PDFများအား အမှုန့်ကြိတ်မည်ဟု ကြုံးဝါးထားသော မြင်းမူမြို့မရဲစခန်းမှူးအား ယနေ့ညနေတွင် သေနတ်ဖြင့် ပတ်ခတ်သုတ်သင်လိုက်သည်ဟု မြင်းမူလျှပ်စီး ပြောက်ကျားအဖွဲ့က သတင်းထုတ်ပြန်သည်။
စစ်ကိုင်းတိုင်းဒေသကြီး မြင်းမြို့မှ မြို့မရဲစခန်းမှူးအားယနေ့(စက်တင်ဘာ၂၂ရက်)ညနေ ၆နာရီခန့်တွင် သေနတ်လေးချက် ပစ်ခတ်၍သုတ်သင်လိုက်သည်ဟု သတင်းထုတ်ပြန်ခြင်းဖြစ်သည်။
“မြင်းမူလျှပ်စီးပြောက်ကျား အဖွဲ့က PDFတွေနဲ့ မဟာမိတ်ဖွဲ့ထားတာ။ စခန်းမှုးကို သုတ်သင်လိုက်တာ အမှန်ပါ” ဟု PDF လူငယ်တစ်ဦးကပြောသည်။
မြင်းမူမြို့မရဲစခန်းမှူးအား သုတ်သင်ပြီးနောက် ဒေသတွင်းမှ စစ်ကောင်စီသတင်းပေးများကို ဆက်လက်ရှင်းလင်းသွားမည်ဖြစ်ကြောင်း မြင်းမူလျှပ်စီး ပြောက်ကျားအဖွဲ့က အသိပေးထားသည်။