ကရင်နီပြည်နယ် ဘောလခဲမြို့ရှိ စစ်ကောင်စီကင်းပုန်းဂိတ်စခန်း ဝင်ရောက်တိုက်ခိုက်ရာ စစ်ကောင်စီတပ်သား ခုနစ်ဦးသေဆုံးကြောင်း ကရင်နီအမျိုးသားများကာကွယ်ရေးတပ်(KNDF)တပ်ရင်း -၁၀က ထုတ်ပြန်သည်။
၃နာရီကျော်ကြာမြင့်ခဲ့သည့် တိုက်ခိုက်မှုဖြစ်စဥ်အရ အောက်တိုဘာ ၁၈ရက်က KNDF တပ်ရင်း -၁၀ ၊တပ်ရင်း -၂၁ နှင့် ကရင်နီတပ်မတော်(KA)တို့ပူးပေါင်း၍ ထိုးစစ်ဆင်ခဲ့သည်ဟု ဆိုသည်။
ဘောလခဲမြို့အဝင်ရှိ လေးထပ်တိုက်ပေါ်တွင် တပ်စွဲထားသော စစ်ကောင်စီတပ်ဖွဲ့၊ လမ်းမကြီးဘေးတွင် ပြုလုပ်ထားသော ကင်းပုန်းဂိတ်စခန်း နှင့် ပွန်ချောင်းတံတားထိပ်တို့တွင် ပြုလုပ်ထားသည့် ဂိတ်စခန်းတို့ကို နံနက် ၆နာရီခွဲအချိန်မှစ၍ စစ်ကြောင်းများခွဲကာ ဝင်ရောက်တိုက် ခိုက်ခဲ့သည်။
စစ်ကောင်စီ၏ ခြေကုပ်ယူထားသော ဂိတ်စခန်းများအား ဝင်ရောက်တိုက်ခိုက်မှုများအတွင်း စစ်ကောင်စီဖက်မှ ခုနစ်ဦး သေဆုံးကာ ခုနှစ်ဦးထက်မနည်းထိခိုက်ဒဏ်ရာများရရှိခဲ့ပြီး ပူးပေါင်းတပ် ဖွဲ့မှ အထိခိုက်မရှိ ဆုတ်ခွာနိုင်ခဲ့သည်ဟု ဖော်ပြ သည်။
Public Service Announcement
“အဲဒီနေ့(တိုက်ပွဲ ဖြစ်ပွားခဲ့သည့် အောက်တိုဘာ ၁၈ ရက်) ညပိုင်းက တိုက်လေယာဥ်တစ်စီး လာ ကင်းထောက်တာရှိတယ်။ပြီးတော့ ဒီရက်ပိုင်း တိုက်ပွဲတွေ ဆက်တိုက်ဖြစ်နေတယ်”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြော သည်။
တိုက်ပွဲ ဖြစ်ပွားခဲ့သည့်နေရာများအနီး ခရီးသွားပြည်သူများ အနေဖြင့်လည်း အလျှင်စလိုမသွား လာဘဲ သတင်းအခြေနေများအား မေးမြန်း၍ ဂရုစိုက်သွားလာရန်လည်း KNDF တပ်ရင်း -၁၀ က တိုက်တွန်းသည်။
ယခုရက်သတ္တပတ်အတွင်း ဒီးမော့ဆို၊လွိုင်ကော် ၊မိုးဗြဲ နှင့် ရှားတော မြို့နယ် တို့တွင် တိုက်ပွဲ များဖြစ်ပွားလျှက်ရှိပြီး စစ်ကောင်စီတပ်သား သေ ဆုံးသူများရှိသကဲ့သို့ ကရင်နီပူးပေါင်းတပ်မှ ရဲ ဘော်အချို့ကျဆုံးထားသည်။
