Connect with us

Hi, what are you looking for?

LuduNwayOo

သတင်း

လေကြောင်းတိုက်ခိုက်ခံရသည့် အနန့်ပါဒေသသည် KIAစခန်းမဟုတ်ကြောင်း ဗိုလ်ချုပ်ဂွန်မော်က မင်းအောင်လှိုင်ကို ရည်ညွှန်းအသိပေး

အနန့်ပါဒေသတွင် အသက်ဆုံးရှုံးခဲ့ရသူများအားလုံး ကောင်းရာဘုံ ရောက်ရှိပါစေဟု ဗိုလ်ချုပ်ဂွန်မော်က ဆုတောင်းမေတ္တာပို့ခဲ့ပြီး ထိခိုက်ဒဏ်ရာရသူများကိုလည်း ဆုတောင်းမေတ္တာ ပို့ထားသည်။

ဓာတ်ပုံ - Gunmaw Sumlut/FB
ဓာတ်ပုံ - Gunmaw Sumlut/FB

“အားလုံးရဲ့ ဝမ်းနည်းကြေကွဲမှုနဲ့ မျက်ရည်တွေဟာ တန်ဖိုးမဖြတ်နိုင်တဲ့ ရင်းနှီးမှုတွေဖြစ်လာမှာပါ”— ဗိုလ်ချုပ်ဂွန်မော်

အကြမ်းစစ်ကောင်စီတပ် လေကြောင်းမှတိုက်ခိုက်ခဲ့သည့် ဖားကန့်မြို့နယ် အနန့်ပါဒေသည် ကချင်လွတ်လပ်ရေးတပ်မတော်(KIA) တပ်စခန်းမဟုတ်ကြောင်း ကချင်လွတ်လပ်ရေးအဖွဲ့(KIO) ခေါင်းဆောင်တစ်ဦးဖြစ်သည့် ဗိုလ်ချုပ်ဂွန်မော်က ယနေ့ မွန်းလွဲပိုင်း၌ ၎င်း၏ Facebookမှတစ်ဆင့် အသိပေးပြီး စာပါအကြောင်းအရာများကို စစ်ကောင်စီခေါင်းဆောင်မင်းအောင်လှိုင်ကို မိတ္တူပေးကြောင်း ဖော်ပြခဲ့သည်။

ဓာတ်ပုံ - Gunmaw Sumlut/FB
ဓာတ်ပုံ – Gunmaw Sumlut/FB

စစ်ကောင်စီတပ် တိုက်ခိုက်ခဲ့သည့် နေရာသည် ခရီးသွားများခေတ္တနားကြသည့် စျေးဆိုင်တန်းစခန်းငယ်လေးသာဖြစ်ကြောင်း၊ KIO ဗဟိုကော်မတီသည် မြန်မာအစိုးရအဆက်ဆက်ကို ကူညီထောက်ခံသည့် သူများကိုပင်လျင် ရန်ဖက်အဖြစ် မသတ်မှတ်ခဲ့ကြောင်း၊ ယခု အနန့်ပါ သို့လာရောက်သော ပြည်သူလူထုများ ဒေသခံများကို စစ်ကောင်စီမှ ရန်သူသဖွယ်ပြုမူခဲ့ပြီဖြစ်ကြောင်း ဗိုလ်ချုပ်ဂွန်မော်၏ စာ၌ ဖော်ပြထားသည်။

ဓာတ်ပုံ - Gunmaw Sumlut/FB
ဓာတ်ပုံ – Gunmaw Sumlut/FB

“လူငယ်များကို အခွင့်ကြုံတိုင်း ဘ၀မှာ ပြုပြင်လို့မရနိုင်မည့် အမှားများ မလုပ်မိဖို့ ပြောလေ့ရှိပေမယ့် ဒီလို အမှားများကို လုပ်သူတွေက လူကြီးတွေဘဲ ဖြစ်နေပါတယ်”ဟု ဗိုလ်ချုပ်ဂွန်မော်က မင်းအောင်လှိုင်ကို မိတ္တူပေးသည့် စာ၌ရေးသားထားသည်။

Public Service Announcement
Public Service Announcement

အနန့်ပါဒေသတွင် အသက်ဆုံးရှုံးခဲ့ရသူများအားလုံး ကောင်းရာဘုံ ရောက်ရှိပါစေဟု ဗိုလ်ချုပ်ဂွန်မော်က ဆုတောင်းမေတ္တာပို့ခဲ့ပြီး ထိခိုက်ဒဏ်ရာရသူများကိုလည်း ဆုတောင်းမေတ္တာ ပို့ထားသည်။

Public Service Announcement

Public Service Announcement

ဓာတ်ပုံ - Gunmaw Sumlut/FB
ဓာတ်ပုံ – Gunmaw Sumlut/FB

“မိသားစုအားလုံးနဲ့ ထပ်တူ ကြေကွဲ ဝမ်းနည်းရပါတယ်။ အားလုံးရဲ့ ဝမ်းနည်းကြေကွဲမှုနဲ့ မျက်ရည်တွေဟာ တန်ဖိုးမဖြတ်နိုင်တဲ့ ရင်းနှီးမှုတွေ ဖြစ်လာမှာပါ”ဟု ဗိုလ်ချုပ်ဂွန်မော်က ရေးသားခဲ့သည်။

KIO အထိမ်းအမှတ်နေ့ အခမ်းအနားအကြို ဂီတပွဲပြုလုပ်နေစဉ် စစ်ကောင်စီတပ်က အနန့်ပါ ဒေသကို အောက်တိုဘာ ၂၃ရက်ညပိုင်း၌ လေကြောင်းမှ တိုက်ခိုက်ခဲ့၍ အနုပညာရှင်များ၊ ပြည်သူလူထုများ၊ စီးပွားရေးလုပ်ငန်းရှင်များ၊ KIO စစ်ဘက် အရပ်ဘက် ဝန်ထမ်းများ သေဆုံးထိခိုက်ရပြီး ယခုအချိန်ထိ ရုပ်အလောင်း ၆၀ တွေ့ရှိထားကာ ဒဏ်ရာရသူ ၅၅ဦးနှင့် ပျောက်ဆုံးနေသူများ ရှိကြောင်း KIAက အတည်ပြုထားသည်။

ဆက်စပ်သတင်းများ

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

အတွေးအမြင်

ကြိုတင်ပြင်ဆင်ပြီးထားခြင်းမရှိခဲ့ဘဲ ရုတ်တရက် မျက်နှာပြောင်တိုက်မှဖြစ်တော့မယ့် ပြဿနာတစ်ခုက နေပြည်တော်က အာဏာလုထားတဲ့ စစ်ဗိုလ်ချုပ်​တွေကြား ဇွန် ၂၀ ရက်ကစ​ရောက်လာတာပါ။

သတင်း

KIA အမှတ်(၁၁)တပ်မဟာကို အူလောင်းပါနှင့် ရွှေကူဒေသတို့ ပါဝင်ပြီး KIA အမှတ် (၁၂) တပ်ရင်း၊အမှတ်(၂၇)များဖြင့် ဖွဲ့စည်းထားကြောင်း အသိပေးသည်။

သတင်း

ဇွန်လ ၇ရက်မှစ၍ မြန်မာ - တရုတ် ရေနံပိုက်လိုင်းတစ်လျှောက် အများပြည်သူအသုံးပြုသည့် အဆိုပါလမ်းပိုင်းတွင် KIAအဖွဲ့က ဖြတ်တောက် ထားခြင်းဖြစ်ကြောင်း ဖော်ပြထားသည်။