'/%3E%3C/svg%3E){kind=small}
ပြီးခဲ့တဲ့ နိုဝင်ဘာလအတွင်းက အင်းစိန်ထောင်ကနေ လွှတ်လိုက်တဲ့ သြစတြေးလျနိုင်ငံသား စီးပွားရေးပညာရှင်ရှောင်တာနယ်လ် ကို ပြစ်ဒဏ်လွတ်ငြိမ်းခွင့်ကနေ ပယ်ဖျက်တယ်လို့စစ်ကောင်စီက ထုတ်ပြန်လာပါတယ်။
ရှောင်တာနယ်လ်ဟာ လွတ်မြောက်လာပြီး လူမှုကွန်ရက်နဲ့ သတင်းမီဒီယာတွေမှာ မြန်မာနိုင်ငံနဲ့ပတ်သက်ပြီးမဟုတ်မမှန်တာတွေပြောလို့ လွတ်ငြိမ်းခွင့်ပယ်ဖျက်တာလို့စစ်ကောင်စီကအကြောင်းပြထားပါတယ်။
အာဏာသိမ်းပြီး ရက်ပိုင်းအကြာမှာ ဖမ်းဆီးခဲ့တဲ့ ဒေါ်အောင်ဆန်းစုကြည်ရဲ့စီးပွားရေးအကြံပေး ရှောင်တာနယ်လ်ကို ပြီးခဲ့တဲ့ နိုဝင်ဘာလ၁၇ ရက်(အမျိုးသားနေ့)မှာ စစ်ကောင်စီက လွှတ်ပေးပြီး ပြည်နှင်ဒဏ်ပေးခဲ့တာပါ။
အင်းစိန်ထောင်ကလွတ်ပြီးနောက် သြစတြေးလျနိုင်ငံကို ပြန်ရောက်ချိန်မှာ ရှောင်တာနယ်လ်ဟာ ထောင်တွင်းမှာ ကြုံတွေ့ခဲ့ရတာတွေကိုဖွင့်ချခဲ့ပါတယ်။
Public Service Announcement
ဒါအပြင ်မြန်မာနိုင်ငံနဲ့ပတ်သက်ပြီးအမှန်တရားတွေကို ကမ္ဘာ့ကိုချပြဖို့ ဒေါ်အောင်ဆန်းစုကြည်က သူ့ကို မှာလိုက်တာကိုလည်း ရှောင်တာနယ်လ်က မီဒီယာကတဆင့် ပြောပါတယ်။
ရှောင်တာနယ်လ်ရဲ့အင်တာဗျုး တစ်ခုမှာဆိုရင် မြန်မာနိုင်ငံကို အာဏာလုထားတဲ့ ယုတ်မာရူးသွပ်သူတွေက အုပ်ချုပ်နေတာလို့ စစ်ကောင်စီကို ဝေဖန်ထောက်ပြထားပါတယ်။
