Connect with us

Hi, what are you looking for?

LuduNwayOo

သတင်း

စစ်ကိုင်းနှင့် မတ္တရာနယ်ရှိ ဧရာဝတီမြစ်ဘေးကျေးရွာများတွင် တိုက်ပွဲဖြစ်နေ၍ ဒေသခံများထွက်ပြေးတိမ်းရှောင်နေရ

မတ်လ ၁၅ ရက်က မန္တလေးတိုင်း၊ မတ္တရာမြို့နယ် အနောက်ခြမ်း ဧရာ၀တီမြစ်ကမ်းဘေးရှိကျေးရွာများကို စစ်ကောင်စီတပ်က အင်အားအလုံးအရင်းဖြင့် စစ်ကြောင်းထိုးခဲ့သည်။

(ဧရာဝတီမြစ်အနောက်ခြမ်း စစ်ကိုင်းတိုင်းဘက်အား တွေ့ရစဥ်။ ဓာတ်ပုံ - Cj)
(ဧရာဝတီမြစ်အနောက်ခြမ်း စစ်ကိုင်းတိုင်းဘက်အား တွေ့ရစဥ်။ ဓာတ်ပုံ - Cj)

ဧရာဝတီမြစ် တစ်ဖက်စီတွင်ရှိသော စစ်ကိုင်းတိုင်း၊ မင်းကွန်းတိုက်နယ်နှင့် ​မန္တလေးတိုင်း၊ မတ္တရာမြို့နယ် တို့တွင် စစ်ကောင်စီတပ်နှင့် ဒေသတွင်း PDFအဖွဲ့များ တိုက်ပွဲဖြစ်ပွားနေပြီး စစ်ကောင်စီတပ်က လက်နက်ကြီးများဖြင့် ပစ်ခတ်နေ၍ ဒေသခံပြည်သူများ ထွက်ပြေးတိမ်းရှောင်နေရကြောင်း ဒေသခံများက ပြောသည်။

မတ်လ ၁၅ ရက်က မန္တလေးတိုင်း၊ မတ္တရာမြို့နယ် အနောက်ခြမ်း ဧရာ၀တီမြစ်ကမ်းဘေးရှိကျေးရွာများကို စစ်ကောင်စီတပ်က အင်အားအလုံးအရင်းဖြင့် စစ်ကြောင်းထိုးခဲ့သည်။

အဆိုပါစစ်ကြောင်းများသည် ကျေးရွာများအတွင်း ဝင်ရောက်မွှေနှောက်ဖျက်ဆီးခြင်း ပြုလုပ်ပြီး ဒေသတွင်း PDFများနှင့် ထိတွေ့ပစ်ခတ်မှုများ ဖြစ်ပွားခဲ့ကြောင်း ဒေသတွင်းသတင်းရင်းမြစ်များက ပြောသည်။

ယမန်နေ့ (မတ်လ ၁၆ ရက်)တွင် မတ္တရာနယ်နှင့် ဧရာဝတီမြစ်တစ်ဖက်ကမ်း၊ စစ်ကိုင်းတိုင်း မင်းကွန်းတိုက်နယ်၊ အုန်းသဇင်ကျေးရွာဘက်တွင်လည်း စစ်ကောင်စီတပ်များ ဝင်ရောက်လာကာဒေသတွင်း PDFများနှင့် ထပ်မံထိတွေ့ပစ်ခတ်မှုများ ဖြစ်ပွားခဲ့ကြောင်း Doung Ni Defence Force-Wetlet အဖွဲ့က အသိပေးသည်။

Public Service Announcement

Public Service Announcement

Public Service Announcement
Public Service Announcement

စစ်ကောင်စီတပ်က လက်နက်ကြီးများ၊ ဒရုန်းများဖြင့်ပါ အသုံးပြုတိုက်ခိုက်ခဲ့သော်လည်း PDF ရဲဘော်များအထိအခိုက်မရှိကြောင်း ၎င်းအဖွဲ့က ဆိုသည်။

“ခုလည်းဆက်ဖြစ်နေတာမို့ အသေးစိတ်တော့ပြောလို့မရသေးလို့ပါ။ ဒီမနက်လည်း လက်နက် ကြီး ဒရုန်းတွေနဲ့ဆက်တိုက်ထိုးစစ်ဆင်ခံနေရတာပါ။ မတ္တရာ၊စစ်ကိုင်း၊ ဝက်လက်နယ် အစပ်ပါ။ မတ္တရာမြို့နယ်ဘက်ကနေ ထိုးလာတဲ့စစ်ကြောင်းပါ။”ဟု Doung Ni Defence Force-Wetlet အဖွဲ့ သတင်းနှင့်ပြန်ကြားရေးတာဝန်ခံက ပြောသည်။

ထို့အပြင် မင်းကွန်းတိုက်နယ်မြောက်ခြမ်း ဧရာဝတီမြစ်ဘေးတလျှောက် ကျေးရွာများရှိ ပြည်သူ များလည်း ထွက်ပြေးတိမ်းရှောင်နေရကြောင်း ဒေသခံများက ပြောသည်။

“အကုန်လုံးထွက်ပြေးနေရတယ်။ တချို့က ကိုင်းတောတွေထဲ၊ တချို့ကတောင်ရိုးတွေထဲ ပြေးပုန်းနေရတယ်။”ဟု ဒေသခံတစ်ဦးက ပြောသည်။

ဖြစ်စဉ်နှင့်ပတ်သက်ပြီး ဒေသတွင်း PDFအဖွဲ့များထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။

ယနေ့ (မတ်လ ၁၇ ရက်) နံနက်ပိုင်းတွင် မတ္တရာမြို့နယ် အနောက်ခြမ်း တောပုရွာရှိ စစ်ကောင်စီတပ်သည် လက်နက်ကြီး တပ်ဆင်ပြီး မြစ်အနောက်ခြမ်းရှိ ဝက်လက်မြို့နယ်ဘက်သို့ လက်နက် ကြီးဖြင့် ၁၀ချက်ထက်မနည်း ရမ်းသမ်းပစ်ခတ် နေကြောင်း Wetlet Informational Network အဖွဲ့က ပြောသည်။

ဆက်စပ်သတင်းများ

သတင်း

ရခိုင်ပြည်နယ်တွင် မည်သည့်ရင်းနှီးမြှုပ်နှံမှုမျိုးကိုမဆို အကာအကွယ်ပေးမည်မူဝါဒ AA၌ အခိုင်အမာရှိကြောင်း ခိုင်သုခကဖြေကြားထားသည်။

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

မံစီမြို့နယ်ဘက်သို့ ထိုးစစ်ဆင်လာသည့် စစ်ကောင်စီ စစ်ကြောင်းနှင့် KIA တို့ ကောင်ဂျာဟန်ဒေသ၌ တိုက်ပွဲဖြစ်ပွားခဲ့ခြင်းဖြစ်သည်ဟု ဆိုသည်။