Connect with us

Hi, what are you looking for?

LuduNwayOo

သတင်း

ကျုံဒိုးမြို့အနီးရွာများ စစ်တပ်က စစ်ဆင်ရေးဝင်လုပ်နေ

ကျုံဒိုးမြို့အနီးရှိ ကမ်းနီ၊ မိဂလုံ၊ ကော့ကာ၊ ကော့ကျိုက် စသောကျေးရွာများအတွင်းသို့ စစ်ကောင်စီတပ် စစ်ကြောင်းများမှ ယခုရက်ပိုင်းထဲ ဝင်ရောက်လာနေကြောင်း ဒေသခံများက ပြောသည်။

ကျုံဒိုးမြို့အနီးရွာများ စစ်တပ်က စစ်ဆင်ရေးဝင်လုပ်နေ
ကျုံဒိုးမြို့အနီးရွာများ စစ်တပ်က စစ်ဆင်ရေးဝင်လုပ်နေ

ကရင်ပြည်နယ် ကျုံဒိုးမြို့အနီးရှိ ကျေးရွာများအတွင်း စစ်တပ်က ယခုရက်ပိုင်း စစ်ဆင်ရေးဝင်ရောက်ဆောင်ရွက်ပြီး လက်နက်ကြီးများဖြင့် ပစ်ခတ်ခြင်းကြောင့် ဒေသခံပြည်သူလူထုအများအပြား တိမ်းရှောင်ထွက်ပြေးနေရသည်။

ကျုံဒိုးမြို့အနီးရှိ ကမ်းနီ၊ မိဂလုံ၊ ကော့ကာ၊ ကော့ကျိုက် စသောကျေးရွာများအတွင်းသို့ စစ်ကောင်စီတပ် စစ်ကြောင်းများမှ ယခုရက်ပိုင်းထဲ ဝင်ရောက်လာနေကြောင်း ဒေသခံများက ပြောသည်။

ရွာသူ၊ ရွာသားများအား ကျေးရွာအတွင်းမှ ထွက်ခွာရန် ပြောဆိုမှုများရှိနေကာ ကျုံဒိုးမြို့တွင်းမှနေ၍ ယင်းကျေးရွာများအတွင်း လက်နက်ကြီးပစ်ခတ်မှုများ နေ့စဉ်ဆိုသလို လုပ်ဆောင်နေလျက်ရှိသည်ဟုဆိုသည်။

” အသံတွေကြားနေရတာ ညကနေ အခုထိပဲ။ ရွာကမ်းနားပိုင်းမှာ စစ်သားတွေပြည့်နေပါတယ်” ကမ်းနီကျေးရွာ ဒေသခံတစ်ဦးက ပြောသည်။

ယမန်နေ့ ဇန်နဝါရီလ(၂၃)ရက်က ကျုံဒိုးမြို့နယ် ကမ်းနီကျေးရွာအတွင်းရှိ နေအိမ်တစ်လုံးအပေါ် လက်နက်ကြီးကျရောက်ပေါက်ကွဲခဲ့ရာ နေအိမ်ထိမှန်ပျက်စီးသွားခဲ့သည်ဟု ဒေသခံများထံမှ သိရသည်။

ကျုံဒိုးမြို့အနီးရွာများ စစ်တပ်က စစ်ဆင်ရေးဝင်လုပ်နေ
ကျုံဒိုးမြို့အနီးရွာများ စစ်တပ်က စစ်ဆင်ရေးဝင်လုပ်နေ

