Connect with us

Hi, what are you looking for?

LuduNwayOo

သတင်း

ဒီးမော့ဆိုတွင် စစ်ရှောင်များရှိရာနေရာ လေကြောင်းတိုက်ခိုက်၍ တစ်ဦးသေ၊ သုံးဦးဒဏ်ရာရ

ယမန်နေ့(မတ်လ ၂၈ ရက်) ညနေ ၆ နာရီခန့်က စစ်ကောင်စီသည် တိုက်လေယာဥ်အသုံးပြု၍ စစ် ရှောင်ပြည်သူများနေရာသို့ ပစ်မှတ်ထားတိုက်ခိုက်ခဲ့ခြင်းဟု ဆိုသည်။

(ကရင်နီဒေသ၌ ဗုံးကြဲတိုက်ခိုက်နေသည့် စစ်ကောင်စီ၏ တိုက်လေယာဥ်တစ်စီးအားတွေ့ရစဥ်။ ဓာတ်ပုံ - KNDF)
(ကရင်နီဒေသ၌ ဗုံးကြဲတိုက်ခိုက်နေသည့် စစ်ကောင်စီ၏ တိုက်လေယာဥ်တစ်စီးအားတွေ့ရစဥ်။ ဓာတ်ပုံ - KNDF)

ကရင်နီ(ကယား)ပြည်နယ်၊ ဒီးမော့ဆိုအနောက်ခြမ်းရှိ စစ်ရှောင်ပြည်သူများနေထိုင်ရာနေရာကို စစ်ကောင်စီက လေကြောင်းမှ ပစ်ခတ်တိုက်ခိုက်ရာ စစ်ရှောင်တစ်ဦးသေဆုံးပြီး သုံးဦးဒဏ်ရာရရှိကြောင်း ဒေသခံများက ပြောသည်။

ယမန်နေ့(မတ်လ ၂၈ ရက်) ညနေ ၆ နာရီခန့်က စစ်ကောင်စီသည် တိုက်လေယာဥ်အသုံးပြု၍ စစ် ရှောင်ပြည်သူများနေရာသို့ ပစ်မှတ်ထားတိုက်ခိုက်ခဲ့ခြင်းဟု ဆိုသည်။

“ဒေါရောက်ခူ ရွာလေးကို လေယာဉ်နဲ့ အကြမ်းဖက်အုပ်စုက ဗုံကြဲသွားတာပါ။အဲဒီမှာ ဘာတိုက်ပွဲမှလည်းရှိတာ မဟုတ်ဘဲနဲ့ကို သပ်သပ်လာပစ်တာ”ဟု ဒီးမော့ဆိုမြို့ခံတစ်ဦးက ရှင်းပြသည်။

ယခုလ ၂၄ ရက်ကလည်း တိုက်ပွဲမရှိသည့် ဒီးမော့ဆိုမြို့နယ် အနောက်ဘက်ခြမ်းသို့ စစ်ကောင်စီတပ်က လက်နက်ကြီးဖြင့်ပစ်ခတ်ရာ အရပ်သားပြည်သူနှစ်ဦး ပြင်းထန်ဒဏ်ရာရရှိခဲ့သည်။

Public Service Announcement

Public Service Announcement

Public Service Announcement
Public Service Announcement

အလားတူ မတ်လ ၂၃ ရက်က ဘောလခဲမြို့နယ်ရှိ ပုဂ္ဂလိကသစ်ထုတ်လုပ်ရေး လုပ်ငန်းနေရာအား စစ်ကောင်စီတပ်က တိုက်လေယာဥ်ဖြင့်တိုက်ခိုက်၍ ပြည်သူနှစ်ဦးသေဆုံးကာ သုံးဦးဒဏ်ရာရရှိ​ခဲ့သည်။

လက်ရှိ စစ်ကောင်စီတပ်၏ ကရင်နီဒေသသို့ ထိုးစစ်ဆင်တိုက်ခိုက်မှုကြောင့် ဖေဖော်ဝါရီ ၂၇ ရက်မှ မတ်လ ၁၂ ရက်အထိ နှစ်ပတ်တာကာလအတွင်း ကရင်နီ ဒေသ၌ အရပ်သား ၄၁ဦးကို သတ်ဖြတ်ကာ ၁၄ဦးကို စစ်ကောင်စီတပ်က ဖမ်း ဆီးကျူးလွန်ခဲ့ကြောင်း ကရင်နီလူမှုအသင်းအဖွဲ့များကွန်ရက်က ဆိုသည်။

ထို့အပြင် ဒီးမော့ဆို၊ လွိုင်ကော်၊ဘောလခဲ၊ ဖရူဆိုမြို့နယ်များနှင့်ရှမ်း-ကယားနယ်စပ် ဖယ်ခုံ၊ပင်လောင်းမြို့နယ်များမှ စစ်ဘေးရှောင် ၅၀,၀၀၀ ကျော်မှာ အရေးပေါ်ထွက်ပြေးရှောင်တိမ်းနေကြရပြီး ပြည်နယ် အတွင်း စုစုပေါင်း စစ်ဘေးရှောင် နှစ်သိန်းခွဲ အထိရှိလာသည်။

ဆက်စပ်သတင်းများ

သတင်း

တရုတ်နိုင်ငံ၏ စိုးရိမ်ချက်အရ ဇူလိုင် ၁၄ရက်ည ၁၂နာရီမှ ၁၈ရက် ည ၁၂နာရီအထိ အပစ်ရပ်ထားမည်ဟု ကိုးကန့်တပ် MNDAA က ယမန်နေ့က ထုတ်ပြန်သည်။

သတင်း

ဇွန်လ ၂၅ရက်မှစတင်သည့် တိုက်ပွဲကာလ၌ ကျောက်မဲမြို့တွင် တိုက်ပွဲအပြင်းအထန်ဖြစ်ခဲ့ပြီး အရပ်သားသေဆုံးမှုများလည်းရှိခဲ့သည်။

သတင်း

စခန်းအများအပြား လက်လွှတ်လိုက်ရသည့် စစ်ကောင်စီက လေကြောင်းမှ အချိန်မရွေးတိုက်ခိုက်လာနိုင်ကြောင်း ဒေသခံများအား ကာကွယ်ရေးရဲဘော်များက သတိပေးသည်။

နိုင်ငံတကာ

အစ္စရေး စစ်တပ်ကတော့ လေတပ် တိုက်လေယာဉ်တွေဟာ ဟားမားစ်တွေရဲ့ အခြေခံ အဆောက်အအုံ နေရာတွေကို ပစ်မှတ်ထား တိုက်ခိုက်ခဲ့ပြီး အသေးစိတ် အချက်အလက်တွေကို မကြာခင် ထုတ်ပြန်သွားမယ်လို့ ကြေညာထားပါတယ်။