စစ်ကိုင်းတိုင်း၊ ရွှေဘိုမြို့နယ်၊ ဇီးဖြူကုန်းကျေးရွာအနီး၌ ကင်းပုန်းဝပ်နေသည့် စစ်ကောင်စီတပ် နှင့်ပျူများအား မိုင်းခွဲတိုက်ခိုက်ခဲ့ကြောင်း ဗိုလ်ကျားရိုင်း-ရွှေဘို(LPDF) အဖွဲ့ ပြန်ကြားရေးတာဝန်ခံက ပြောသည်။
ယနေ့ (အောက်တိုဘာ၂၁ ရက်) နံနက် ၁၁နာရီ ၄၅ မိနစ်ခန့်က ရွှေဘိုမြို့နယ်ရှိ စစ်ကောင်စီတပ်နှင့်ပျူစောထီး အထိုင်ချထားသော ဇီးဖြူကုန်းကျေးရွာ၊ အရှေ့ဖက်ကန်ဘေး ညောင်ပင်အောက်၌ စစ်တပ်နှင့်ပျူ ကင်းပုန်းဝပ်နေစဥ် ပဒေသာမိုင်း ၅လုံးဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း ဗိုလ်ကျားရိုင်း-ရွှေဘို(LPDF) အဖွဲ့ ပြန်ကြားရေးတာဝန်ခံက ပြောသည်။
“ွေးကင်းချရာ ဝပ်ကျင်းချရာနေရာဗျ။ အဝေးထိန်းနဲ့ခွဲတာပါဗျ။”ဟု ပြန်ကြားရေးတာဝန်ခံက ပြောသည်။
ပျူ လေးဦးကို ဖောက်ခွဲတိုက်ခိုက်ခဲ့ပြီး သုံးဦးသေဆုံးကာ တစ်ဦးပြင်းထန်ဒဏ်ရာရရှိသွားကြောင်း၊ ထပ်မံရောက်ရှိလာသော စစ်ကောင်စီတပ်နှင့်ပျူများသည် အနီးနားဝန်းကျင်တွင် ရမ်းသမ်းပစ်ခတ်ပြီး ထိခိုက်သေဆုံးသူများအား ထော်လာဂျီဖြင့် တင်ဆောင်သွားခဲ့သည်ဟု ဆိုသည်။
Public Service Announcement
အဆိုပါ တိုက်ခိုက်မှု့အား ဗိုလ်ကျားရိုင်း-ရွှေဘို (LPDF)၊ C&T Shwebo (LDF)၊BO BA TAW (LDF) ShweBo ၊EYE FOR EYE (PDF)၊ MAGIC DRAGON SHWEBO (LDF)၊မဟူရာ ရွှေဘိုသား (LDF)၊ဗိုလ်မြင်းပျံ (LDF)၊ ShweBo Federal Army (SBFA)၊Snake Eyes (LDF) ၊ Alpha 7 (LDF) ၊ဒေါင်းမာန် ရွှေဘို(LDF)၊ ငါးမည်ရ ပြည်သူကာကွယ်ရေးတပ်ဖွဲ့ ၊ဇာမဏီဒေါင်း (LDF)၊ဇေယျာသွေး ကျားရိုင်း (LDF)၊ရွှေဘို စွန်ရဲ (LDF)၊ MDF – ShweBo၊ဘိန်းဘုရင် ခွန်ဆာ (LDF)နှင့် ရွှေဘိုမြို့နယ် တိုက်နယ် (၂)တပ်ပေါင်းစုရဲဘော်များက တိုက်ခိုက်ခဲ့ခြင်းဖြစ်ပြီး မဟာမိတ်ညီနောင်များ အထိခိုက်မရှိ ပြန်လည်ဆုတ်ခွာနိုင်ခဲ့ကြောင်း အသိပေးထားသည်။
စစ်ကောင်စီဘက်က ထိခိုက်သေဆုံးမှုများနှင့်ပတ်သက်၍ ထပ်မံအတည်ပြုနိုင်ခြင်း မရှိသေးပေ။
ဇီးဖြူကုန်းကျေးရွာသည် စစ်ကောင်စီ တပ်စွဲထားပြီး ပျူအင်အားကောင်းသည့်ရွာတစ်ရွာဖြစ်ကာ ဒေသကာကွယ်ရေးအဖွဲ့များက မကြာခဏ လာရောက်တိုက်ခိုက်လေ့ရှိသည်။
