဦးထက်မနည်းသေဟု ပဲခူးတိုင်း PDF ထုတ်ပြန်

ယနေ့ (အောက်တိုဘာ ၁၃ရက်) နံနက်တွင် နတ်တလင်းမြို့နယ် ညောင်လေးပင်ရွာ နှင့် ကြက်မနက် ရွာကြား၌ တိုက်ပွဲနှစ်ကြိမ်ဖြစ်ခဲ့သည်ဟုဆိုသည်။

ပဲခူးတိုင်းပြည်သူ့ကာကွယ်ရေးတပ်မှ ရဲဘော်များအား တွေ့ရစဉ်၊ ဓာတ်ပုံ - Bago Region DPF
ပဲခူးတိုင်းပြည်သူ့ကာကွယ်ရေးတပ်မှ ရဲဘော်များအား တွေ့ရစဉ်၊ ဓာတ်ပုံ - Bago Region DPF

ပဲခူးတိုင်းပြည်သူ့ကာကွယ်ရေးတပ်များနှင့်အကြမ်းဖက် စစ်ကောင်စီတပ်ဖွဲ့ဝင်များ ယနေ့ တိုက်ပွဲ သုံးကြိမ်ဖြစ်ပွားခဲ့ရာ စစ်ကောင်စီတပ်ဖွဲ့ဝင် ၁၂ဦး ထက်မနည်းသေဆုံးပြီး ဒဏ်ရာရသူအများအပြားရှိခဲ့ကြောင်း ပဲခူးတိုင်းပြည်သူ့ကာကွယ်ရေးတပ်(PDF)က သတင်းထုတ်ပြန်သည်။

ယနေ့ (အောက်တိုဘာ ၁၃ရက်) နံနက်တွင် နတ်တလင်းမြို့နယ် ညောင်လေးပင်ရွာ နှင့် ကြက်မနက် ရွာကြား၌ တိုက်ပွဲနှစ်ကြိမ်ဖြစ်ခဲ့သည်ဟုဆိုသည်။

အင်အား ၅၀ခန့်ရှိ စစ်ကြောင်းကို သာယာ၀တီခရိုင် PDF တပ်ရင်း (၃၈၀၁) တပ်ခွဲ -၁ နှင့် တပ်ခွဲ -၂ တို့မှ ကြိုတင်စောင့်ဆိုင်း မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ လေးဦးသေဆုံးပြီး ခုနစ်ဦး ဒဏ်ရာရခဲ့ကြောင်း ဖော်ပြထားသည်။

Public Service Announcement
Public Service Announcement

အဆိုပါ စစ်ကောင်စီတပ်သည် ရှေ့ဆက်ချီတက် လာ၍ ကြက်မနက်ရွာ နှင့် ညောင်လေးပင်ရွာကြား၌ပင် ထပ်မံစောင့်ကြို မိုင်းဆွဲတိုက်ခိုက်ရာ မိုင်းကွင်းထဲ တည့်တည့် ဝင်ရောက်လာသည့်အတွက် အကြမ်းဖက်စကစတပ်ဖွဲ့ဝင် ခြောက်ဦးအနည်းဆုံးသေဆုံးပြီး ရှစ်ဦးထက်မနည်း ဒဏ်ရာရခဲ့ကြောင်း ထုတ်ပြန်သည်။

Public Service Announcement

Public Service Announcement

အဆိုပါ စစ်ကောင်စီတပ်အနေဖြင့် ရှေ့ဆက်မတိုးရဲတော့ဘဲ နောက်ကြောင်း ပြန်ဆုတ်သွားခဲ့ပြီး PDF တပ်ဖွဲ့ဝင်များအထိခိုက်မရှိကြောင်း အသိပေးထားသည်။

ပဲခူးတိုင်း၊ တောင်ငူမြို့နယ်၊ ကညင်မြောင်အုပ်စု၊ မြပင်ကူးကျေးရွာ တပ်စွဲထားသည့် စစ်ကောင်စီတပ် ကင်းစခန်းကိုလည်း ယနေ့ ညနေပိုင်း၌ တောင်ငူခရိုင် PDF တပ်ရင်း ၃၅၀၁၊ ခွဲ (၁)တပ်ဖွဲ့များမှ အလစ်အငိုက်တိုက်ခိုက် ခဲ့ကြောင်း ထုတ်ပြန်သည်။

ထိုသို့ တိုက်ခိုက်မှုကြောင့် စစ်ကောင်စီတပ်ဖွဲ့ဝင် ၂ဦးသေဆုံးပြီး အချို့ဒဏ်ရာရရှိခဲ့ကြောင်း၊ PDF တပ်ဖွဲ့ဝင်များ ဘေးကင်းစွာ ပြန်လည်ဆုတ်ခွာနိုင်ခဲ့ကြောင်း ဖော်ပြထားသည်။

ပဲခူးတိုင်း PDF တပ်ဖွဲ့ဝင်များနှင့် မြို့ပြပြောက် ကျားအဖွဲ့များက စစ်ကောင်စီတပ်များကို တိုက်ခိုက်လျက်ရှိပြီး စိုးမိုးနယ်မြေများအတွင်း ကျူးကျော်လာသော စစ်ကောင်စီတပ်များကို ဆက်လက် ချေမှုန်းတိုက်ခိုက်သွားမည်ဟု အသိပေးထုတ်ပြန်သည်။

ဆက်စပ်သတင်းများ

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

အဆိုပါ သံချပ်ကာ မှာ ရုရှားလုပ် ကင်းထောက်သံချပ်ကာBRDM 2 အမျိုးအစားဖြစ်ပြီး ၂၀၂၁ မတ် ၂၇ စစ်ရေးပြပွဲတွင် စစ်​ကောင်စီက ပြသခဲ့ဖူးသည်။ စစ်​ကောင်စီက ရုရှားထံမှ BRDM2 သံချပ်ကာယာဥ် ၃၃ စီးဝယ်ယူထား​ကြောင်းသိရသည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။

သတင်း

လွန်ခဲ့သည့်ရက်အနည်းငယ်အတွင်းမှာပင် ဒေသခံပြည်သူ ထောင်နှင့်ချီ၍ တာချ်ခရိုင်၊ မဲဆောက်မြို့နှင့် အခြားဒေသများသို့ ထွက်ပြေးတိမ်းရှောင်ခဲ့ရကြောင်း ဖော်ပြသည်။