ကေအဲန်ယူ-ကရင်အမျိုးသားအစည်းအရုံး တပ်မဟာ(၆)ထိန်းချုပ်နယ်မြေဖြစ်သော ကျုံဒိုးမြို့နယ် ကော့ဘိန်းကျေးရွာတွင် ပြီးခဲ့သည့်ရက်သတ္တပတ်အတွင်း ကျေးရွာအတွင်းရှိ နယ်မြေရဲစခန်းအား တော်လှန်ရေးတပ်ဖွဲ့များမှ ဝင်ရောက်စီးနင်းမီးရှို့ဖျက်ဆီးခဲ့ရာ စစ်ရေးအခြေအနေပြင်းထန်လာခဲ့ပြီး စစ်ကောင်စီတပ်မှ ယင်းကျေးနယ်များအတွင်းသို့ စစ်ကြောင်းထိုး ဝင်ရောက်လှုပ်ရှားလာခဲ့သည်။

Public Service Announcement
Public Service Announcement

ယခုလို စစ်ကောင်စီတပ်မှ လက်နက်ကြီးပစ်ခတ်မှုများ လုပ်ဆောင်နေပြီး စစ်ကြောင်းထိုးဝင်ရောက်လာခဲ့သည့်အတွက် စစ်ရေးပဋိပက္ခများ ပိုမိုပြင်းထန်လာမှာစိုးရိမ်နေသည့်အတွက် ကျုံဒိုးမြို့နယ်အတွင်းရှိ ဒေသခံပြည်သူလူထုအများအပြား ဘေးလွတ်ရာကို ထွက်ပြေးတိမ်းရှောင်နေရသည်ဟု ဒေသခံများ၏ ပြောဆိုချက်အရ သိရသည်။

You May Also Like

သတင်း

“မနက်ပိုင်းမှာဒလန်ပျုစောထီးကိုရှင်းလိုက်ပြီးစစ်တပ်နဲ့ ပျူစောထီးတွေ ၂၀လောက် ရောက်လာပြီးစစ်ဆေးရေးလုပ်တယ်။ပြီးတော့ ကျောင်းက မီးလောင်သွားတာ”ဟုဒေသခံကပြောသည်။

သတင်း

ကရင်ပြည်နယ် မြန်မာ-ထိုင်းနယ်စပ် ဘုရားသုံးဆူမြို့တွင် ယနေ့ နေ့လည်ပိုင်းအချိန်၌ စစ်ကောင်စီတပ်က လေယာဉ်များဖြင့် တပ်အင်အား လာရောက်ဖြည့်ဆည်းနေကြောင်း ဘုရားသုံးဆူမြို့ မြို့ပြပျောက်ကျားတပ်ပေါင်းစုအဖွဲ့ထံမှ သိရသည်။ ” သူတို့ဖက်က အဖက်ဖက်ယိုယွင်းနေပြီလေ၊ ကုန်းကြောင်းနဲ့တက်လာမရဲလို့ လေယာဉ်နဲ့ လူလာချတာပါ။ ပြောလို့တော့မရဘူးဗျ ခန့်မှန်းအင်အား (၈၀)ဝန်းကျင်ရှိမယ်၊ ခန့်မှန်းခြေပါ” ဟု ၎င်းအခြေအနေနှင့်...

သတင်း

မြန်မာနိုင်ငံ ဒီမိုကရေစီ လမ်းကြောင်းပေါ် ပြန်လည်ရောက်ရှိစေရန်နှင့် မြန်မာပြည်သူများ အားလုံးပါဝင်သည့် ဒီမိုက‌ရက်တစ် အနာဂတ်ဆီသို့ ငြိမ်းချမ်းစွာ ကြိုးစားဆောင်ရွက်ကြသူများ အားလုံးအတွက် ဆက်လက်၍ ပြတ်သားစွာ ထောက်ခံပံ့ပိုးနေမည်ဟု ပူးတွဲကြေညာသည်။

သတင်း

တပ်ဖွဲ့တည်ထောက်မှု (၂)နှစ် ပြည့်တော့မည်ဖြစ်သည့် YGFသည် စစ်ကောင်စီတပ်အားတိုက်ခိုက်မှုအရ လက်နက် ၁၁လက်ရယူနိုင်ခဲ့ကြောင်းလည်း သိရသည်။