Connect with us

Hi, what are you looking for?

LuduNwayOo

သတင်း

ချင်း‌ဒေသသို့ လေကြောင်းတိုက်ခိုက်မှု ဆက်တိုက်လုပ်ဆောင်နေသည့် စစ်ကောင်စီတပ်ကို ဆက်လက်တိုက်ခိုက်မည်ဟု CNO ထုတ်ပြန်

စစ်ကောင်စီတပ်သည် ထန်တလန်မြို့နယ်ရှိ ချင်းအမျိုးသားတပ်ဦး(CNF/CNA) ဌာနချုပ်နှင့် မင်းတပ်မြို့နယ်ရှိ ချင်းကာကွယ်ရေးတပ်(CDF) တပ်စခန်းနေရာ၊ ပြည်သူလူထုနေထိုင်ရာနေရာများကို လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။

(မင်းတပ်မြို့နယ် ပလိပ်ထွီကျေးရွာကို စစ်ကောင်စီတပ်က ဇန်နဝါရီ ၂၃ရက် နံနက်ပိုင်းတွင် လေကြောင်းမှ ဗုံးကြဲတိုက်ခိုက်၍ ထိခိုက်ပျက်စီးမှုများအား တွေ့ရစဉ်၊ ဓာတ်ပုံ - မင်းတပ်- ပအဖ)
(မင်းတပ်မြို့နယ် ပလိပ်ထွီကျေးရွာကို စစ်ကောင်စီတပ်က ဇန်နဝါရီ ၂၃ရက် နံနက်ပိုင်းတွင် လေကြောင်းမှ ဗုံးကြဲတိုက်ခိုက်၍ ထိခိုက်ပျက်စီးမှုများအား တွေ့ရစဉ်၊ ဓာတ်ပုံ - မင်းတပ်- ပအဖ)

ယခုနှစ်ဆန်းပိုင်းမှစ၍ ချင်းပြည်နယ်အတွင်း စစ်ကောင်စီတပ်က လေကြောင်းမှ အကြိမ်ကြိမ် တိုက်ခိုက်လျက်ရှိရာ ထိုသို့တိုက်ခိုက်ခံရ၍ ကျဆုံးခဲ့သော အာဇာနည်သူရဲကောင်းများ၊ ပြည်သူလူထုများ၏ နာကျင်မှုများနှင့် ဆုံးရှုံးခဲ့မှုများအပေါ် ဝမ်းနည်းကြောင်း ချင်းအမျိုးသားအဖွဲ့ ချုပ်/ချင်းအမျိုးသားကာကွယ်ရေးတပ်(CNO/CNDF)က ယမန်နေ့တွင် ထုတ်ပြန်သည်။

အာဏာတည်မြဲရေးအတွက် ယခုကဲ့သို့ ချင်းပြည်အပါအဝင် မြန်မာပြည်တဝှမ်း လေကြောင်းဖြင့် တိုက်ခိုက်နေသည့် စစ်ကောင်စီတပ်အား အခြားတော်လှန်ရေး အင်အားစုများနှင့်အတူ ပူးပေါင်းကာ စစ်အာဏာရှင်စနစ် ပျက်သုဉ်းသည်အထိ ဆက်လက်တိုက်ထုတ်သွားမည်ဟုလည်း CNO/CNDF၏ ထုတ်ပြန်ချက်၌ ဖော်ပြထားသည်။

စစ်ကောင်စီတပ်သည် ထန်တလန်မြို့နယ်ရှိ ချင်းအမျိုးသားတပ်ဦး(CNF/CNA) ဌာနချုပ်နှင့် မင်းတပ်မြို့နယ်ရှိ ချင်းကာကွယ်ရေးတပ်(CDF) တပ်စခန်းနေရာ၊ ပြည်သူလူထုနေထိုင်ရာနေရာများကို လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။

ယခု ဇန်နဝါရီ၁၀ရက်နှင့် ၁၁ရက်များတွင် CNF/CNA ဌာနချူပ်ဖြစ်သော Camp Victoria အား လေကြောင်းဖြင့် အကြောင်းမဲ့ပစ်ခတ်ခဲ့ရာ CNA တပ်သား (၅)ဦး ကျဆုံးခဲ့ပြီး ဆေးရုံ၊ ဆေးခန်းနှင့် အိုးအိမ်အများအပြား ပျက်စီးခဲ့သည်။

ထို့ပြင် ဇန်နဝါရီ၇ ရက်၊ ၈ရက်၊ ၂၂ရက်နှင့် ၂၃ရက်များ၌ မင်းတပ်မြို့နယ်အတွင်း ကျေးရွာများရှိ ဆေးရုံ၊ ဆေးခန်းများ၊ စာသင်ကျောင်းများ၊ စစ်ဘေးရှောင်စခန်းများနှင့် ပြည်သူ့နေအိမ်များအပေါ် ရည်ရွယ်ချက်ရှိရှိဖြင့် လေယာဉ်ဖြင့် ဗုံး(၈)ကြိမ် ကြဲချခဲ့သောကြောင့် အပြစ်မဲ့ပြည်သူများ ထိခိုက်ဒဏ်ရာရရှိခဲ့ပြီး ပြည်သူ့အိုးအိမ်များစွာ ပျက်စီးဆုံးရှုံးခဲ့ရသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။