Connect with us

Hi, what are you looking for?

LuduNwayOo

သတင်း

ကုန်းသာရွာ တိုက်ပွဲ KRU ရဲ​ဘော်တစ်ဦးကျဆုံး

ဒီဇင်ဘာ ၇ရက်က ကုန်းသာကျေးရွာသို့ အင်အား ၂၀၀ ခန့်ပါစစ်ကြာင်းသုံးခု ဖြင့်ထိုးစစ်ဆင်လာသည့်စစ်ကောင် စီတပ်နှင့် ကရင်နီတော်လှန်ရေးတပ်ပေါင်းစု (KRU) တို့တိုက်ပွဲ ဖြစ်ပွားခဲ့ခြင်းဖြစ်သည်။

(ကျဆုံးခဲ့​သော KRU တပ်ဖွဲ့ဝင် သန်းထိုက်ဇော် (ခ) အယ်လွမ်း ။ ဓါတ်ပုံ-KRU)
(ကျဆုံးခဲ့​သော KRU တပ်ဖွဲ့ဝင် သန်းထိုက်ဇော် (ခ) အယ်လွမ်း ။ ဓါတ်ပုံ-KRU)

ဒီးမော့ဆိုမြို့နယ်၊ ကုန်းသာကျေးရွာတိုက်ပွဲ၌ ရဲဘော်တစ်ဦး ကျဆုံးခဲ့ကြောင်း ကရင်နီတော် လှန်ရေးတပ်ပေါင်းစု (KRU) က ယနေ့(ဒီဇင်ဘာ ၁၀ ရက်)တွင် ထုတ်ပြန်သည်။

ဒီဇင်ဘာ ၇ရက်က ကုန်းသာကျေးရွာသို့ အင်အား ၂၀၀ ခန့်ပါစစ်ကြာင်းသုံးခု ဖြင့်ထိုးစစ်ဆင်လာသည့်စစ်ကောင် စီတပ်နှင့် ကရင်နီတော်လှန်ရေးတပ်ပေါင်းစု (KRU) တို့တိုက်ပွဲ ဖြစ်ပွားခဲ့ခြင်းဖြစ်သည်။

“ပျောက်ဆုံးနေတယ်လို့ပဲ အသိပေးထားတဲ့ ရဲဘော်ပါ။ဒါပေမယ့် ဒီနေ့သူကျသွားတာကို အတည်ပြုနိုင်လို့ထုတ်ပြန်တာပါ”ဟု KRU တာဝန်ရှိသူက လူထုနွေဦးသို့ ပြောသည်။

ကျဆုံးခဲ့သည့်ရဲဘော်မှာ KRUလက်အောက်ခံGZ-21(Loikaw) မှ ရဲဘော်မောင် သန်းထိုက်ဇော် (ခ) အယ်လွမ်း အသက်(၂၁)နှစ် ဖြစ်သည်။

Public Service Announcement

Public Service Announcement

ရဲဘော်အယ်လွမ်းကျဆုံးခဲ့သည့်တိုက်ပွဲ၌စစ်ကောင်စီတပ်မှငါးဦးသေဆုံးကြောင်း ကရင်နီတော်လှန်ရေးတပ်ပေါင်းစု(KRU) က ထုတ်ပြန်ထားသည်။

တိုက်ပွဲအတွင်းထောင်ထားသောမိုင်းများနင်းမိ၍စစ်သားလေးဦးသေဆုံးပြီးအများအပြားဒဏ်ရာရပြီး အနီးကပ်ပစ်ခေတ်မှုအတွင်းတစ်ဦးထပ်မံသေဆုံးသည်ကိုKRUကအသိ​ပေးသည်။

လက်ရှိအချိန်ထိ ကုန်းသာကျေးရွာတွင်စစ်ကောင်စီတပ်နှင့် KRU တို့ စစ်ဆိုင်းထားဆဲဖြစ်ကာ တိုက်ပွဲများ ပိုမိုပြင်းထန်လာနိုင်၍ကျည် ၊ခဲယမ်းများအမြန်ဆုံးကူညီပေးကြရန်လည်းKRU ကမေတ္တာရပ်ခံသည်။

နိုဝင်ဘာ ၂၈ ရက်နေ့ကစ၍ ကရင်နီအမျိုးသားများကာကွယ်ရေးတပ် KNDF မှဦးဆောင် ၍ ကရင်နီတပ်မတော် (KA) ၊အလယ်ပိုင်းတိုင်း အထူးစစ်ဆင်ရေး တပ်ဖွဲ့၊ DMO PDF၊ Loikaw PDF တို့နှင့်အတူ အကြမ်းဖက်စစ်ကောင်စီတပ်များ တပ်စွဲထားသော ဒီးမော့ဆိုမြို့နယ် ကုန်းသာ၊သေးဆူလဲ၊ပူဖားနှင့်ဒေါကမီးကျေးရွာများတွင် နယ်မြေစိုးမိုးရေး ပူးပေါင်းစစ်ဆင်ရေးအဖြစ် တိုက်စစ်ဆင်ခဲ့သည်။

ထိုတိုက်အထိနာခဲ့သည့်စစ်ကောင်စီတပ်သည် မြေပြင် ၊ ဝေဟင် ပစ်ကူများဖြင့် ဆုံးရှုံးခဲ့သည့်နယ်မြေ များကိုပြန်လည်ရယူရန် ယခုလ ၃ ရက်ကစ၍ ထိုးစစ်ဆင်နေခြင်းလည်းဖြစ်သည်။

ဆက်စပ်သတင်းများ

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

ပြီးခဲ့သည့် ဖေဖော်ဝါရီက အဆိုပါကျေးရွာ၌ ယောဒေသကာကွယ်ရေးတပ်ဖွဲ့မှ ရဲဘော်နှစ်ဦးကို စစ်ကောင်စီတပ်နှင့် ပျူစောထီးများက မီးရှို့သတ်ဖြတ်ခဲ့သည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။