Connect with us

Hi, what are you looking for?

LuduNwayOo

သတင်း

PDF နဲ့ EAOs တွေကို ကူညီမယ့် NDAA ဥပဒေကို အမေရိကန်အထက်လွှတ်တော်အတည်ပြု

အဲဒီဥပဒေကို ပြီးခဲ့တဲ့ တပတ်ကျော် ဒီဇင်ဘာလ ၈ ရက် က အောက်လွှတ်တော်က အတည်ပြု ထားပါတယ်။

PDF နဲ့ EAOs တွေကို ကူညီမယ့် NDAA ဥပဒေကို အမေရိကန်အထက်လွှတ်တော်အတည်ပြု
PDF နဲ့ EAOs တွေကို ကူညီမယ့် NDAA ဥပဒေကို အမေရိကန်အထက်လွှတ်တော်အတည်ပြု

စစ်အာဏာရှင်ကိုဆန့်ကျင်နေတဲ့ PDF နဲ့ တိုင်ရင်းသားလက်နက်ကိုင်အဖွဲ့ တွေကို လက်နက်မဟုတ်တဲ့အကူအညီတွေပေးမယ့် အမေရိကန်အစိုးရ ကာကွယ်ရေးဘတ်ဂျက်ကို(NDAA) ကို အထက်လွှတ်တော်က မဲခွဲအတည်ပြုလိုက်ပါပြီ။

အထက်လွှတ်တော်မှာ မဲခွဲရာမှာ ထောက်ခံ ၈၃ မဲ၊ကန့်ကွက်မဲ ၁၁ မဲ နဲ့ အတည်ပြုနိုင်တာလို့ NUG လူ့အခွင့်အရေးဝန်ကြီး ဦးအောင်မျိုးမင်းက ဒီနေ့ ဒီဇင်ဘာလ ၁၆ ရက်မနက်ပိုင်းမှာ လူမှုကွန်ရက်ကတဆင့် အသိပေးထားတာတွေ့ရပါတယ်။

အဲဒီဥပဒေကို ပြီးခဲ့တဲ့ တပတ်ကျော် ဒီဇင်ဘာလ ၈ ရက် က အောက်လွှတ်တော်က အတည်ပြု ထားပါတယ်။

လွှတ်တော် ၂ရပ်အတည်ပြုပြီး သမ္မတလက်မှတ်ရေးထိုးပြီးရင် ဥပဒေဟာ အတည်ပြုဖြစ်လာမှာပါ။

အဲဒီဥပဒေထဲမှာ မြန်မာ့အရေးနဲ့ပတ်သက်ပြီး ဖော်ပြရာ PDF နဲ့ တိုင်းရင်းသားလက်နက်ကိုင်အဖွဲ့တွေကို လက်နက်မဟုတ်တဲ့ နည်းပညာအကူအညီပေးဖို့ ၊ စုစည်းမှုအားကောင်းစေဖို့အတွက် ကူညီဖို့တွေပါရှိပါတယ်။

Public Service Announcement

Public Service Announcement

NDAA ကြောင့်ရလာမယ့် အကူအညီတွေက တော်လှန်ရေးရဲ့ ၇၅ရာခိုင်နှုန်းကို အထောက်အပံ့ဖြစ်စေလိမ့်မယ်လို့ အမေရိကန်စစ်တပ်မှာတာဝန်ထမ်းဆောင်ခဲ့ဖူးသူ ဒုဗိုလ်မှူးကြီးဟောင်း ဒေါက်တာမီမီဝင်းဘတ်က DVB သတင်းဌာနကို ပြောထားပါတယ်။