စစ်အာဏာရှင်ဆန့်ကျင်ရေး မန္တလေးသံဃသမဂ္ဂ က ဦးဆောင် ဆရာတော် ကို ဖမ်းမမိတာကြောင့် အခြားသောာ ဦးဇင်း နှစ် ပါးကို ပြန်ပေးဆွဲသလို စစ်အုပ်စုဟာ ဖမ်းဆီးသွားတယ်လို့ သံဃသမဂ္ဂ( မန္တလေး)ကထုတ်ပြန်ပါတယ်။
နိုဝင်ဘာလ ၂ ရက်နေ့ မွန်းလွဲပိုင်း ၁ နာရီခန့်က မန္တလေးမိုးကောင်းကျောင်းတိုက်ထဲကို စစ်အုပ်စုဟာ ဝင်ရောက်ကာ သံဃသမဂ္ဂ ဦးဆောင် ဆရာတော် တစ်ပါးကို ဝင်ဖမ်းခဲ့တာပါ။
ဒါပေမယ့် မတွေ့တာကြောင့် ညပိုင်း ၇ နာရီမှာ ထပ်လာပြီး စာသင်နေတဲ့ အခြားသော ဦးဇင်း နှစ်ပါးကို စစ်မေးစရာရှိလို့ ခဏခေါ်သွားမယ်မယ်ဆိုကာဖမ်းဆီးသွားတာလို့ သိရပါတယ်။
အဲဒီ ဦးဇင်း နှစ်ပါးဟာ သံဃသမဂ္ဂ(မန္တလေး) နဲ့ပတ်သက်ဆက်နွယ်သူတွေမဟုတ်ပေမယ့် ဖမ်းဆီးပြီး လေးရက်အကြာ ဒီနေ့ နိုဝင်ဘာလ ၆ ရက်အထိ ပြန်လွှတ်ပေးတာမရှိသေးပါဘူး။
Public Service Announcement
ဖမ်းဆီးသွားတဲ့ ဦးဇင်းနှစ်ပါး ရဲ့ ကျန်းမာရေးနဲ့အသက်အန္တရာယ်တစုံတရာ ဖြစ်ခဲ့ရင် အကြမ်းဖက်ဖမ်းဆီးခဲ့သူတွေ တာဝန်ယူရမယ်လို့လည်းသတိပေးထားပါတယ်။
စစ်ကောင်စီတပ်ဟာ ပြီးခဲ့တဲ့အောက်တိုဘာလ ၃၀ ရက်ကလည်း သံဃသမဂ္ဂ(မန္တလေး) ရဲ့ ဦးဇင်း ဦးကလျာဏကို ဖမ်းဆီးခဲ့ပါသေးတယ်။
