ဧရာဝတီတိုင်းလူမှု​ရေးဝန်ကြီး​ဒေါက်တာလှမြတ်​သွေးကိုစစ်​ကောင်စီ​ထောင် ၂ နှစ်ချ

ဧရာဝတီတိုင်းအစိုးရအဖွဲ့​ဝန်ကြီးများအနက်ဖမ်းဆီးခံထားရဆဲဖြစ်သောတစ်ဦးတည်းကျန်သည့်လူမှု​ရေးဝန်ကြီး ဒေါက်တာလှမြတ်သွေးကို စစ်ကောင်စီက ယ​​နေ့ထောင်ဒဏ်(၂)နှစ် ယနေ့ချလိုက်သည်ဟုလွှတ်တော်အမတ်အချို့ကပြောသည်။

” ဒေါက်တာလှမြတ်သွေးကိုCDM လုပ်အောင်လှုံ့ဆော်တယ်ဆိုပြီး ပုဒ်မ ၅၀၅(ခ)နဲ့ ထောင် ၂ နှစ်ချမှတ်လိုက်ပါတယ်။စစ်ကောင်စီရဲ့ အဓိပ္ပါယ်မရှိတဲ့ စက်ဆုပ်ဖွယ်ရာ လုပ်ရပ်ပါ” ဟု ဧရာဝတီဒေသကြီးမှ တိုင်းဒေသကြီးလွှတ်တော်အမတ်တစ်ဦးကPeople’s Springသို့ပြောသည်။

ဒေါက်တာလှမြတ်သွေးကို ပုသိမ်ခရိုင်တရားရုံမှယနေ့(ဇန်နဝါရီလ၃၀ရက်)အမိန့်ချ​​​ခြင်းဟုတော်လှန်ရေးအင်အားစုများကပြောသည်။

စစ်ကောင်စီတပ်သည် နိုင်ငံတော်အာဏာသိမ်းပြီးနောက် ​ရွေး​ကောက်ခံအရပ်သားအစိုးရ၏ ဧရာဝတီတိုင်းဒေသကြီး အစိုးရအဖွဲ့ဝန်ကြီးများနှင့်တိုင်း လွှတ်တော်ဥက္ကဌ၊ ဒုတိယတိုင်းလွှတ်တော်ဥက္ကဌတို့ကို တိုင်းအစိုးရအဖွဲ့ဝန်ကြီးအိမ်ရာတွင် ထိမ်းသိမ်းထားခဲ့သည်။

Public Service Announcement

၂၀၂၂ ခုနှစ် ဒီဇင်ဘာလအတွင်းကဧရာဝတီတိုင်းဒေသကြီး အစိုးရအဖွဲ့ဝန်ကြီးများနှင့်လွှတ်တော်ဥက္ကဌ၊ ဒုတိယတိုင်းလွှတ်တော်ဥက္ကဌတို့ကို စစ်ကောင်စီက ပြန်လွှတ်ပေးခဲ့ပြီး ဒေါက်တာလှမြတ်သွေးတစ်ဦးတည်းကိုဆက်လက်ဖမ်းဆီးထားခဲ့ခြင်းဖြစ်သည်။

“ဒေါက်တာလှမြတ်သွေးကရဲရင့်တဲ့သတ္တိခဲအမျိုးသမီးနိုင်ငံရေးသမားတစ်ဦးပါ။လူတိုင်းက ကိုယ့်သမိုင်းကိုယ်ရေးကြတာ။သူ့အတွက် သမိုင်းကောင်းတစ်ခုဖြစ်မှာပါ။လူထုကလည်းအသိအမှတ်ပြုမှာပါ”ဟုတိုင်းဒေသကြီးလွှတ်တော်အမတ်တစ်ဦးကပြောသည်။