'/%3E%3C/svg%3E){kind=small}
စစ်ကိုင်းတိုင်း၊ ဆားလင်းကြီးမြို့နယ်တွင် စစ်ကောင်စီတပ်က PDF ရဲဘော် ၅ ဦးနှင့် ပြည်သူ ၂ ဦးကို ဖမ်းဆီးသတ်ဖြတ်ခဲ့ကြောင်း ဒေသတွင်းတော်လှန်ရေးအင်အားစုများက အသိပေးသည်။
ယနေ့ (ဖေဖော်ဝါရီလ ၁၂ ရက်နေ့ )နံနက် ၁၁ နာရီခန့်က ဆားလင်းကြီးမြို့နယ်၊ ငွေသာကျေးရွာသို့ စစ်ကြောင်းထိုးလာသည့် စစ်ကောင်စီတပ်ကို ဒေါင်းနက် နယ်စည်းမခြားပြောက်ကျားတပ်ဖွဲ့က တိုက်ခိုက်ရန် သွားရောက်ခဲ့ကြောင်း၊ ထိုအချိန် စစ်ကောင်စီတပ် ကင်းပုန်းနှင့် ထိပ်တိုက်တွေ့ပြီး PDF ရဲဘော် ၄ ဦးနှင့် ရပ်ရွာကာကွယ်ရေး တပ်ဖွဲ့ ၁ ဦးတို့ ကျဆုံးခဲ့ပြီး ပြည်သူ ၂ ဦးလည်း ဖမ်းဆီးသတ်ဖြတ်ခံခဲ့ရကြောင်း ဒေသတွင်းတော်လှန်ရေးအင်အားစုများက အသိပေးသည်။
“မနက် (၁၁)နာရီဝန်းကျင်မှာ သတင်းစကြားရပြီ ရဲဘော်(၇)ယောက် ကျတယ်။ ကား(၃)စီးကျန်ခဲ့တယ်။ ရဲဘော်တွေကို ကားပေါ်မှာ မီးတင်ရှို့နေပြီလို့ သိလိုက်ရတယ်။(စကစ)တွေ ပုလဲမြို့ပေါ်ဝင်ပြီသိတာနဲ့ ကျဆုံးရဲဘော်တွေရှိတဲ့နေရာဆီ ထွက်လာခဲ့မိတာပဲ။”ဟု ပုလဲလူထုသပိတ်တိုက်ပွဲ ဦးဆောင်ကော်မတီက ကိုတိုးဝေအောင်က လူမှုကွန်ရက်တွင် ရေးသားသည်။
ဖြစ်စဥ်နှင့်ပတ်သက်၍ ဒေါင်းနက်နယ်စည်းမခြားပြောက်ကျားတပ်ဖွဲ့ထံဆက်သွယ်မေးမြန်းထားသော်လည်းပြန်လည်ဖြေကြားခြင်း မရှိသေးပေ။
Public Service Announcement
ဖေဖော်ဝါရီလ ၉ ရက်နေ့က ဆားလင်းကြီးမြို့ပေါ်မှ ထွက်လာသော အင်အား ၁၀၀ ခန့်ပါ စစ်ကောင်စီတပ်နှင့်ပျူများသည် ၉ ရက်နေ့နှင့် ၁၀ ရက်နေ့များက ငွေသာကျေးရွာကို မီးရှို့ဖျက်ဆီးခဲ့ပြီး ဒေသတွင်းတော်လှန်ရေးအင်အားစုများနှင့်လည်း တိုက်ပွဲဖြစ်ပွားခဲ့သည်။
