စစ်ကိုင်းတိုင်း၊ မြင်းမူမြို့နယ်၊ ထီးဆောင်းကျေးရွာတွင် ထန်းတော၌ဝိုင်းဖွဲ့ထိုင်နေသည့် စစ်ကောင်စီတပ်သားများအား ဒရုန်းဖြင့် ဗုံးသီးချတိုက်ခိုက်ခဲ့ကြောင်း မြင်းခြံခရိုင် တပ်ရင်း(၇) Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။
ယနေ့ (နိုဝင်ဘာ၁၁ ရက်) နံနက် ၁၀ နာရီ ၄၅မိနစ်အချိန်တွင် ထီးဆောင်းကျေးရွာ၌ တပ်စွဲထားသည့် စစ်ကောင်စီတပ်အား ထီးဆောင်းရွာ၏အရှေ့ဘက် ထန်းတော၌ ဝိုင်းဖွဲ့ထိုင်နေစဥ် ဒရုန်းဖြင့် တိုက်ခိုက်ခဲ့ခြင်းဖြစ်ကြောင်း Zero ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။
“ဒရုန်းနဲ့တိုက်ခိုက်တာ ဝိုင်းဖွဲ့နေတဲ့နေရာကိုကျတယ်။ အနည်းဆုံး သုံးကောင်သေတယ်။ ဒဏ်ရာရရှိမှုများလည်း ရှိပါတယ်”ဟု ကိုသက်ကြီးက ဆိုသည်။
မြင်းမူမြို့နယ်သည် မုံရွာ-မန္တလေးလမ်းပေါ်တွင်ရှိပြီး စစ်ကောင်စီတပ်အား ဒေသကာကွယ်ရေးအဖွဲ့များက မကြာခဏတိုက်ခိုက်နေသည်။
Public Service Announcement
Zero ပြောက်ကျားတပ်ဖွဲ့သည် ယနေ့နံနက်ပိုင်းကလည်း မြင်းမူမြို့မြန်မာ့စီးပွားရေးဘဏ်ရှိ ကင်းစောင့်စစ်ကောင်စီတပ်အား ဗုံးပစ်တိုက်ခိုက်ခဲ့သေးသည်။
