ဖားကန့်တွင်​ရေမ​ဆေးသမားနှစ်ဦးကို စစ်​ကောင်စီတပ်ကသတ်၍အ​လောင်းစွန့်ပစ်

ဖားကန့်တွင်ရေမဆေး ကျောက်ရှာဖွေသူ အမျိုးသားနှစ်ဦးကို စစ်ကောင်စီက သတ်ဖြတ်လိုက်ပြီး အလောင်းကို စွန့်ပစ်ထားခဲ့သည်ဟု ဒေသခံများကပြောသည်။

ဖားကန့်မြို့ရှိ ရွှေညောင်ပင်ဆီဆိုင်အနီးတွင် ဒဏ်ရာများဖြင့်သေဆုံးနေသည့်အမျိုးသားနှစ်ဦး၏ ရုပ်အလောင်းကို ယနေ့(ဇန်နဝါရီ ၂၂ရက်)နံနက်ကဒေသခံများတွေ့ရှိခဲ့​သည်။ အဆိုပါအမျိုးသားနှစ်ဦးမှာလွန်ခဲ့သည့်သုံးရက်က စစ်​ကောင်စီတပ်က ဖမ်းဆီးခေါ်သွားသူများဖြစ်ကြောင်း တော်လှန်ရေးအင်အားစုများကပြောသည်။

“စစ်​ကောင်စီကဖမ်းသွားပြီးပျောက်နေတာသုံးရက်လောက်ရှိပြီ။အခုရွှေညောင်ပင်ဆီဆိုင်နားမှာအလောင်းတွေတွေ့တယ်။ အလောင်းတွေကမကြည့်ရက်စရာပဲ” ဟု ဖားကန့်မြို့မှ ဒေသခံတစ်ဦးကပြောသည်။

​ဖားကန့်​ဒေသတွင်စစ်ကောင်စီတပ်သည် ဒေသခံများနှင့် ရေမဆေးကျောက်ရှာဖွေသူများ၊ ကျောက်စိမ်းတူးဖော်ရေးကုမ္မဏီများကို နည်းမျိုးစုံ ဖိနှိပ်နေသည်။ ဇန်နဝါရီလ၇ရက်ကလည်း ဖားကန့်မြို့မော်မောင်းလျန်နှင့် ဗလခမှော်အတွင်းသို့ စစ်ကောင်စီးတပ် ဝင်ရောက် စီးနင်းခဲ့ပြီး ရေမဆေးကျောက်ရှာဖွေသူအချို့ကို ဖမ်းဆီးခဲ့​သေးသည်။

Public Service Announcement

ဖားကန့်​ဒေသတွင် မြန်မာနိုင်ငံနေရာအနှံ့မှလာရောက်ပြီး ရေမဆေးကျောက်ရှာဖွေပြီး အသက်မွေးသူ နှစ်သိန်းခန့်ရှိနေသည်။ စစ်ကောင်စီက ၎င်းတို့ကို မထောက်ခံသော ကုမ္မဏီအချို့ကို ပိတ်သိမ်းခိုင်းခြင်း၊ ယန္တရားများအား မီးရှို့ဖျက်ဆီးခြင်း၊ အရပ်သားများအား ဖမ်းဆီးခြင်းများ ပြုလုပ်နေ​ကြောင်း​ဒေသခံများက​ပြောသည်။