Connect with us

Hi, what are you looking for?

LuduNwayOo

သတင်း

လေကြောင်းရန်ကာကွယ်ရေးတပ်ကို တာဝေးပစ်လက်နက်ဖြင့်တိုက်ခိုက်ခံရပြီးနောက်နေပြည်တော်အဝင်တောင်ကြောများတွင် စစ်​တပ်ကစစ်ကြောင်းထိုးနေ

စစ်ကောင်စီတပ်သည် ယခင်ကတည်းက ​နေပြည်​တော်၊ ရှမ်းနှင့် ကရင်နီ(ကယား)နယ်စပ်စည်းတ​လျှောက် အထိုင်ချကာ တပ်အင်အားတိုးချဲ့ထားပြီးယခုမူ၎င်းနယ်စပ်စည်းများနှင့် ဆက်စပ်နေသည့် တောင်ကြောများကိုပါ တောနင်းစစ်ကြောင်းထိုးလာခြင်းဖြစ်သည်။

​နေပြည်​တော်​လေ​ကြောင်းရန်ကာကွယ်​ရေးတပ်ကို တာ​ဝေးပစ် လက်နက်ဖြင့် ပစ်ခတ်တိုက်ခိုက်​နေစဥ်။ဓါတ်ပုံ-NPT-PDF
​နေပြည်​တော်​လေ​ကြောင်းရန်ကာကွယ်​ရေးတပ်ကို တာ​ဝေးပစ် လက်နက်ဖြင့် ပစ်ခတ်တိုက်ခိုက်​နေစဥ်။ဓါတ်ပုံ-NPT-PDF

လေကြောင်းရန်ကာကွယ်ရေးတပ်ကို ပြည်သူ့ကာကွယ်ရေးတပ်မတော် PDF တပ်ဖွဲ့များ၏ တာဝေးပစ်လက်နက်ဖြင့် ပစ်ခတ်တိုက်ခိုက်ခံရပြီးနောက် စစ်ကောင်စီတပ်က နေပြည်တော်အဝင်တောင်ကြောများတွင်စစ်ကြောင်းထိုးနေကြောင်းတော်လှန်ရေးတပ်ဖွဲ့များက People’s Spring သတင်းဌာနသို့ ပြောသည်။

PDF တပ်ဖွဲ့များကလိပ်သိုမြို့ရှိ စစ်တပ်ဗျူဟာကုန်းနှင့်နေပြည်တော် လေကြောင်းရန်ကာကွယ်ရေးတပ်တို့ကိုဖေဖော်ဝါရီ ၂၁ ရက်နှင့် ၂၂ ရက်နေ့များတွင် တာဝေးပစ်ဒုံးသုံးစင်းဖြင့် နှစ်ရက်ဆက်ပစ်ခတ်တိုက်ခိုက်ခဲ့ပြီးနောက်စစ်တပ်ကနေပြည်တော်အဝင် တောင်ကြောများတွင် အင်အားတိုးစစ်​ကြောင်းထိုး​နေခြင်းဖြစ်သည်။

​နေပြည်​တော်ဝန်းကျင်ကို Google Map တွင်​တွေ့ရမှု
​နေပြည်​တော်ဝန်းကျင်ကို Google Map တွင်​တွေ့ရမှု

“စကစ ကစစ်​ကြောင်းထိုး​နေတယ်။လယ်​ဝေးနဲ့ပျဥ်းမနားအ​ရှေ့ဘက်​တောင်​ကြောတွေမှာ”ဟု အလယ်ပိုင်းတိုင်းစစ်ဌာနချုပ်နေပြည်တော်စစ်ဒေသခွဲမှတာဝန်ရှိသူတစ်ဦးက People’s Spring သို့ပြောသည်။

Public Service Announcement
Public Service Announcement

အဆိုပါစစ်ကောင်စီတပ်စစ်ကြောင်းမှာအင်အားတစ်ရာကျော်ပါသည်ဟုခန့်မှန်းရပြီး လတ်တလောတွင် တောင်မြင့်၊ ​ရေပူ၊ အလည်​ချောင်း စသည့်ကျေးရွာများတ​လျှောက် စစ်ကြောင်းထိုးနေခြင်းဖြစ်ကြောင်းနေပြည်တော်စစ်ဒေသခွဲ တာဝန်ရှိသူကဆက်ပြောသည်။

