Connect with us

Hi, what are you looking for?

LuduNwayOo

သတင်း

ခြိမ်း​ခြောက်မှုများကြားမှပြည်သူများမီးပိတ်သပိတ်ပါဝင်ဆင်နွှဲ

ထို့အပြင် ည၉ နာရီခန့်တွင် မန္တလးကျုံးအရှေ့ဘက်ရှိ အမှတ်၁ရဲစခန်းဝန်းကျင်၌ သေနတ်ပစ်ခတ်သံများကြားခဲ့ရကြောင်း ​မြို့ခံများက ပြောသည်။

ခြိမ်း​ခြောက်မှုများကြားမှပြည်သူများမီးပိတ်သပိတ်ပါဝင်ဆင်နွှဲ
ခြိမ်း​ခြောက်မှုများကြားမှပြည်သူများမီးပိတ်သပိတ်ပါဝင်ဆင်နွှဲ

▪︎မုံရွာ၊မန္တ​လေးတွင်မီးပိတ်သပိတ်ပြုလုပ်​သောပြည်သူများကိုစစ်​ကောင်စီတပ်ကပစ်ခတ်ခြောက်လှန့်

မုံရွာ၊ မန္တ​လေး၊ ရန်ကုန် စသည့်မြို့များတွင် စစ်​ကောင်စီကခြိမ်း​ခြောက်​နေသည့်ကြားမှ ပြည်သူများကမီးပိတ်သပိတ်ပါဝင်ဆင်နွှဲခဲ့ကြပြီး မုံရွာနှင့်မန္တ​လေးတွင် ပြည်သူလူထုအား စစ်ကောင်စီတပ်က သေနတ်ဖြင့်ပစ်ခတ်ခြောက်လှန့်မှုပြုလုပ်ကြောင်း ဒေသခံများကပြောသည်။

စစ်ကောင်စီတပ်၏ ဖားကန့်မြို့နယ် အနန့်ပါ​ဒေသတွင် ဂီတ​ဖျော်​ဖြေ​ပွဲပြုလုပ်​နေစဥ်လေကြောင်းတိုက်ခိုက်မှု​ကြောင့်လူ ၁၀၀ကျော်​သေဆုံး၊ဒဏ်ရာရရှိခဲ့မှုအတွက်ဝမ်းနည်း​ကြောင်း

ယနေ့(အောက်တိုဘာလ ၂၈ ရက်နေ့ ) ည ၈ နာရီ ၃၀ မိနစ်မှစ၍ ၈ နာရီ ၄၀ မိနစ်အထိ ၁၀ မိနစ် တိတိ မီးပိတ်၊ မီးမှိတ် အမှောင်ချခြင်းလှုပ်ရှားမှုကို နိုင်ငံတစ်ဝန်းပြုလုပ်ခဲ့သည်။ မန္တလေးနှင့်မုံရွာမြို့များတွင် စစ်ကောင်စီတပ်က ပစ်ခတ်ခြိမ်းခြောက်မှုများ ပြုလုပ်ခဲ့ခြင်းဖြစ်သည်။

မန္တ​လေးမြို့တွင်စစ်ကောင်စီတပ်က ကားများဖြင့်လှည့်လည်ကြည့်ရှုခြင်းများ ပြုလုပ်သွားသည်ဟုဒေသခံတို့ကပြောသည်။

“စစ်တပ်က ဒရုန်းနဲ့တောင်ပတ်ကြည့်သွားသေးတယ်။”ဟု မန္တလေးမြို့ခံတစ်ဦးက ပြောသည်။

ထို့အပြင် ည၉ နာရီခန့်တွင် မန္တလးကျုံးအရှေ့ဘက်ရှိ အမှတ်၁ရဲစခန်းဝန်းကျင်၌ သေနတ်ပစ်ခတ်သံများကြားခဲ့ရကြောင်း ​မြို့ခံများက ပြောသည်။

မီးသပိတ်ပြီးနောက် မိနစ်နှစ်ဆယ်ခန့်အကြာည ၉ နာရီခန့်တွင် မီးပျက်သွားခဲ့ကြောင်း၊ ထို့နောက်စစ်ကောင်စီတပ်က ကားနှစ်စီးဖြင့်ပတ်နေပြီး ဆဲဆိုမှုများလည်း ပြုလုပ်နေကြောင်းမန္တ​လေးမြို့ မဟာအောင်မြေမြို့နယ်၊ စိန်ပန်းရပ်တွင်နေထိုင်သူတစ်ဦးက ပြောသည်။

မြို့ရှိပြည်သူအများစု မီးပိတ်သပိတ်တွင်ပါဝင်ဆင်နွှဲခဲ့​သော မုံရွာမြို့တွင်လည်း စစ်ကောင်စီတပ်က သေနတ်ပစ်ဖောက်ခြိမ်းခြောက်မှုများ ပြုလုပ်ခဲ့သည်။

