ကရင်အမျိုးသားအစည်းအရုံး(KNU) တပ်မဟာ (၅) နယ်မြေ ဖာပွန်ခရိုင်၌ အောက်တိုဘာလအတွင်း တိုက်ပွဲများဆက်လက်ဖြစ်ပွားခဲ့ပြီး စစ်ကောင်စီတပ်နှင့် ၎င်း၏လက်အောက်ခံ နယ်ခြားစောင့်တပ်(BGF) မှ ၇၉ဦးသေဆုံးကာ ၆၄ဦးဒဏ်ရာရခဲ့ကြောင်း တပ်မဟာ(၅)က သတင်းထုတ်ပြန် သည်။
ပြီးခဲ့သည့် တစ်လအတွင်းတိုက်ပွဲပေါင်း ၁၃၆ကြိမ်ဖြစ်ခဲ့ပြီး စစ်ကောင်စီတပ်မှ သေဆုံးသူများထဲ၌ အရာခံ ဗိုလ်တစ်ဦး၊ တပ်စိတ်မှူးတစ်ဦး ပါသည်ဟု ဖော်ပြထားသည်။
အဆိုပါတိုက်ပွဲများအတွင်း တပ်မဟာ(၅)ဘက်က ဒဏ်ရာရသူ ၁၆ဦး ရှိခဲ့သည်ဟု ဆိုသည်။
တိုက်ပွဲဖြစ်ပွားချိန် စစ်ကောင်စီတပ်က ဒေသခံ ရွာသူရွာသားများအားပစ်မှတ်ထား တိုက်ခိုက်မှုများ လုပ်ဆောင်ခဲ့ပြီး လေကြောင်းမှ ဗုံးကြဲတိုက်ခိုက်မှုလည်း လုပ်ဆောင်ခဲ့ကြောင်း တပ်မဟာ (၅)က ထုတ်ပြန်သည်။
Public Service Announcement
စစ်ကောင်စီနှင့် BGFတပ်များက အရပ်သားများကို ပစ်ခတ်သတ်ဖြတ်ခဲ့၍ အရပ်သားရှစ်ဦး သေဆုံးပြီး သုံးဦးဒဏ်ရာရခဲ့ကြောင်း၊ နေအိမ် ၁၀လုံးမီးရှို့ဖျက်ဆီးခံခဲ့ရကြောင်း အသိပေးထားသည်။
အောက်တိုဘာလအတွင်း၌ စစ်ကောင်စီတပ်က အလင်းဝင်ရောက်လာသူ သုံးဦးရှိခဲ့ကြောင်း KNU တပ်မဟာ(၅)က သတင်းထုတ်ပြန်သည်။