Public Service Announcement

Public Service Announcement

PDF တပ်ဖွဲ့များ တာဝေးပစ်ဒုံးဖြင့် ပစ်ခတ်တိုက်ခိုက်ခဲ့သည့် လိပ်သိုစစ်တပ်ဗျူဟာကုန်း
PDF တပ်ဖွဲ့များ တာဝေးပစ်ဒုံးဖြင့် ပစ်ခတ်တိုက်ခိုက်ခဲ့သည့် လိပ်သိုစစ်တပ်ဗျူဟာကုန်း

စစ်ကောင်စီတပ်သည် ယခင်ကတည်းက ​နေပြည်​တော်၊ ရှမ်းနှင့် ကရင်နီ(ကယား)နယ်စပ်စည်းတ​လျှောက် အထိုင်ချကာ တပ်အင်အားတိုးချဲ့ထားပြီးယခုမူ၎င်းနယ်စပ်စည်းများနှင့် ဆက်စပ်နေသည့် တောင်ကြောများကိုပါ တောနင်းစစ်ကြောင်းထိုးလာခြင်းဖြစ်သည်။

“သူတို့(စစ်ကောင်စီတပ်) နယ်စပ်စည်းမှာကို ခံစစ်အ​နေအထားကာထားပြီး မကြာခဏ စစ်​ကြောင်း​ထိုး၊တောနင်း​လေ့ရှိတယ်”ဟု နေပြည်တော်စစ်ဒေသခွဲမှတာဝန်ရှိသူတစ်ဦးက ရှင်းပြသည်။

PDF တပ်ဖွဲ့များ၏ ယခုရက်ပိုင်း တာဝေးပစ်ဒုံး စစ် ဆင်ရေးများတွင် လိပ်သိုမြို့ စစ်တပ်ဗျူဟာကုန်းသို့ ထိမှန်အောင်ပစ်ခတ်နိုင်ခြင်း၊ နေပြည်တော် လေကြောင်းရန်ကာကွယ်ရေးတပ်ဝန်းမှ အရာရှိဆောင်ဟုယူဆရ​သောအ​ဆောင်ထိမှန်ခဲ့သဖြင့် စစ်ကောင်စီတပ်ဘက်မှ ထိခိုက်သေဆုံးမှုများရှိနိုင်သော်လည်း တိတိကျကျ မသိရ​သေး​ကြောင်း​တော်လှန်​ရေးအင်အားစုများက​ပြောသည်။

ဆက်စပ်သတင်းများ

သတင်း

ကော့ကရိတ်မြို့၌ အင်အားအများအပြားအသုံးပြုထိုးစစ်ဆင်လာသော စစ်ကောင်စီ၏ အောင်ဇေယျစစ်ကြောင်းအား မြဝတီမြို့သို့မရောက်ရှိစေရန် ရဲဘော်များက ခက်ခက်ခဲခဲဖြင့် ကြားဖြတ်တိုက်ခိုက်နေသည်ဟု ဗိုလ်မှူးကျော်ဟိန်းက ပြောသည်။

သတင်း

လွန်ခဲ့သည့်ရက်အနည်းငယ်အတွင်းမှာပင် ဒေသခံပြည်သူ ထောင်နှင့်ချီ၍ တာချ်ခရိုင်၊ မဲဆောက်မြို့နှင့် အခြားဒေသများသို့ ထွက်ပြေးတိမ်းရှောင်ခဲ့ရကြောင်း ဖော်ပြသည်။

သတင်း

အမှတ်(၂)တံတားအနီးရှိ မွေးမြူရေးဇုန်အနီးတွင်လည်း လက်နက်ကြီးကျ‌ရောက် ပေါက်ကွဲခဲ့ကြောင်း ဒေသခံများက ပြောသည်။

သတင်း

တိုက်ခိုက်ခံရပြီးနောက် လျှော်ဖြူကျေးရွာသို့ ရွာကြီးရွာမှ စစ်ကောင်စီတပ်သားများ လာရောက်အင်အားဖြည့်ထားကြောင်း ဒေသခံများက ပြောသည်။