လူထိခိုက်မှုရှိဟု ဒေသခံများပြော
လွိုင်ကော်မြို့တွင် စစ်ကောင်စီက ဦးစီးကျင်းပသည့် ကယားပြည်နယ်နေ့ အခမ်းအနားပြုလုပ်နေသော ပြည်နယ်ခန်းမ တိုက်ခိုက်ခံရပြီး ထိခိုက်သူများရှိကြောင်း ဒေသခံသတင်းရင်းမြစ်များက လူထုနွေဦးသတင်းဌာနသို့ ပြောသည်။
ယနေ့(ဇန်နဝါရီ ၁၅ ရက်) နံနက်ပိုင်းကစတင်ကျင်းပခဲ့သော ကယားဒေးအခမ်းအနားကို ဗုံးဖြင့်ရှစ်လုံးထက်မနည်း ဖောက်ခွဲတိုက်ခိုက်ခံရသည်ဟု ဆိုသည်။
“သုံးယောက်လောက်အနည်းဆုံး ထိထားတယ်။ပြီးတော့လူကြီးကားမောင်းပေးတဲ့သူကတော်တော်များများထိထားတယ်ပြောတယ်”ဟု လွိုင်ကော်မြို့ခံတစ်ဦးက ပြောသည်။
ထို့အပြင် အခမ်းအနားလာရောက်သူများအား စစ်ကောင်စီက ခန်းမအတွင်းမှ ပေးမပြန်သဖြင့် ရုန်းရင်းဆန်ခတ်မှုများရှိကြောင်းလည်း သိရသည်။
Public Service Announcement
“အခုက ပြန်ချင်တယ်ဆိုတဲ့သူတွေရော၊ ထိတဲ့သူတွေပါ ခန်းမထဲကနေ ပေးမထွက်တော့ ပြဿနာ ဖြစ်နေတာကြားတယ်”ဟု အခမ်းအနား တက်ရောက်နေသူနှင့်နီးစပ်သူက ရှင်းပြသည်။
လွိုင်ကော်မြို့တွင် စစ်ကောင်စီကပြုလုပ်သည့် ကယားပြည်နယ်နေ့ ပွဲတော် (ကယားဒေးပွဲ) အပါအဝင်ပွဲနှင့်ဆက်စပ်သည့် လူစုလူဝေးရှိရာ နေရာများကို သွားရောက်ခြင်းမပြုကြရန် PDF Loikaw က ယခုလ ၁၃ရက်တွင် သတိပေးသည်။
ထို့အပြင် စစ်ကောင်စီ အဖွဲ့ဝင်များရှိနေနိုင်သည့် နေရာများကိုလည်းသွားရောက်ချဉ်းကပ်ခြင်း မပြုရန် တိုက်တွန်းထားသည်။
