Connect with us

Hi, what are you looking for?

LuduNwayOo

သတင်း

မုံရွာ – ချောင်းဦးလမ်းပိုင်း ဖြတ်သန်းသွားလာခွင့် ယာယီပိတ်

မတ်လ ၆ ရက်နှင့် ၇ ရက်များက မုံရွာ-ချောင်းဦးလမ်းပိုင်း၊ မြေနဲကျေးရွာအနီးတွင် စစ်ကောင်စီတပ်နှင့်ပျူများအား ဒေသကာကွယ်ရေးအဖွဲ့များက ပစ်ခတ်တိုက်ခိုက်ခဲ့ကြသည်။

(မုံရွာ - မန္တလေးလမ်းပိုင်းတစ်နေရာအား တွေ့ရစဥ်။ ပုံအဟောင်း အသုံးပြုထားပါသည်)
(မုံရွာ - မန္တလေးလမ်းပိုင်းတစ်နေရာအား တွေ့ရစဥ်။ ပုံအဟောင်း အသုံးပြုထားပါသည်)

စစ်ကိုင်းတိုင်း၊ မုံရွာ – မန္တလေး လမ်းမကြီး၏မုံရွာ – ချောင်းဦး လမ်းပိုင်းအား ဖြတ်သန်းသွားလာခွင့် ယာယီပိတ်ထားလိုက်ကြောင်း မုံရွာဒေသခံတော်လှန်ရေးတပ်ပေါင်းစု MLRUက အသိပေးကြေညာသည်။

ယနေ့ (မတ်လ ၉ ရက်) နံနက်ပိုင်းမှစ၍ နောက်ထပ် ကြေညာချက်တစုံတရာမထုတ်ပြန်မီအချိန်အထိ အရေးပေါ်အခြေအနေအရ ယာယီပိတ် ထားလိုက်​ကြောင်း၊ ယာယီပိတ်ထားချိန်အတွင်း ကြေညာချက်ပါလမ်းပိုင်းများကို ပြည်သူတို့၏ လုံခြုံရေးအတွက် လုံးဝအသုံးမပြုကြပါရန်နှင့်လိုက်နာခြင်းမရှိသူတို့၏လုံခြုံရေးအတွက်အာမမခံပါကြောင်း ထုတ်ပြန်ချက်တွင် ဖော်ပြသည်။

အထက်ပါလမ်းပိုင်းတွင် သွားလာနေကြသောမော်တော်ယာဉ်များအနေဖြင့် အန္တရာယ်ကင်းရှင်းစေရန်အတွက် ရောက်ရာအရပ်တွင် ခေတ္တရပ်နားထားကြပါရန်နှင့် အဆိုပါလမ်းပိုင်းအား လက်ရှိအသုံးပြုလျက်ရှိသော မိမိ၏ဆွေမျိုးမိတ်ဆွေများကို ထပ်ဆင့်အကြောင်းကြားပေးကြပါရန် မုံရွာဒေသခံတော်လှန်ရေးတပ်ပေါင်းစုမေတ္တာရပ်ခံထားသည်။

မတ်လ ၆ ရက်နှင့် ၇ ရက်များက မုံရွာ-ချောင်းဦးလမ်းပိုင်း၊ မြေနဲကျေးရွာအနီးတွင် စစ်ကောင်စီတပ်နှင့်ပျူများအား ဒေသကာကွယ်ရေးအဖွဲ့များက ပစ်ခတ်တိုက်ခိုက်ခဲ့ကြသည်။

Public Service Announcement

Public Service Announcement

ဆက်စပ်သတင်းများ

သတင်း

စစ်ကိုင်းတိုင်း မုံရွာမြို့နယ်နှင့် ဘုတလင်မြို့နယ်တို့တွင် ပြည်သူ့ကာကွယ်ရေးတပ်(PDF) ရဲဘော်နှင့် ဒေသခံပြည်သူများက (၇၇)နှစ်မြောက် အာဇာနည်နေ့အခမ်းအနားကို ယနေ့ (ဇူလိုင် ၁၉)နံနက်က ကျင်းပပြုလုပ်ခဲ့သည်။

သတင်း

စစ်ကောင်စီကမူ ခရီးသည်တင်ယာဥ်အား PDFများက ပစ်ခတ်တိုက်ခိုက်ရာမှ ပြည်သူတစ်ဦးသေဆုံးပြီး အများအပြားဒဏ်ရာရကြောင်း ၎င်းတို့ထောက်ခံသည့် တယ်လီဂရန်ချန်နယ်များတွင် ဝါဒဖြန့်နေသည်။

သတင်း

တိုက်ပွဲကြာချိန် နာရီဝက်ခန့်အတွင်း ယင်းစခန်းကို အလုံးစုံသိမ်းပိုက်နိုင်ခဲ့ပြီး စစ်ကောင်စီတပ်သား ၂၀ခန့် သေဆုံးကာ ငါးဦးအရှင်ဖမ်းဆီးရမိခဲ့ကြောင်း ULF စစ်ကြောင်းမှ ပြန်ကြားရေးတာဝန်ခံ ကိုဂျော်ဒန်က ပြောသည်။

သတင်း

မေလ ၁၉ ရက်က မုံရွာမြို့၊ ချမ်းမြသာစည်ရပ်ကွက်၊ နေဇာလမ်းနေ အရပ်သားအသွင်ယူထားပြီး လွင်အမည်ဖြင့် ငါးပိထောင်းဆိုင်ဖွင့်ထားသည့် ရဲအရာခံဝင်းနိုင်အား မုံရွာမြို့နယ် ပြည်သူ့လုံခြုံရေးအဖွဲ့က သွားရောက်ဖမ်းဆီးခဲ့သည်။