Connect with us

Hi, what are you looking for?

LuduNwayOo

သတင်း

ခင်ဦးတွင် ကိုယ်ဝန်ဆောင်အမျိုးသမီးတစ်ဦး စစ်ရှောင်ရင်း အမွှာရင်သွေး မွေးဖွား

ခင်ဦးမြို့နယ်အတွင်း တကျော့ပြန်စစ်ကြောင်းထိုးလာသည့် စစ်ကောင်စီတပ် စစ်ကြောင်းကြောင့် ထွက်ပြေးလာရသည့်ပြည်သူများအနက် ကိုယ်ဝန်ဆောင်အမျိုးသမီးတစ်ဦးမှာ ယခုရက်ပိုင်းအတွင်း သမီးတစ်ဦး၊သားတစ်ဦး အမွှာရင်သွေးမွေးဖွားခဲ့ခြင်းဖြစ်သည်။

(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)
(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)

စစ်ကိုင်းတိုင်း၊ ခင်ဦးမြို့နယ်တွင် ကိုယ်ဝန်ဆောင်အမျိုးသမီးတစ်ဦး စစ်ရှောင်ရင်း အမွှာရင်သွေမွေးဖွားခဲ့သည်။

ခင်ဦးမြို့နယ်အတွင်း တကျော့ပြန်စစ်ကြောင်းထိုးလာသည့် စစ်ကောင်စီတပ် စစ်ကြောင်းကြောင့် ထွက်ပြေးလာရသည့်ပြည်သူများအနက် ကိုယ်ဝန်ဆောင်အမျိုးသမီးတစ်ဦးမှာ ယခုရက်ပိုင်းအတွင်း သမီးတစ်ဦး၊သားတစ်ဦး အမွှာရင်သွေးမွေးဖွားခဲ့ခြင်းဖြစ်သည်။

“ကလေးအမွှာပူးလေးဟာ စစ်ရှောင်ရင်း မွေးခဲ့တာဖြစ်ပြီး နေအိမ်ကလည်း မီးလောင်မိဘဖြစ်သူတို့ကလည်း ဆင်းရဲကြပြီး ကလေး၂ယောက်ကို နို့ဘူးတစ်ဘူးထဲနဲ့ တစ်ရက်မှာ ၂ကြိမ်သာတိုက် ပေးနိုင်တယ်တဲ့။ကလေးအမွှာပူးနဲ့ အတော်လေးကို ဒုက္ခရောက်နေတယ်။”ဟု ခင်ဦးမြို့နယ် သတင်းမှန်ပြန်ကြားရေးအဖွဲ့ တာဝန်ရှိသူက ပြောသည်။

(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)
(အမွှာရင်သွေးမွေးဖွားခဲ့သည့် စစ်ရှောင်အမျိုးသမီးတစ်ဦးနှင့် ခင်ဦးဒေသခံစစ်ရှောင်ပြည်သူများအား တွေ့ရစဉ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေးအဖွဲ့)

အဆိုပါ အမွှာမောင်နှမကို တော်လှန်ရေးကာလ ​သေနတ်သံများကြား မွေးဖွားခဲ့၍ အုန်းအုန်းနှင့် ဒိုင်းဒိုင်းဟု ခေါ်တွင်နေကြသည်။

Public Service Announcement

Public Service Announcement

စစ်ကြောင်းရန်ကြောင့် ထွက်ပြေးလာသည့် ပြည်သူများထဲတွင် ကိုယ်ဝန်ဆောင်သည် အမျိုးသမီးများ၊ သွေးနုသားနု မိခင်များ သက်ကြီးရွယ်အိုနှင့် ကလေးသူငယ်များ စုစုပေါင်း ၁၀၀ကျော် ပါဝင်ကြောင်း၊ စစ်ရှောင်ရင်း ဝမ်းပျက်ဝမ်းလျှောရောဂါများ၊ အအေးမိ၊ ညောင်းညာဖျားနာမှုများ ဖြစ်ပွားနေကြောင်း ဒေသတွင်းအဖွဲ့များက ပြောသည်။

အဆိုပါ အမွှာပူးကလေးမိခင်အပါအဝင် သက်ကြီးရွယ်အိုများ၊ ကိုယ်ဝန်ဆောင်မိခင်များ၊ စစ်ရှောင်ရင်း ကျန်းမာရေးကုသမှုခံနေရသည့် ပြည်သူများ အကူအညီများလိုအပ်နေကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့က ပြောသည်။

စစ်ကောင်စီ စစ်ကြောင်းထိုးဝင်ရောက်လာမှုကြောင့် ခင်ဦးနယ်ရှိ ဒေသခံ၈၀၀၀ကျော် ထွက်ပြေးတိမ်းရှောင်ခဲ့ရပြီး လက်နက်ကြီးများဖြင့် ရမ်းသမ်းပစ်ခတ်မှုကြောင့် ကလေးနှစ်ဦးသေဆုံးကာ သက်ကြီးရွယ်အိုတစ်ဦး အအေးမိသေဆုံးခဲ့သည်။

ဆက်စပ်သတင်းများ

သတင်း

ဇွန်လ ၂၅ရက်မှစတင်သည့် တိုက်ပွဲကာလ၌ ကျောက်မဲမြို့တွင် တိုက်ပွဲအပြင်းအထန်ဖြစ်ခဲ့ပြီး အရပ်သားသေဆုံးမှုများလည်းရှိခဲ့သည်။

သတင်း

မေလ ၁၀ ရက်နေ့က တိုက်ပွဲတွေ ပြန်လည် ငြိမ်သက်သွားတဲ့နောက် ရွာသားတချို့က အရဲစွန့်ပြီး နေရပ် ပြန်ကြပေမယ့် လူ ၄၀ ကျော်လောက်ကတော့ လုံခြုံရေး စိတ်မချရသေးတာကြောင့် ထိုင်းပိုင်နက်ဖက်မှာပဲ ဆက်လက် ခိုလှုံနေခဲ့တယ်လို့ ဆိုပါတယ်။

သတင်း

စစ်ကောင်စီတပ်က ရွာထဲသို့ လက်နက်ကြီးဖြင့် ပစ်ခတ် ဝင်ရောက်လာပြီး ပြည်သူများအား သေနတ်ဖြင့် ပစ်ခတ် သတ်ဖြတ်ကာ မီးရှို့ခဲ့ခြင်းဖြစ်ကြောင်း အမှတ် (၁) စစ်ဒေသရုံးက ထုတ်ပြန်သည်။

ဆောင်းပါး

အယောက်(၈၀)ကျော်လောက်ပါတဲ့အာဏာသိမ်းစစ်ကောင်စီစစ်ကြောင်းက ရွာစဥ်တလျှောက် လူသတ်မီးရှို့နေပြီး သူတို့ကိုင်းရွာကိုပါ ရောက်ရှိလာလို့ ဒေါ်တင်ခိုင်တို့တရွာလုံး ထွက်ပြေးတိမ်းရှောင်လာခဲ့ကြရတာပါ။