စစ်ကိုင်းတိုင်း၊ မြင်းမူမြို့မရဲစခန်းမှ လက်ဖက်ရည် သောက် ထွက်လာသော ရဲလေးဦးအား မိုင်းဆွဲတိုက်ခိုက်ရာ ထိခိုက်သေဆုံးမှုများရှိကြောင်း ZERO ပြောက်ကျားတပ်ဖွဲ့(မြင်းခြံ)ခေါင်းဆောင် ကိုသက်ကြီးက ပြောသည်။
ယနေ့(ဒီဇင်ဘာ၁၅ ရက်)နံနက် ၆ နာရီ ၄၂ မိနစ်အချိန်က မြင်းမူမြို့၊ မြို့မရဲစခန်းဝင်းအတွင်းမှ လက်ဖက်ရည်ဆိုင်သို့ ထွက်လာသော ရဲလေးဦးအား စခန်းအဝင်ဝတွင် မိုင်းနှစ်လုံးဖြင့် ချခွဲတိုက်ခိုက်ခဲ့ခြင်းဖြစ်ကြောင်း ZERO ပြောက်ကျားတပ်ဖွဲ့ခေါင်းဆောင် ကိုသက်ကြီးက ပြောသည်။
ရဲသုံးဦးမှာ နေရာတွင်ပင်သေဆုံးပြီး ကျန်တစ်ဦးမှာ ပြင်းထန်ဒဏ်ရာရရှိသွားကြောင်း ကိုသက်ကြီးက ဆိုသည်။
အဆိုပါတိုက်ခိုက်မှုကို ZERO ပြောက်ကျားတပ်ဖွဲ့(မြင်းခြံ) True Fighter (တပ်ခွဲ-၃) တပ်ရင်း (၇) မြင်းခြံခရိုင်တို့ ပူးပေါင်းဆောင်ရွက်ခဲ့ကြောင်း အသိပေးထားသည်။
Public Service Announcement
မြင်းမူမြို့ပေါ်ရှိ စစ်ကောင်စီတပ်နှင့်ရဲများအား ZERO ပြောက်ကျားတပ်ဖွဲ့(မြင်းခြံ) အပါအဝင် ဒေသတွင်း PDFများက မကြာခဏ ပြောက်ကျားတိုက်ခိုက်နေသည်။
