ယနေ့နံနက်တွင် ပြန်လည်ရရှိဟု အသိပေး
ယနေ့နံနက်တွင် ပြန်လည်ရရှိဟု အသိပေးအမျိုးသားညီညွတ်ရေးအစိုးရ(NUG) ယာယီသမ္မတဒူဝါလရှီးလ၏ လူမှုကွန်ရက် Facebook စာမျက်နှာတိုက်ခိုက်ခံရကြောင်း ယာယီသမ္မတရုံးက သတင်းထုတ်ပြန်သည်။
ယမန်နေ့ (ဖေဖော်ဝါရီ၁ရက်)တွင် အကြမ်းဖက် အာဏာသိမ်းစစ်အုပ်စုအား ဆန့်ကျင်သည့်အနေဖြင့် မြန်မာနိုင်ငံတစ်နိုင်ငံလုံး၏တိတ်ဆိတ်ခြင်းသပိတ် အား အောင်ပွဲခံနေကြစဉ် ည ၇နာရီဝန်းကျင်တွင် ယာယီသမ္မတကြီး၏ လူမှုကွန်ရက်စာမျက်နှာသည် မသမာသူရန်သူ့ဘက်တော်သားများ၏ တိုက်ခိုက်မှုကို ခံခဲ့ရကြောင်း ဖော်ပြ သည်။
တိုက်ခိုက်ခံရ၍ စာမျက်နှာပေါ်မှ ပို့စ်များအားလုံးလည်း ပျောက်ပျက်သွားခဲ့သည်ဟု ဆိုသည်။
အမျိုးသားညီညွတ်ရေးအစိုးရ နည်းပညာအဖွဲ့၏ ကြိုးပမ်းအားထုတ်မှုကြောင့် ယနေ့နံနက် (ဖေဖော်ဝါရီ ၂ရက်)တွင် လက်ဝယ်ခိုင်ခိုင်မာမာပြန်လည်ရရှိခဲ့ပြီး ဖေ့ဘွတ်စာမျက်နှာ လုံခြုံရေးအား အောင်မြင်စွာလုပ်ဆောင်နိုင်ခဲ့ပြီဖြစ်ကြောင်း ထုတ်ပြန်သည်။
Public Service Announcement
ရန်သူသည် အွန်လိုင်းတိုက်ခိုက်မှုများကို ယခင်ကထက် ဖိဖိစီးစီးအားထုတ်လုပ်ဆောင်လာနေသောကြောင့် ဆိုရှယ်မီဒီယာကိုအသုံးပြုနေကြသော တော်လှန်ရေး ရဲဘော်ရဲဘက်များ၊ မိသားစုဝင်များ အားလုံးပိုမိုသတိထားကြရန် သတိပေးထားပြီးလိုအပ်သည့် နည်းပညာပိုင်းဆိုင်ရာ အကြံဉာဏ်များအား သက်ဆိုင်ရာဌာနများတွင် ရယူပြီး ကြိုတင်ကာကွယ်မှုများ ဆောင်ရွက်ကြရန် တိုက်တွန်းထားသည်။
