စစ်ကိုင်းတိုင်း၊ ဝက်လက်မြို့ပေါ်ရှိ ပျူစောထီးစခန်းချရာနေရာကို ဝင်ရောက်တိုက်ခိုက်ရာ အပြန်အလှန်ပစ်ခတ်မှုဖြစ်ပွားပြီး နှစ်ဦးသေဆုံးခဲ့ကြောင်း အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD)၏ သတင်းနှင့် ပြန်ကြားရေးတာဝန်ခံက ပြောသည်။
ယမန်နေ့ (ဖေဖော်ဝါရီ ၁၆ ရက်)နံနက် ၁၁နာရီခွဲခန့်က ဝက်လက်မြို့ပေါ်ရှိ ပျူစောထီးများနေထိုင်သော နေအိမ် ဝင်ရောက်တိုက်ခိုက်ရာ မိနစ် ၂၀ ခန့် တိုက်ပွဲဖြစ်ပွားခဲ့ပြီး ပျူနှစ်ဦးသေဆုံးခဲ့ကြောင်း PAFD၏ သတင်းနှင့် ပြန်ကြားရေးတာဝန်ခံက ပြောသည်။
ထို့အပြင် ပျူစောထီးများပိုင်ဆိုင်သောပစ္စည်းအချို့ကိုလည်း သိမ်းဆည်းနိုင်ခဲ့သည်ဟု PAFD က ဆိုသည်။
“ပျူနဲ့စကစတွေပေါင်းပြီးတော့ရှိနေတဲ့ အဲဒီအိမ်ထဲကို ဝင်စီးတဲ့အခါမှာ ကျွန်တော်တို့လာမယ်သတင်းကြားတော့ ထွက်ပြေးတာ။ ကျွန်တော်တို့ပြန်ထွက််မယ်လုပ်တော့ သူတို့က အင်အားတွေနဲ့လာပြီး မိနစ်နှစ်ဆယ်လောက်တိုက်ပွဲဖြစ်တာ။ အင်အားကတော့ သုံးဆယ်လောက်ရှိမယ်”ဟု PAFD၏ သတင်းနှင့် ပြန်ကြားရေးတာဝန်ခံက ပြောသည်။
Public Service Announcement
အဆိုပါ စစ်ဆင်ရေးကို PAFDနှင့် PAFDတပ်ခွဲမှူးဗိုလ်လှိုင်ဘွား၊တပ်စိပ်(၁)ပျံလွှားအဖွဲ့၊တပ်စိပ် (၂)ခွပ်ဒေါင်းအဖွဲ့တပ်စိပ်(၃)ဇာမဏီအဖွဲ့တပ်စိပ်(၄)ငရဲမီးအဖွဲ့နှင့်PAFDတပ်ခွဲ DKPDF-MMU မြင်းဖြူရှင်ပျောက်ကြားတပ်ဖွဲ့စသော မဟာမိတ်တပ်ဖွဲ့များ ပူးပေါင်းတိုက်ခိုက်ခဲ့ကြောင်း အသိပေးထားသည်။
ပြီးခဲ့သည့် ဇန်နဝါရီတတိယပတ်အတွင်းက ဝက်လက်မြို့နယ်အတွင်းနှင့် မြို့ပေါ်တွင် စစ်ကောင်စီတပ်နှင့် တော်လှန်ရေးအင်အားစုများ တိုက်ပွဲများဖြစ်ပွားခဲ့ပြီး စစ်ကောင်စီတပ်ဖွဲ့ဝင်၁၅ ဦးထက်မနည်းသေဆုံးခဲ့သည်။ တော်လှန်ရေးရဲဘော် ခြောက်ဦးလည်း ကျဆုံးပြီး နှစ်ဦး ဖမ်းဆီးခံခဲ့ရကြောင်း PAFDက ထုတ်ပြန်ထားသည်။
