မန္တလေး အိုးဘိုထောင်မှာ နိုင်ငံရေးအကျဉ်းသူတွေ ဖေဖော်ဝါရီလ ဆန်းပိုင်းက ရိုက်နှက်ခံရတဲ့သတင်းကို ပေါက်ကြားမှာစိုးလို့ အချုပ်ကျသူတွေကို ထောင်တွင်းတရားခွင်ဆီ သက်သေသွားရောက်ထွက်ဆိုခွင့်ပိတ်ထားတယ်လို့ တရားရေးအသိုင်းအဝိုင်းကနေ စုံစမ်းသိရပါတယ်။
ရိုက်နှက်မှုဟာ ဖေဖော်ဝါရီလ ပထမ ပတ်အတွင်းဖြစ်ပွားခဲ့တာဖြစ်ပြီး အချုပ်ကျသူတွေ ထောင်တွင်းတရားခွင်ဆီ သက်သေထွက်ဆိုခွင့်ကို ပြီးခဲ့တဲ့ အင်္ဂါနေ့ က ပိတ်လိုက်တာပါ။
” သက်သေထွက်ဆိုမယ့် အချုပ်သားတွေကိုပါ ပေးမထုတ်တော့ဘူး”လို့ ရှေ့နေအသိုင်းအဝိုင်းနဲ့နီးစပ်သူတစ်ဦးကပြောပါတယ်။
အရေးကြီးတဲ့အမှုတွေမှာတော့ အချုပ်သားသက်သေတွေကို အွန်လိုင်းကတဆင့် ရုံးထုတ်မေးမြန်းတာရှိနေပါတယ်။
Public Service Announcement
ဖေဖော်ဝါရီ ၃ ရက်နဲ့ ၄ရက်က အိုးဘိုအကျဉ်းထောင် အမျိုးသမီး အိပ်ဆောင် (၁)နဲ့ အိပ်ဆောင် (၅)မှာ အမျိုးသမီးအချို့ အချင်းများတာကိုထောင်အာဏာပိုင်တွေကမဖြေရှင်းပေးဘဲ အကျဉ်ထောင်အမျိုးသားဝန်ထမ်းတွေက ဝင်ရောက်ရိုက်နှက်ခဲ့တာပါ။
အကြမ်းဖက်ရိုက်နှက်ခံရမှုကြောင့် အကျဉ်းသူအမျိုးသမီး ဒါဇင်ကျော် ထိခိုက်ဒဏ်ရာရခဲ့ကြပါတယ်။
ရိုက်နှက်ခံရသူ အမျိုးသမီး နိုင်ငံရေးအကျဉ်းသူဦးရေဟာ ၇၀ ကျော် ရှိခဲ့ပြီး တိုက်ပိတ်ခံထားရသူတွေ လည်းရှိနေတယ်လို့သတင်းထွက်နေပါတယ်။