“မီးပိတ်တဲ့အိမ်တွေကို ပစ်တယ်လို့ကြားတယ်။ ရပ်ကွက်တွေထဲလည်း ပတ်ကြည့်တာတဲ့ မီးပိတ်ရင်ပစ်တာတဲ့။ စစ်ကောင်စီဟာ ပြည်သူလူထု သူတို့ဘက်မရှိဘူးဆိုတာကို သိတယ်၊ အဒါကြောင့် သွေးပျက်နေကြတာ။ အကြောက်တရား၊ လက်နက်အားကိုးနဲ့ အနိုင်ကျင့်နေလို့တာ ပြည်သူတွေ ခံနေကြရတာ။ လက်နက်သာ မရှိရင် ဒီကောင်တွေ နေစရာတောင်ရှိမှာမဟုတ်ဘူး။”ဟု မုံရွာသပိတ်ဦးဆောင်ကော်မတီမှ ကိုသန်းကျော်ဦးက ပြောသည်။

စစ်​ကောင်စီ၏ ခြိမ်း​ခြောက်မှုများ​ကြောင့် ရန်ကုန်မြို့တွင် တစ်မြို့လုံးမဟုတ်​သော်လည်း ပြည်သူများကတက်အားသ​ရွေ့ပါဝင်ဆင်နွှဲခဲ့ကြ​ကြောင်း​ဒေသခံများက​ပြောသည်။

မီးပိတ်သပိတ် ပါဝင်ဆင်နွှဲ​မည့်ပြည်သူများကို ဖိအား​ပေးရန် စစ်​ကောင်စီတပ်က ယ​နေ့ညတွင် ရန်ကုန်မြို့တွင်း၌ လှည့်ကင်းကားများပိုမို သွားလာနေသည်ကို ‌တွေ့ရသည်။

“ရပ်ကွက်ရုံးမှာရောက်နေတယ်ကြားတယ်။ မီးပိတ်တဲ့သူတွေတော့ ပိတ်ထားတာပဲ။ လမ်းထဲကိုတော့ ဝင်မလာသေးဘူး” ဟု လှိုင်မြို့နယ်တွင်နေထိုင်သူတစ်ဦးကပြောသည်။

ရွှေပြည်သာ ဒေါပုံ စသည့် မြို့နယ်များ၌ လျှပ်စစ်မီးပြတ်နေသောကြောင့် မီးပိတ်သပိတ်တွင် ပါဝင်ရန် ပြင်ဆင်စရာပင်မလိုကြောင်း ဖေ့စ်ဘွတ်ခ်အသုံးပြုသူအချို့က မျှဝေထားသည်။

“မီးပျက်ဖူးသမျှထဲမှာ ဒီတခါမီးပျက်တာ အပျော်ဆုံးပဲ EPC is CDM right now”ဟု ဖေ့စ်ဘွတ်ခ်အသုံးပြုသူတစ်ဦးက ရေးသားထားသည်။

(မုံရွာနှင့် ရန်ကုန်ရှိ​နေရာအချို့တွင်ပြည်သူများ မီးပိတ်သပိတ်ပါဝင်ဆင်နွှဲ​နေကြစဥ်။ဓါတ်ပုံ-CK/မုံရွာသပိတ်ဦး​ဆောင်​ကော်မတီ ၊စမ်း​ချောင်ပင်မသပိတ်စစ်​ကြောင်း)

You May Also Like

သတင်း

ယမန်နေ့(ဇန်နဝါရီ ၂၇)ရက် နေ့လယ် ၃ နာရီခွဲခန့်က ကန့်ဘလူမြို့နယ်တွင် ခရီးတစ်ထောက်နားပြီး ဆက်ထွက်လာသော စစ်ဘက်သုံးရဟတ်ယာဥ် Mi 35 နှစ်စီးနှင့် Mi 17 နှစ်စီးဖြင့် လာရောက်၍ ကောလင်းမြို့နယ် ကျောက်ပျဥ်သာတိုက်နယ်မှ ကုက္ကိုကုန်းရွာအား လေးကြောင်းမှ ပစ်ခတ်ခဲ့ခြင်း ဖြစ်သည်။

သတင်း

M3 လုပ်ကွက်တွင်ထိုင်းကုမ္ပဏီက ရှယ်ယာ ၈၀ရာခိုင်နှုန်းနှင့် ဂျပန်ကုမ္ပဏီ Mitsui Oil Exploration ကုမ္ပဏီက ရှယ်ယာ ၂၀ ရာခိုင်နှုန်းပိုင်ဆိုင်ထားသည်။

သတင်း

အဆိုပါ စစ်ဆင်ရေးကို Zero ပြောက်ကျားတပ်ဖွဲ့ (မြင်းခြံ)၊ သရဲနီအဖွဲ့၊ စွန်ရဲ၊ 3D အဖွဲ့အဖွဲ့တို့ ပူးပေါင်းတိုက်ခိုက်ခဲ့ကြောင်း အသိပေးသည်။

သတင်း

ယမန်နေ့(ဇန်နဝါရီ ၂၁)ရက် နေ့လယ် ၂ နာရီခွဲခန့်က တကောင်းတိုက်နယ် (၄)မိုင်‌ကျေးရွာအနီး ပီလောပစ်‌ဘုန်းကြီးကျောင်း အထိုင်ချထားသော စစ်အုပ်စုမှ အင် အား (၄၀)ခန့်ကို ယာဉ်သုံးစီးဖြင့် ထွက်လာစဥ် ရှေ့ထွက်မိုင်းနှစ်လုံးဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။