Connect with us

Hi, what are you looking for?

LuduNwayOo

သတင်း

ရေစကြိုမြို့နယ်တွင် ကျေးရွာအတွင်း စစ်ကောင်စီတပ်စခန်းချရန်တောင်းဆိုသည့် ပျူငါးဦး ပစ်ခတ်ရှင်းလင်းခံရ

ဖေဖော်ဝါရီ ၂၅ ရက် ည ၁၁ နာရီခန့်က အလယ်သောင်ကျေးရွာအုပ်စု၊ ဂွက်ကြီးကျေးရွာတွင် စခန်းအထိုင်ချရန် စစ်ကောင်စီတပ်ထံ တောင်းဆိုထားသော ပျူစောထီးခေါင်းဆောင်ဟုဆိုသူ အမျိုးသားသုံးဦးနှင့် အမျိုးသမီးနှစ်ဦးကို ၎င်းတို့နေအိမ်များသို့သွားရောက်၍ ပစ်ခတ်တိုက်ခိုက်ခဲ့ခြင်းဖြစ်သည်ဟု ဆိုသည်။

စစ်ကိုင်းတိုင်းအတွင်း စစ်ကောင်စီ စစ်သင်တန်းတစ်ခုတွင် တွေ့ရသည့် ဝါသဝနှင့် ပျူစောထီးများ၊ ဓာတ်ပုံ - အညာသားလေ
စစ်ကိုင်းတိုင်းအတွင်း စစ်ကောင်စီ စစ်သင်တန်းတစ်ခုတွင် တွေ့ရသည့် ဝါသဝနှင့် ပျူစောထီးများ၊ ဓာတ်ပုံ - အညာသားလေး

မကွေးတိုင်း ရေစကြိုမြို့နယ်ရှိ အလယ်သောင်ကျေးရွာအုပ်စုရှိ ကျေးရွာအတွင်း စစ်ကောင်စီ တပ်စခန်းချရန် စာပို့တောင်းဆိုသည့် လက်နက်ကိုင် ပျူစောထီး ငါးဦးကို ပစ်ခတ်ရှင်းလင်း လိုက်ကြောင်း Myungyan Black Tiger – MBTတပ်ဖွဲ့က ပြောသည်။

ဖေဖော်ဝါရီ ၂၅ ရက် ည ၁၁ နာရီခန့်က အလယ်သောင်ကျေးရွာအုပ်စု၊ ဂွက်ကြီးကျေးရွာတွင် စခန်းအထိုင်ချရန် စစ်ကောင်စီတပ်ထံ တောင်းဆိုထားသော ပျူစောထီးခေါင်းဆောင်ဟုဆိုသူ အမျိုးသားသုံးဦးနှင့် အမျိုးသမီးနှစ်ဦးကို ၎င်းတို့နေအိမ်များသို့သွားရောက်၍ ပစ်ခတ်တိုက်ခိုက်ခဲ့ခြင်းဖြစ်သည်ဟု ဆိုသည်။

“စစ်တပ်စခန်းအထိုင်ချဖို့ တောင်းဆိုထားတဲ့ရွာပါ အဲဒီရွာက။ စာလည်းကျထားပါပြီ။ အဲဒီအချိန်မှာ ပြည်သူတစ်ယောက်ကနေ ၂၅ ရက်နေ့ညနေခင်းမှာ ကျွန်တော်တို့ဆီကိုလာပြီးတော့ တိုင်ကြားလာတဲ့အပေါ် အဲဒီညခင်းမှာပဲ ကျွန်တော်တို့ အင်အားသုံးပြီးတော့ တစ်ခါတည်းတပြိုင်နက်တည်း ရှင်းလင်းခဲ့တာပါ”ဟု MBT တပ်ဖွဲ့မှ တာဝန် ရှိသူက People’s Spring သို့ ပြောသည်။

Public Service Announcement
Public Service Announcement

ထိုသို့ ပျူစောထီးခေါင်းဆောင်များအား ၎င်းတို့နေအိမ်များသို့သွားရောက်၍ ပစ်ခတ်ရှင်းလင်းနေစဥ် ဂွက်ကြီးကျေးရွာအနီး ဆင်မရဲရွာတွင် အထိုင်ချထားသော ပျူစောထီးနှင့် စစ်ကောင်စိ တပ်က (၆၀) မမ လက်နက်ကြီးများဖြင့် ပြန်လည်ပစ်ခတ်ခဲ့သော်လည်း ရဲဘော်များအထိအခိုက်မရှိခဲ့ကြောင်း အထက်ပါတာဝန်ရှိသူက ဆက်ပြောသည်။

Public Service Announcement

Public Service Announcement

ထို့အပြင် ပျူစောထီးခေါင်းဆောင်တစ်ဦး၏နေအိမ်အား ဝင်ရောက်ပစ်ခတ်စဥ် ယင်းပျူခေါင်းဆောင်နှင့်အဖွဲ့က ပြန်ခုခံသဖြင့် မိနစ်အနည်းငယ်ကြာ အပြန်အလှန်ပစ်ခတ်မှုဖြစ်ပွားခဲ့ပြီး ပျူခေါင်းဆောင်မှာ ထွက်ပြေးလွတ် မြောက်သွားသော်လည်း ၎င်း၏တပည့်ဖြစ်သူမှာ သေ ဆုံးသွားကြောင်း MBTတပ်ဖွဲ့ တာဝန်ရှိသူက ဆိုသည်။

အရေးယူရှင်းလင်းလိုက်သော လက်နက်ကိုင်ပျူစောထီးများသည် စစ်ကောင်စီတပ်အထိုင်ချစခန်းများတွင် လုံခြုံရေးတာဝန်ယူ ကင်းစောင့်ကြသူများဖြစ်သလို လက်နက်အားကိုးဖြင့် ကျေးရွာလူထုအား ဖိနှိပ်အနိုင်ကျင့်ခြင်း၊ တော်လှန်ရေးရဲဘော်များအား စစ်ကောင်စီတပ်နှင့်အတူပူးပေါင်းတိုက်ခိုက်ခြင်းတို့ လုပ်ဆောင်နေသူများဖြစ်ကြောင်း MBT တပ်ဖွဲ့က အသိပေးထားသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။