Connect with us

Hi, what are you looking for?

LuduNwayOo

သတင်း

ခင်ဦးနယ် မြင်းဒေါင်းရွာတွင် စစ်ကောင်စီတပ်က ဒေသခံပြည်သူသုံးဦးကို မီးရှို့သတ်ဖြတ်

စစ်ကောင်စီတပ်သည် နိုဝင်ဘာ၂၆ရက်က မြင်းဒေါင်းကျေးရွာအား မီးရှို့ခဲ့ရာ ကျေးလက် ကျန်းမာရေးဆေးခန်းအပါအဝင် ဈေးတန်းအဆောင် ၂၀ကျော် နှင့် ရွာမြောက်ပိုင်းနေအိမ် ငါးလုံးခန့် ပျက်စီးသွားခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့က ပြောသည်။

မြင်းဒေါင်းကျေးရွာတွင် စစ်ကောင်စီတပ်က သတ်ဖြတ်သွားခဲ့သော ပြည်သူ သုံးဦးနှင့် မီးရှို့ဖျက်ဆီးသွားမှုများအား တွေ့ရစဥ်၊ ဓာတ်ပုံ-ခင်ဦးမြို့နယ်သတင်းမှန်ပြန်ကြားရေး
မြင်းဒေါင်းကျေးရွာတွင် စစ်ကောင်စီတပ်က သတ်ဖြတ်သွားခဲ့သော ပြည်သူ သုံးဦးနှင့် မီးရှို့ဖျက်ဆီးသွားမှုများအား တွေ့ရစဥ်၊ ဓာတ်ပုံ-ခင်ဦးမြို့နယ်သတင်းမှန်ပြန်ကြားရေး

▪️ဆေးပေးခန်းအပါအဝင် အဆောက်အအုံ ၂၀ ကျော်လည်း မီးရှို့ဖျက်ဆီးသွား

စစ်ကိုင်းတိုင်း၊ ခင်ဦးမြို့နယ်၊ မြင်းဒေါင်းကျေးရွာတွင် စစ်ကောင်စီတပ်က ဒေသခံ ပြည်သူ သုံးဦး​ကိုသတ်ဖြတ်သွားပြီး ဆေးပေးခန်း၊ လူနေအိမ်နှင့် စျေးဆိုင်ခန်းများအပါအဝင် အဆောက်အဦး ၂၀ ကျော်ကို မီးရှို့ဖျက်ဆီးသွားကြောင်း ဒေသတွင်းသတင်းရင်းမြစ်များက ပြောသည်။

စစ်ကောင်စီတပ်သည် နိုဝင်ဘာ၂၆ရက်က မြင်းဒေါင်းကျေးရွာအား မီးရှို့ခဲ့ရာ ကျေးလက် ကျန်းမာရေးဆေးခန်းအပါအဝင် ဈေးတန်းအဆောင် ၂၀ကျော် နှင့် ရွာမြောက်ပိုင်းနေအိမ် ငါးလုံးခန့် ပျက်စီးသွားခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့က ပြောသည်။

ထို့အပြင် ရွာခံအမျိုးသား သုံးဦးဖြစ်သော အသက်(၄၅)နှစ်အရွယ် ကိုဇော်ဆိုသူအား ရိုက်နှက်သတ်ဖြတ်ခဲ့၍ အသက်(၃၃)နှစ်အရွယ် ကိုနေစိုးနှင့် အသက် (၅၅)နှစ်အရွယ် ဦးတင်ဝင်းမြင့်တို့ကို မီးရှို့သတ်ဖြတ်သွားခဲ့ကြောင်း ၎င်းအဖွဲ့က ပြောသည်။

ထို့အပြင် ခင်ဦး-ရေဦးလမ်းပေါ်ရှိ သရက်ပင်စုကျေးရွာတွင် စစ်ကောင်စီတပ်နှင့်ပျူစောထီးများက ကျေးရွာနေ အသက်(၂၅)နှစ်အရွယ် ကိုကျော်ခိုင်ဦးအား သတ်ဖြတ်သွားခဲ့သည်ဟု ခင်ဦးမြို့နယ်သတင်းမှန်ပြန်ကြားရေးအဖွဲ့က ဆိုသည်။

မြင်းဒေါင်းကျေးရွာနှင့် သရက်ပင်စုကျေးရွာတို့သည် ရွာသစ်ကုန်းပျူစောထီးရွာနှင့် ကပ်လျက် တည်ရှိသောကြောင့် ရွာခံအားလုံးနီးပါး ထွက်ပြေးတိမ်းရှောင်နေရ၍ အကူအညီများလိုအပ်နေကြောင်းလည်း ဒေသခံများက ပြောသည်။

Public Service Announcement
Public Service Announcement

စစ်ကောင်စီတပ်၏ စစ်ကြောင်းထိုးဖျက်ဆီးမှုများခံနေရသည့် ခင်ဦးနယ်တွင် စစ်ဘေးရှောင်၊ မီးဘေး ဒုက္ခသည် ၂၀,၀၀၀နှင့်အထက်ရှိပြီး မီးရှို့ခံရသည့် ကျေးရွာပေါင်း ၅၀ကျော်နှင့် လူနေအိမ် ၂,၂၀၀ နီးပါးမီးရှို့ဖျက်ဆီးခံထားရကြောင်း၊ ဆောင်းတွင်းကာလရောက်နေပြီး ဖြစ်တာကြောင့် အအေးဒဏ်အတွက် စောင်အနွေးထည်၊ ဆေးဝါးနှင့် အစားအသောက်များ ကူညီပေးကြပါရန် KURDAFက မေတ္တာရပ်ခံထားသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

စစ်ကောင်စီတပ်၏ မီးရှို့ဖျက်ဆီးမှုကြောင့် သံတောင်(၁၃)မိုင်မြို့ပေါ်ရှိ ဒေသခံများ၏ နေအိမ်အနည်းဆုံး(၃)လုံး မီးလောင်ပျက်စီးခဲ့ကြောင်း သံတောင်ဒေသခံများက ဆိုသည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။