မြန်မာ့ရိုးရာလက်ဝှေ့ ချန်ပီယံဟောင်း ရွှေဓူဝံဟာ ဒီနေ့မနက်ပိုင်း အမြန်လမ်း မှာဖြစ်ပွားတဲ့ ခရီးသည်တင်ကား တိမ်းမှောက်မှုမှာ သေဆုံးသွားတယ်လို့ သုဝဏ္ဏဘုမိရိုးရာလက်ဝှေ့အသင်း(သထုံ)ကအသိပေးပါတယ်။
ဒီနေ့မနက်ပိုင်း ၅ နာရီခွဲခန့်က ဒို့ညီနောင် ခရီးသည်တင်ယာဉ်လိုင်းက အဝေးပြေးကားဟာ အမြန်လမ်း မိုင်တိုင် ၁၆၇ မိုင် ၄ဖာလုံ နဲ့ ၁၆၇ မိုင် ၅ဖာလုံ အကြား တိမ်းမှောက်ပြီး အမျိုးသား ၃ ဦးသေဆုံးကာ ၂၅ ဦး ထိခိုက်ဒဏ်ရာရခဲ့တာပါ။
သေဆုံးသွားသူ ၃ ဦးထဲမှာ နာမည်ကျော် လက်ဝှေ့ သမား ရွှေဓူဝံလည်း ပါဝင်သွားတာပါ။
ရွှေဓူဝံ ဆုံးပါးသွားတဲ့အပေါ် အသိမိတ်ဆွေတွေကလည်း လူမှုကွန်ရက်မှာ ဝမ်းနည်းစကားဆိုထားကြပါတယ်။
Public Service Announcement
ဒို့ညီနောင်ကားဟာ တောင်ကြီးကနေ မြဝတီကိုပြေးဆွဲတာဖြစ်ပြီး ဒီမနက်ပိုင်းဖြစ်စဉ်မှာ အရှိန်မထိန်းနိုင်ဘဲ လမ်းလယ်ကျွန်းကိုဝင်တိုက်ပြီး တိမ်းမှောက်ခဲ့တာလို့သိရပါတယ်။
