စစ်အာဏာရှင်ဆန့်ကျင်ရေး မန္တလေး မြေပြင်သပိတ်အဖွဲ့ဝင် လူငယ် ၄ ဦး ဖမ်းခံရပြီး ၁ နှစ်ရှိလာပြီဖြစ်ပေမယ့် အဆက်အသွယ်မရမသေးလို့မိသားစုဝင်တွေ စိတ်ပူနေတယ်လို့ မန္တလေး သပိတ်အင်အားစုက ထုတ်ပြန်ပါတယ်။
သပိတ်အဖွဲ့ဝင် ကိုသူရအောင် ၊ ကိုရဲဇင်ထွန်း၊ ကိုစိုးလင်းအောင် ၊ကိုလှမျိုးအောင် တို့ ဟာ ပြီးခဲ့တဲ့ နှစ် ဖေဖော်ဝါရီလ ၉ ရက်က ဖမ်းခံခဲ့ရတာပါ။
မန္တလေး ၊မဟာအောင်မြေမြို့နယ် နေအိမ် မှာ ရှိနေချိန် ဝင်ရောက်စီးနင်းဖမ်းခံလိုက်ရတာဖြစ်ပြီး ဖမ်းခံရချိန်က စကာ ဒီနေ့အချိန်ထိ သတင်းအစအန အဆက်အသွယ်မရသေးဘူးလို့သိရပါတယ်။
ဒါကြောင့် သူတို့ရဲ့အသက်အန္တရာယ်အတွက် မိသားစုဝင်တွေက စိုးရိမ်နေကြတယ်လို့သိရပါတယ်။
Public Service Announcement
လူငယ် ၄ ဦးဟာ စစ်ကောင်စီရဲ့ဖမ်းဆီးတာ မခံရချိန်က ကျန်းမာရေးကောင်းမွန်သူတွေဖြစ်လို့ ဖမ်းဆီးပြီးနောက် ဖြစ်ပေါ်လာသမျှအားလုံးကို တာဝန်ယူ၊တာဝန်ခံရမှာဖြစ်တယ်လို့ မန္တလေးသပိတ်အင်အားစုက အသိပေးလိုက်ပါတယ်။
