မြန်မာ-တရုတ်နယ်စပ်တွင် မြန်မာဘက်တိုးကာ​သော သံဆူးကြိုးများကို ​ဒေသခံပြည်သူများဖယ်ရှား

မူဆယ်မြိုနယ် ပန်ခမ်းကျေးရွာတွင် မြန်မာ-တရုတ်နယ်စပ် မူလခြံစည်းရိုးထက် မြန်မာပိုင်နက်သို့ တိုး၍ ကာရံထားသည့် သံဆူးကြိုးများကိုမြန်မာနိုင်ငံမှ​​​ဒေသခံပြည်သူများက ဖယ်ရှားလိုက်သည်။
တရုတ်အရာရှိများက ပန်ခမ်းကျေးရွာဘက်ခြမ်းသို့ သံဆူးကြိုးများ အလိပ်လိုက်လာရောက်ကာယံထား၍ ဒေသခံများက ယနေ့(အောက်တိုဘာ ၂၆) တွင် ဖယ်ရှားလိုက်ခြင်းဖြစ်သည်။

“ပွဲလန့်တုန်းဖျာခင်းကြတယ်ပေါ့။ ရိုးရိုးခင်းပါ ကိုသုံးလေးရုတ်ရယ် (တရုတ်မကတော့ဘူး)။မုဆိုးမ အမေနဲ့နေတုန်းကမှလူမစော်ကားရဲဘူး။ ခုတော့ အပြင်လူမပြောနဲ့ ပထွေးဘယ်အချိန်ထယုတ်မာမလဲ ဆိုတဲ့ရန်ကပိုဆိုးနေတယ်”ဟု တရုတ်က ခြံစည်းရိုး တိုးကာ၍ ဒေါသဖြစ်နေသည့် ဒေသခံတစ်ဦးက လူမှုကွန်ရက်တွင် ရေးသားထားသည်။

မြန်မာနှင့်တရုတ် ယခင်ကနှစ်နိုင်ငံသဘောတူညီချက်ဖြင့် အခိုင်အမာခတ်ထားသည့် ခြံစည်းရိုး ၏အပြင်ဘက် မြန်မာဘက်ခြမ်းတွင် နောက်ထပ် ခြံစည်းရိုးခတ်ရန် တရုတ်က ကြိုးပမ်းလာခြင်းဖြစ်သည်။

မြန်မာနိုင်ငံတွင် အကြမ်းဖက်စစ်ကောင်စီက နိုင်ငံတော်အာဏာကိုသိမ်းယူပြီးနောက်တရုတ်သည် မူဆယ်အပြင် လွယ်ဂျယ်၊ ချင်းရွှေဟော်နှင့်လောက်ကိုင်မြို့တို့မှ မြန်မာနှင့် နယ်စပ်နေရာအချို့၌ ယခုကဲ့ သို့ ခြံစည်းရိုးတိုးကာရန် ပိုမိုလုပ်ဆောင်နေသည်ဟု ဒေသခံများကပြောသည်။

Public Service Announcement