စစ်ကိုင်းတိုင်းအတွင်းရှိ ကျေးရွာတစ်ရွာနေ ဇနီးမောင်နှံက မန္တလေးတိုင်းအခြေစိုက် ZERO ပြောက်ကျားတပ်ဖွဲ့အား စိန်နားကပ်တစ်ရံကို တော်လှန်ရေးအတွက်လှူဒါန်းပေးခဲ့ကြောင်း အဆိုပါပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။
ယမန်နေ့(နိုဝင်ဘာလ ၁၅ရက်နေ့က တိုက်ပွဲဝင်ခဲ့သည့်အနီးနားရွာနေ ဇနီးမောင်နှံနှစ်ဦးက ZERO ပြောက်ကျားတပ်ဖွဲ့၏ ကြိုးစားမှုကို လေးစား၍ဆိုကာ ၂၀၁၃က ပြုလုပ်ထားသည့် စိန်၁၆ပွင့်ပါ နားကပ်တစ်ရံကို လှူဒါန်းခဲ့ကြောင်း ကိုသက်ကြီးက ပြောသည်။
“ကျွန်တော်တို့ တိုက်ပွဲဆင်နွှဲနေတဲ့သတင်းတွေရယ်၊ ကျွန်တော်တို့လုပ်ရည်ကိုင်ရည်ကိုသိတဲ့ ကျေးရွာတစ်ရွာက ဇနီးမောင်နှံက လေးစားလို့ဆိုပြီးဆက်သွယ် လှူဒါန်းတာပါ။”ဟု ကိုသက်ကြီးက ပြောသည်။
ZERO ပြောက်ကျားတပ်ဖွဲ့အနေဖြင့် ရတနာပစ္စည်းလှုဒါန်းရရှိမှု သုံးကြိမ်ရှိပြီဖြစ်ကြောင်း၊ ပထမဆုံးအကြိမ်မှာ မြင်းခြံမြို့မှ အမျိုးသမီးတစ်ဦးက ၂၂သိန်းတန် လက်ကောက်နှစ်ကွင်း၊ ဒုတိယအကြိမ်တွင် CDM ဆရာမတစ်ဦးက ပန်ထားသည့်နားကပ်ချွတ်လှူဖူးပြီး တစ်သိန်းရှစ်သောင်းရကြောင်း ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။
Public Service Announcement
စစ်ကောင်စီအား လက်နက်ကိုင်ခုခံတော်လှန်နေသည့် စစ်ကိုင်းတိုင်းနှင့် မကွေးတိုင်းတွင် ဒေသခံပြည်သူများက ၎င်းတို့ပိုင်ဆိုင်သည့် လက်ဝတ်ရတနာများအပြင် အိမ်ခြံမြေများ၊ ကျွဲနွားများပါ ရောင်းချကာ ဒေသကာကွယ်ရေးအဖွဲ့များကို လှူဒါန်းနေသည်။
