ရေဦး-ဒီပဲယင်းလမ်းပိုင်းတွင်စစ်​ကောင်စီတပ်ကို​PDFများတိုက်ခိုက်

အင်အား၁၀၀ ကျော်ပါသောစစ်ကောင်စီစစ်ကြောင်းကို ရေဦး-ဒီပဲယင်းလမ်းပိုင်းတွင်ပြည်သူ့ကာကွယ်ရေးတပ်များက ယမန်နေ့ကမိုင်းဆွဲတိုက်ခိုက်မှုနှစ်ကြိမ်စလုံးချက်ကောင်းထိမှန်ခဲ့ပြီး စစ်ကောင်စီတပ်သေဆုံးမှုများပြားခဲ့ကြောင်း တိုက်ပွဲဝင်PDFအချို့ကပြောသည်။

“တိုက်ပွဲနှစ်ကြိမ်ဖြစ်တာ။ မိုင်းကွင်းထဲနှစ်ကြိမ်စလုံးရောက်တော့သူတို့(စစ်ကောင်စီ)ဘက် အထိအခိုက်အရမ်းများတယ်။ အတိအကျတော့မသိနိုင်ဘူး”ဟုရေဦးမြို့မှပြည်သူ့ကာကွယ်ရေးတပ်မ​တော် တပ်ဖွဲ့တစ်ဦးကပြောသည်။

စစ်ကောင်စိစစ်ကြောင်းကို ရေဦး-ဒီပဲယင်းလမ်းပိုင်းတစ်နေရာတွင် ဇန်နဝါရီ ၂၄ရက် နံနက်က တိုက်ခိုက်ခဲ့ခြင်းဖြစ်သည်။ မိုင်းဆွဲပြီးသည်နှင့်တပြိုက်နက် လက်နက်မျိုးစုံဖြင့် ပစ်ခတ်တိုက်ခိုက်ခြင်းဖြစ်ပြီး ဒီပဲယင်းနှင့်ရေဦး မြို့မှ ပြည်သူ့ကာကွယ်ရေးတပ်များကပူးပေါင်း‌တိုက်ခိုက်ခဲ့​​ခြင်းဖြစ်သည်။

“ရေဦး၊ ဒီပဲယင်း ပကဖ နှင့် PDF တို့ပူးပေါင်း‌ဆောင်ရွက်မှုအတွက် အင်မတန်မှကျေနပ်တယ်။စစ်​ေ-များအတွက် မြို့ထဲက လူမှုကူညီရေးကားပါ ဆွဲခေါ်ဖို့ စီစဉ်ခဲ့ရတယ်လို့ သတင်းရတယ်။စစ်ခွေးအချို့ ဘက်ပြန်ခေါက်ပြီး ဆေးကုနေရတယ်” ဟု ရေဦးမြို့နယ်ပြည်သူ့ကာကွယ်ရေးအဖွဲ့က သတင်းထုတ်ပြန်ထားသည်။

Public Service Announcement

စစ်ကောင်စီစစ်ကြောင်းသည် ယမန်နေ့ည ၁၀ နာရီခန့်တွင် ဒီပဲယင်းမြို့နယ် ညောင်လှကျေးရွာအတွင်း ဝင်ရောက်သွားပြီး ယနေ့(ဇန်နဝါရီ ၂၅ရက်)နံနက်ပိုင်းအထိ ညောင်လှကျေးရွာအတွင်း ရှိနေသေးကြောင်း​ဒေသတွင်းသတင်းရင်းမြစ်များက​ပြောသည်။