ဟုမ္မလင်းမြို့နယ် ၊ရွှေပြည်အေးမြို့တွင် စစ်ကောင်စီတပ်ကအင်အားဖြည့်တင်းရန်အတွက်တမူး၊ခန္တီး၊ဖောင်းပြင်မြို့ အခြေစိုက်စစ်ကောင်စီတပ်ရင်းများကို ပို့ဆောင်ထား၍ ရွှေပြည်အေးမြို့တွင်းသို့ထိုးစစ်ဆင်ရန် ပြင်ဆင်နေကြောင်း စစ်ရေးသတင်းရင်းမြစ်အချို့ကပြောသည်။
စစ်ကိုင်းတိုင်း ၊ဟုမ္မလင်းမြို့နယ်၊ရွှေပြည်အေးမြို့ကို ပြည်သူ့ကာကွယ်ရေးတပ်များက ဖေဖော်ဝါရီ ၁ရက်တွင် မြို့သိမ်းတိုက်ပွဲဆင်နွဲခဲ့သည်။ စစ်ကောင်စီတပ်နှင့် ရှမ်းနီတပ်ဖွဲ့များ အထိနာပြီးနောက် စစ်ကောင်စီတပ်ကလေကြောင်းမှတိုက်ခိုက်ခဲ့သည်။
ဖေဖော်ဝါရီ ၃ရက်တွင် စစ်ကောင်စီတပ်မှ Mi-17 ရဟတ်ယာဥ်ကိုPDF များကပစ်ချခဲ့သည်။ယခုအခါစစ်ကောင်စီတပ်က ပြန်လည်ထိုးစစ်ဆင်တိုက်ခိုက်ရန် စစ်အင်အားများစွာတိုး၍ ပြင်ဆင်နေခြင်းဖြစ်သည်။
“ ရွှေပြည်အေးမြို့ကို ပြန်သိမ်းဖို့ စစ်ကြောင်ထိုးလာတယ်။ခန္တီးဘက်က ရေကြောင်းရော ကုန်းကြောင်းရောလာတယ်။ ဖောင်းပြင်ကလာတဲ့အဖွဲ့ကတော့ ရေကြောင်းကနေလာပြီး ဆာဖာမြေငှားဆိပ်ကမ်းကနေ တက်လာတယ်။ တမူးကနေ ဆင်းလာတာကတော့ တပ်မ ၂၂ ပါတယ်” ဟု ရွှေပြည်အေးမြို့၏ဖေဖော်ဝါရီ ၇ရက်အခြေအနေကို ပြည်သူ့ကာကွယ်ရေးတပ်ဖွဲ့ဝင်တစ်ဦးက People’s Spring သို့ ပြောသည်။
စစ်ကောင်စီက ထိုးစစ်ဆင်ရန် ပြင်ဆင်နေသော်လည်း ပြည်သူ့ကာကွယ်ရေးမဟာမိတ်ရဲဘော်များ အန္တရာယ်ကင်းကြောင်းအထက်ပါPDF ကဆက်ပြောသည်။
ဖေဖော်ဝါရီလဆန်းမှ စတင်ခဲ့သောတိုက်ပွဲများကြောင့်ဒေသခံပြည်သူများမှာဘေးလွတ်ရာ ထွက်ပြေးတိမ်းရှောင်နေကြသည်။
