Connect with us

Hi, what are you looking for?

LuduNwayOo

သတင်း

ဒီးမော့ဆိုမြို့နယ် ပူဖားရွာတိုက်ပွဲတွင် KNDF ရဲဘော်သုံးဦးကျဆုံးခဲ့ရ

ဒီဇင်ဘာ ၃ ရက်က ဒီးမော့ဆိုမြို့နယ်၊ ဒေါကမီးကျေးရွာတိုက်ပွဲတွင် စစ်ကောင်စီတပ်မှ ၂၀ ကျော်သေဆုံးပြီး လေးဦးအရှင်ဖမ်းမိကာ လက်နက်ခဲယမ်းများကို KNDFက သိမ်းဆည်းရမိခဲ့သည်။

ကျဆုံးခဲ့သော ရဲဘော်သုံးဦး၏ နာရေးပြုလုပ်နေစဥ်၊ ဓာတ်ပုံ - KNDF
ကျဆုံးခဲ့သော ရဲဘော်သုံးဦး၏ နာရေးပြုလုပ်နေစဥ်၊ ဓာတ်ပုံ - KNDF

ဒီးမော့ဆိုမြို့နယ် ပူဖားကျေးရွာတိုက်ပွဲတွင် ရဲဘော်သုံးဦးကျဆုံးခဲ့ရကြောင်း ကရင်နီအမျိုး သားများကာကွယ်ရေးတပ်(KNDF)တပ်ရင်း (၆)က ယနေ့(ဒီဇင်ဘာ ၁၁ ရက်) ထုတ်ပြန်သည်။

ကျဆုံးခဲ့သည့် ရဲဘော်စတီးဖင်း၊ ရဲဘော်ဒါးဝီမောင်ငယ် နှင့် ရဲဘော်ဂျေနေဦးတို့သည် ဒီဇင်ဘာ ၇ရက်တွင် အကြမ်းဖက်စစ်ကောင်စီတပ်များနှင့် အပြန်အလှန်ပစ်ခတ်ရင်း ပူဖားကျေးရွာတိုက်ပွဲတွင် ကျဆုံးခဲ့ခြင်းဟု ဆိုသည်။

“အဲဒီနေ့က စကစက စစ်ကြောင်းသုံးခုနဲ့ ထိုးစစ်ဆင်တဲ့အချိန် နှစ်ဖက်ထိခိုက်မှုတွေရှိခဲ့တယ်။စကစဘက်က သေဆုံးတဲ့သူက ဆယ်ဂဏန်းအထက်ရှိတယ်။အချိန်တန်ရင် တပ်ရင်းက သီး ခြားထုတ်ပြန်ပါလိမ့်မယ်”ဟု KNDF တပ်ဖွဲ့ဝင်တစ်ဦးက လူထုနွေဦးသို့ ရှင်းပြသည်။

လက်ရှိအချိန်အထိ ပူးဖား၊ သေးဆူလဲနှင့် ကုန်းသာကျေးရွာများအနီးတွင် စစ်ကောင်စီ စစ်ကြောင်းများနှင့် ကရင်နီပူးပေါင်းတပ်များ စစ်ရေးတင်းမာနေဆဲဖြစ်ကြောင်း ၎င်းက ပြောသည်။

Public Service Announcement

Public Service Announcement

ရဲဘော်စတီးဖင်း၊ရဲဘော်ဒါးဝီမောင်ငယ် နှင့် ရဲဘော်ဂျေနေဦးတို့​ ကျဆုံးမှုမှာ များစွာသောဆုံးရှုံးမှုဖြစ်ပြီး ကရင်နီအမျိုးသားများကာကွယ်ရေးတပ်၊ တပ်ရင်းအမှတ် (၆)မှ အာဇာနည်သူရဲကောင်းများအဖြစ် မှတ်တမ်းတင်အလေးပြုကြောင်း အသိပေးထားသည်။

နိုဝင်ဘာ ၂၈ ရက်ကစ၍ ကရင်နီအမျိုးသားများကာကွယ်ရေးတပ်(KNDF) မှဦးဆောင်၍ ကရင်နီတပ်မတော်(KA) ၊အလယ်ပိုင်းတိုင်း အထူးစစ်ဆင်ရေးတပ်ဖွဲ့၊ DMO PDF၊ Loikaw PDF တို့နှင့်အတူ အကြမ်းဖက်စစ်ကောင်စီတပ်များ တပ်စွဲထားသော ဒီးမော့ဆိုမြို့နယ် ကုန်းသာ၊သေးဆူလဲ၊ပူဖားနှင့် ဒေါကမီးကျေးရွာများတွင် နယ်မြေစိုးမိုးရေး ပူးပေါင်းစစ်ဆင်ရေး တစ်ရပ် ဆင်နွဲခဲ့သည်။

အထိနာခဲ့သည့် စစ်ကောင်စီတပ်သည် မြေပြင် ၊ဝေဟင်ပစ်ကူများဖြင့်ဆုံးရှုံးခဲ့သည့် နယ်မြေ များကို ပြန်လည်ရယူရန် ယခုလ ၃ရက်ကစ၍ ထိုးစစ်ဆင်နေခြင်းလည်း ဖြစ်သည်။

ဒီဇင်ဘာ ၃ ရက်က ဒီးမော့ဆိုမြို့နယ်၊ ဒေါကမီးကျေးရွာတိုက်ပွဲတွင် စစ်ကောင်စီတပ်မှ ၂၀ ကျော်သေဆုံးပြီး လေးဦးအရှင်ဖမ်းမိကာ လက်နက်ခဲယမ်းများကို KNDFက သိမ်းဆည်းရမိခဲ့သည်။

ဆက်စပ်သတင်းများ

သတင်း

တအာင်းဒေသ လက်ရှိ စစ်ရေး၊နိုင်ငံရေး အခြေအနေများနှင့်ပတ်သက်ပြီး ဗိုလ်ချုပ်တားဘုန်းကျော်၏ ပြောကြားချက်များကို TNLA သတင်းပြန်ကြားရေးဌာနက ဖော်ပြခဲ့ခြင်းဖြစ်သည်။

သတင်း

ရခိုင်ပြည်နယ်တွင် မည်သည့်ရင်းနှီးမြှုပ်နှံမှုမျိုးကိုမဆို အကာအကွယ်ပေးမည်မူဝါဒ AA၌ အခိုင်အမာရှိကြောင်း ခိုင်သုခကဖြေကြားထားသည်။

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။